¹ To sooyjo no timpu, nighimu to sogo si Impiradur Agustu to tibo no nigmang-ugpo to Ruma ogpolista. ² Si Sirenyo iya Gubirnadur to Siriya to panawun pigimu no nahun-a no pogpanglista. ³ No nigmangondiyo kandan to mo lungsud dan oyjow ka ogkangalista kandan. ⁴ Ligkat to lungsud to Nasarit to Galiliya, nighondiyu si Husi to Hudiya, diyo to Bitlihim ka lungsud no niglosutan ki Haring Dabid. ⁵ Ogpalista ka tuod din, no duma rin ka og-asawoon din no si Mariya no to soikan naboros kandin. ⁶ Tagood no diyo kandan to Bitlihim, oglosutan on si Mariya. ⁷ Nig-anak kandin to panganoy no lukos, inbukusan din ka bato to manggad hoy inpoyhibat diyo to sungguranan to mo ayjam su waro ma ogkahibatan dan hoy kayirogoan. ⁸ To sooyjo no ugpaan duon mo talagtanol to ayjam no mo karniru no inpalayjod no nigmampulan so ogtalun mando to mo ayjam diyo to kamot. ⁹ Nigpakita kandan ka sagboka no diwata to Magbabayjo hoy nalayjagan kandan to layjag to Magbabayjo hoy nangaldok amana kandan. ¹⁰ Nigkagi ka diwata kandan, ko kow kaaldok! Soini a nig-alap to maroyjow no mo lalag no makapaholo to tibo no mo otow, ¹¹ kuntoon no karusilomi, mo otow on diyo to lungsud ni Dabid ka manluluwas now, ka Kiristu no Magbabayjo! ¹² Iya soi ka timoilaan kakita now ka bato no nigbukusan to manggad no nighibat dot sungguranan to mo ayjam. ¹³ Hoy nigpakita mando ka hohon-ini no mo diwata diyo to langit nigdayjan hoy nigsayjo to Diyus. ¹⁴ Dayjanon ta ka Diyus diyo to langit hoy ka karoyjawan to mo otow no igkoholo din kayi to tano. ¹⁵ Hoy nanglibod on ka mo diwata diyo to langit, ka mo talagbantoy to karniru nigpanangnangonoy, mangondiyo ki to Bitlihim hoy pitawon ta ka innangon kanta Magbabayjo.” ¹⁶ No nigparagas kandan nighondiyo hoy nakita ran si Mariya hoy si Husi hoy ka bato ni inpoyibat dot sungguranan to mo ayjam. ¹⁷ No nakita rot talagbantoy ka bato, inlalag dan ka inkagi dot diwata mayitongod kandin. ¹⁸ Hoy ka tibo no nakarinog no noinu-inu dot inlalag kandan dot talagbantoy to karniru. ¹⁹ Inholos ni Mariya soini diyo to goynawa rin hoy insumansuman din sooyjo, ²⁰ hoy nigmanguli ka mo talagbantoy no nigmangdayjan to Diyus, tongod su tibo no narinog hoy nakita ran, sumalo to inlalag kandan to diwata. ²¹ Ka igkawalu no aldow dot bato, intuli on kandin. Hoy inngaranan kandin ki Hisus, ka ngaran no innangon kagi to diwata ki Mariya no ka waro pad inkaboros ka bato. ²² Nighinguma ka timpu, no nighondiyo on si Husi hoy si Mariya to Hirusalim, oyjow to pogtuman to balaod ni Moisis oyjow to poghugas to boyi no niglosutan, hoy insalulu ran ka bato no si Hisus diyo to Hirusalim oyjow ighalad diyo to Magbabayjo. ²³ Su soini ka nasulat to balaud to Magbabayjo no “Diyus”, ka tibo no panganoy no lukos ighalad diyo to Magbabayjo. ²⁴ Oyjow ogkahugasan niglosutan, ogpanubad kandan to daruwa no tukmu hoy ka daruwa naan salapati sumalo to nasulat diyo to balaud to Magbabayjo no Diyus. ²⁵ No duo otow nig-ugpo diyo to Hinudin no ogngaranan ki Simyun no ogtatagad no ogpangabangan to Magbabayjo ka kabuwaran ni Israil. Matularong kandin no otow hoy mohinaldokon to Diyus hoy nigdumaan kandin to Ispiritu. ²⁶ Hoy ipaguram kandin ka Ispiritu Santu no kono kandin kamatoy hantod ogkakita ka Kiristu no innangon to Magbabayjo. ²⁷ Niggooman si Simyun to Ispiritu hoy nigsolod diyo to timplu. To insalulu si Hisus to inoy rin pohondiyo to timplu hoy ogkoyimu ka insugo to balaod. ²⁸ Insakopu ni Simeon ka bato hoy pasalamat diyo to Diyus. ²⁹ “Kuntoon, Magbabayjo, su natuman on man ka innangon no tuguti nu ka suguonon no ogkaayjun ad oggipanow. ³⁰ Nakita kod iyat mo mata ko ka kaluwasan no. ³¹ Ka intagana no dot mo otow. ³² Sikan kalayjag dot dalan no inpakita rot konon mo Hudiyu. Hoy ogbogoy to kabantug to mo otow no kabuwaran ni Israil. ³³ Ka amoy hoy ka inoy dot bato nabolongbolong dot pogkarinog dan to pigkagi ni Simyun bayin kandin. ³⁴ No inpanalanginan kandin ni Simyun hoy migkagi ki Mariya ni inoy dot bato, soini no bato inpili to Diyus to pogpadiralom hoy to pogpaampow to mohon-in no otow to Israil. Ogkohimo kandin no tiumoilaan no ligkat to Diyus. ³⁵ Igpakita rin ka madoot no sumansuman dot mo otow. Mohon-in ka nigkagi to madoot kandin. Hoy og kaaras no angod to nig labasan to balarow kapuspusungan din. ³⁶ Duon mando buye no propita no inngaranan to Ana no anak ni Panwil ka kabuhalan ni Asir. Buyjag on kandin, pitu ro no tuig ka nig parumduhoy ka mag-alunggon. ³⁷ Hoy nabalo kandin no kawaluwan ho hop-at no (84) ka idad din. Hoy layjun dud og-uugpo diyo to timplu. Aldow hoy marusilom ogsimba kandan to Diyus, ogpuasa hoy og-ampu. ³⁸ To sikan no timpu, nokouma kandin hoy nigpasalamat to Diyus hoy migkagi bayen to bato hoy ka tibo nigtatagad no ogtubuson to Diyus ka Hirusalim. ³⁹ To natuman ni Husi hoy si Mariya ka tibo no insugu to Balaud to Magbabayjo, nigmanguli kandan diyo to Galiliya, diyo to lungsud to Nasarit no nangugpaan dan. ⁴⁰ No migtulin ka bato hoy nigmaruson, hoy dakol ka namaanan din hoy pigpanalanginan to Diyus kandin. ⁴¹ Kara tuig ka mo ginikanan ni Hisus ogmangondiyo to Hirusalim oyjow ogsaulog to pogligad. ⁴² To sampulu hoy daruwa no tuig si Hisus, nig mangondiyo kandan angod to naanaran. ⁴³ To pogkapunga to mo aldow to kasaulogan nigmanguli ka amoy hoy inoy ni Hisus, di si Hisus waro nig duma. ⁴⁴ Pogtuu dan nigduma si Hisus dot mo otow. To songo aldow on ka pog hipanow ran pigpamangho dan si Hisus diyo to mo karumaan hoy amana no duma ran. ⁴⁵ Di waro dan na batuki di nigmanglibod kandan diyo to Hirusalim to pog pamangho kandin. ⁴⁶ To igkatolu no aldow nabatukan dad on diyo to timpulo no nig pinuo duma rot mo talag-anad no migmaminog kandan hoy nigmanginso. ⁴⁷ nabolongbolong amana ka mo nakarinog kandin dot katuowanan no mo tabak. ⁴⁸ Nabolongbolong ka mo inoy hoy ka amoy rin to pogkakita ran kandin hoy mig kagiyan kandin dot inoy rin. Utu, maniyo to nayinaug no soini kanami? Amana koy natulong koykow. ⁴⁹ Migtabak kandin maniyu namangha kow pad koddi? Wa kow namaan no kaye a iyag ugpo to baloy to amoy ko? ⁵⁰ Di waro kandan nakasabot to pigpangagi ni Jesus. ⁵¹ Dayjon nig duma on si Hisus to amoy hoy inoy rin diyot Nasarit, hoy naminog kandin to amoy hoy inoy rin hoy kunlayjon ogkasumansuman ni Mariya soikan. ⁵² Hoy migdakol pad ka kaalam ni Hisus hoy nabonalan amana ka Diyus kandin hoy so mo otow.