1
To sagboka no timpu, mohon-in ka talagsukut to buwis hoy makasasalo no nighondiyo ki Hisus oyjow ogpamminog kandin.
2
Nigbagulbul ka mo Parisiyu hoy ka mo talagpanulu to balaud to Magbabayjo no nigkagi kandin, "Ka soini no otow nig-alundug to mo makasasalo hoy og-amut kandan no ogkoon."
3
Ligkat duon inpangguguran din sikandan to sampitanan:
4
"Umba ko duon sagboka kaniyu no duon sa songugatus no kalniru no nalaagan to sagboka. Nokoy naan ka oghimuwan din? Og-ongkoran din iyan ka siyam no pulu hoy siyam (99) diyo to panabtaban, hoy ogpamitawon din ka nalaag no sagboka no karniru taman to ogkakita.
5
Di ko ogkitoon din on iyan soini, ogkahalo iyan kandin hoy ogtiangon din on soini.
6
Ko og-uli kandin,ogpanginggaton din on ka mo alukuy rin hoy ka mo sumbaloy rin no ogkahi, "Oghalo-haolo ki su nakita kud on on ka natarin no ayjam ki.'
7
Iling dod doma duon, ogkagiyan ku kaniyu no subla pad ka kahalaan diyo to langit tongod to sagboka no makasasalo no ongkod to salo din, du ti siyam no pulu hoy siyam (99) no mo matularong no kono ogkinangolan no og-ongkod to salo dan.
8
8 “Panampita ko duon malitan no duon sampulu din no dipalata no maahal hoy nalaagan to sagboka, nokoy naa ka oghimuwon din? Ogparokot iyan sikandin to sulu hoy ogpanlimas to baloy rin, no ogpaay-ayjaran din sooyjo to ogpamitow taman to ogkakita rin.
9
No omun ko ogkakita rin on soin, og-umawon din ka mo alukuy din hoy silingan din to ogkahi, "Oggalo-galo ki su nakita kud on ka natarin no salapi ku!"
10
Iling naan dod doma duo, ogkagiyan ku sikaniyu to igkahalo to mo panaligan to Magbabayjo ka sagboka no makasasalo no og-innuyug to salo din."
11
No migpadayjun si Hisus pogkagi, “Duon sagboka no otow no duon anak no daruwan no lukos.
12
Sagboka no aldow, migkagi ka hari diyo to amoy, 'Amo, bogayji ad on to mo koddioy no bahin to karatuan ta.' No intunga on amoy ka karatuan din diyo to daruwa no anak din.
13
Pogligad to pilan no aldow, imboligyo to hari ka kandin no bahin hoy mighipanow sikandin diyo to mariyu no ingod. No diyo din datdaata ka salapi din to waro pulus no mo himu.
14
To noubus din on to oggastu ka salapi din, duo mighinguma no bitil to sooyjo no ingod hoy amana sikandin noilui to langun.
15
Sikan naan, migwoil-woil sikandin hoy migtarabahu on diyo to sagboka no mahingod dutun hoy inpohondiyo sikandin to kamot oyjow og-alima to babuy.
16
Tagood to oggutasan on iyan kandin, ogkaliyag on poron no ogkoon to ogbowug to babuy, su waro sagboka no nigbogoy kandin to ogkoonon.
17
To katamanan, nakakagi kandin to kougalingon, 'Dakol man ka ogkakoon to mo binayjaran to amoy ku di ogkamatoy ad man to soini to gutas!
18
Maroyjow pad ka og-awo kayi hoy oglibod diyo to amoy ku hoy ogkagiyan ku sikandin, "Amoy nakasalo a to Magbabayjo hoy duon to koykow.
19
Kono ad ilahan no ogngaranan o pad nikoykow no anak nu, isipa a naan do nikoykow no sagboka no sulugoon nu.' "
20
No nighipanow on sikandin hoy mig-ondiyo on to amoy din. Di to diyo pad sikandin to mariyu nakitoon on kandin to amoy din. Nohid-u ka amoy to anak din hoy migpallaguy ka migsinug-ung kandin hoy nigkopkopan din hoy migharokan ka anak din.
21
No migkagi ka anak, 'Amo, nakasala a to Magbabayjo hoy diyo to koykow. Kono ad isipa nikoykow no anak nu.'
22
Di nangumow ka amoy to mo sulugoon din no migkagi, 'Hondini kow! Uyana niyu ka labow no maroyjow no kinabo hoy isaluub niyu mando to sising hoy sapatusi niyu sikandin.
23
No kua niyu ka malambag no Nati no baka hoy himatayji niyu su oggagastu ki.
24
Su soini so anak ku no napatoy on, nouyjag dod; nalaag kandin no nigkita rod.' No migbunsud on sikandan no miggalo-galo.
25
To sooyjo no timpu, diyo to kamot ka kakoy no anak, hoy og-uli a doma. Hoy to marani on kandin to baloy ran, nakadinog sikandin to duon og-ulaging hoy ogsayjow.
26
No dutun, in-umow din ka sagboka to mo sulugoon hoy nig-insaan din, Nokoy a ka oghimuwon niyu duo?'
27
No migtabak ka sulugoon, "Mig-uli ka hari nu hoy waro dod sikandin namonu sikan naa, impoyimatayjan to amoy nu ka malambog no nati to baka.'
28
Nalangotan ka kakoy hoy kono ogkaliyag no ogsolod to baloy, nokoy naan no niglihawang ka Amoy hoy in-imo-imoan din ka anak din.
29
Di nigtabak sikandin to amoy rin, 'Amo, sumsumana nu ka pila no tuid no migtarabahu a koykow iling to hibatoon hoy waro ad iyan nig-apul to insugu nu. Di waro ad iyan nikoykow bahini agad nati naan do to kambing oyjow ogkoholo a duma to mo alukuy ku.
30
Di to pog-uli to anak din no migdaat-daat to karatuan nu duma to mo malitan no ogmamologyo to lawba, inhimatayjan nu pad sikandin to malambog no nati to baka.
31
No migtabak ka amoy, 'Oto, layjun ku duma sikoykow hoy koykow mando ka tibo no kanak.
32
No kinangolan no oggastu ki hoy ogkoholo ki su ka hari no namatay on hoy nouyjag mompa; no nalaag sikandin no nakita on.' "