1
Naponga on, nang alam ka Magbabyjo to loin nu kapituan hoy daruwwa no mo otow. Inpohondiyo kandan nu tagdaruwa hoy nahun-a kandin diyo tolunsushoy diyo ingod nu magaan un ogkaumay.
2
Nigkagi kandin, “Dakol un so ug anihon di waro talag aani. Koy naan ka ampo kow nu duon to kamunoy to kamut nu mohon-in pad ka igpaalap din nu talag aani.
3
Hipanow kow, kanak nogpohondiyo kaniyo ogkoiling kow do to nati nu kalniru nu ko ug hondiyo an now nu mabolot no mo otow nog koiling to aso nogpangagat.
4
Kono kow alap to kabil hoy sandal hoy ko ug makatumo kow to mo otow kono kow sagdok.
5
Agad hondoi kow nu baloy ug moko-uma, hun-a nu tog kagui, “Nasi puron no maroyjow ka pog ugpa nuw.”
6
Nu ko duon nig-lupo nu litos nu ogpakaangkon to ogkaliyagan. Ogkaangkon iyan sikan. Di ka kono nu litos, kono iyan sikandan ogmakaangkob to ugkaliyagan.
7
Pabilin kow to sooyjw nu baloy: koon hoy inom kow to kandan nu igbugoy kaniyu su ka ug tarabahu olug iyan nu ug suolan. Kono kow halin-haliun ligkat to sagbuka nu baloy diyo to loin.
8
Ko oghondiyo kow to sagbuka nu lunsud hoy ogdawwaton kow kandan, koon kow to igbugoy kaniyu.
9
Ayjoha nu ka mo masakiton diyo to sikan nu lunsud, hoy kagihi ka mo otow diyo no maranid un ka pog-uma kandan ka poghari to Diyus.
10
Di to sikan, hondiyo kow to sagboka nu lunsud hoy kow kono kow kandan ugdawwaton, hondiyo kow to dalan hoy kagihi ka mo otow.
11
Agad ka alituping to kaniyo nu lunsud nu nigdukot kayi to paa nu hoy ugpagpagon sumsuman now nu marani un ka poghari to Diyus.
12
Ugkagiyan ko kaniyo nu to Aldow to Poghukom masakit pad ka lugpad to sooyjow nu lunsud to kono to Sodoma.
13
Mokohohoy-o ka Corasin! Hoy mokohohoy-o ka Bitsaida! Su ka mo koin-inowan nu inhimo diyo to kaniyu, nahimo purun diyo to Tiro hoy to Sidon, malugoy un puron nu in-ungkoran ka mo salo to mo otow hoy nigpakita soin to pogpinnuu nu nigkikinabo to sako hoy nigbudburan to abu ka ulu ran.
14
To Aldow to Poghukom, ugkohoy-owan pad to Diyus ka Tiro hoy ka Sidon to kono kaniyu.
15
Hoy koykow Capirnaum, nigsumansuman kow nu ogdayjann kow to tibo. Di igbanggal kow diyo to Impirnu.
16
Hoy nigkagi kandin diyo to m tinuonan, “Ka ugpamminog kaniyo, ogpamminug kanak hoy ka ugbalagad kaniyo, ugbalagad kanak hoy ka ugbalagad kanak, ugbalagad kandin nu nigsugu kanak.
17
Hoy niglibod ka kapituan hoy daruwwa (72) nu ugkahulo hoy nigkagi, “Magbabayjo, agad ka mo busow nigtuo kanami to pinabayjo to koykow nu ngaran!”
18
Si Hisus nigtabak kandan, “Nakita ko si tanas nu naulog iling to kilat ligkat to langit.
19
Pamminog kow, inbogayjan ko kaniyi to gohom oyjw ogkohimo ko to oggiok to mo ulod hoy to mo salipitsipit hoy to tibo nu gohom to busow, hoy waro ugka umonu kaniyo.
20
Di kono kow ugkahulo tungud su ka mo busow nigpatuokaniyo, ko kono kahulo kow ku ka ngaran nuw nasulat diyo to langit.
21
To sooyjow nu timpu inbogayjan si Hisus to kahuluan to Ispiritu to Magbabayjo hoy nigkagi kandin, “Amoy, Magbabayjo to langit hoy to tano, nigpasalamat a koykow tungod su inpapitow no man diyo waro namaanan ka koykow nu inhulus to mo otow no waro katuonan. Amoy natumman soin so iyan nu ma ogkaliyagan.”
22
Inbogoy to Amoy ku ka tibo kayi to kanak. Waro nokoila toAmnak ko kon ka Amoy ru. Hoy waro nokoila to Amoy ko kono ka Anak ru kandan nu in alam to Anak oyjow ogpoilahon ko hontow ka Amoy.
23
Nu si Hisus nigkagi to mo tinuonan din, “Maroyjow to nakakita kow to mo butang nu nakita now!”
24
Nu ogkagiyan ko kaniyo nu mohon-in ka mo purupita hoy mo hari ka ogkaliyag nu ogpitow to nakita nu di waro kandan nakakita hoy kaliyag no ogpaminog to narinog nu di waro sikandan nakarinog.
25
Nu nigdani ka sagbuka nu talagpanulu to balaud oyjow to pog-olog-olog ki Hisus. Hoy nanginso kandin, “Talagpanulu nokoy ka kinaanglan nug himowon ko oyjow makadawat a to kinabuhi no waro katamanan?”
26
Si Hisus migtabak, “Nokoy man ka innangon diyo to kasulatan? Hoy nokoy man ka inpasabut to soin?”
27
Ka Talagpanulu to balaud nigtabak, “Goynawai nu ka magbabayjo no koykow nu Diyus to tibo nun pusung hoy to tibo nu gimukud nu, hoy to tibo nu duson nu, hoy to tibo nu salabotan nu, hoy goynawai nu ka isigka otow iling to poggoynawa nu to kougalingon nu.”
28
Migtabak si Hisus, “Olog dod iyan sikan tabak nu! Himowa nu sikan oyjow ogmakarawwat ka to kinabuhi.”
29
Di ogkaliyag ka talagpanulu to balaud nu og ilaon nu matalong kandin, nokoy na-an nanginso nandu sikandin ki Hisus, “Hontow na-an ka mo sulud ku?”
30
Si Hisus migtabak, “Duon sagbuka nu otow no nigtupang ligkat to Hirusalim pohondiyo to Jirico hoy inabungan sikandin to mo tulisan. Inlubasan hoy inongkuran no maga-an on kamatoy.
31
To sooyjow no timpu duon sagboka nu pari nu nigbayjo to sikan nu dalan. To pogkakita din to sooyjow otow nu intulisan nigligad ru kandin diyo limmang.
32
Di duon nandu nigbayjo n sagboka nu Livita. To marani on sikandin, inpitow din sooyjow otow hoy niglimmang dod iyan kandin to pogbayjo.
33
Di duon sagbuka nu samaryanhon no nigbayjo to sikan no dalan hoy nabayja-an din ka otow nu intulisan. To pogkakita rin nohoy-o sikandin.
34
Nigdani sikandin, hy inug-ugan din to lana hoy bino ka kandin nu pali hoy inbagkosan. Hoy inpasakoy rin sooyjow otow to asno hoy inhatod diyo to sagboka no baloy hoy diyo inpatanol din.
35
To mapawo, nogbogoy sikandin to daruwa nu dinario diyo to nigtanol hoy nigtugon sikandin, “Ay-ayjari nu sikandin hoy ko oglibod a kayi ogbayjaran ko ro koykow.”
36
Hoy si Hisus nigtapos to nigkagi, ‘Kuntoon, to koykow nu sum-sumanan hontow man to tatulu ka olog no nigpamatuod nu iling nu no otow?
37
Ka talagpanulu to balaud nigtabak, “Sooyjow so nahoy-o kandin.” Si Hisus nigkagi, “Nokoy na-an, hipanow ka hoy himuwa nu ka iling to kandin no inhimo.
38
To nigparayjon un to nighipanow si Hisus hoy ka kandin no mo tinuonan nakauma sikandan to sagboka no banwa no duon sagboka nu malitan no inngaranan to Marta nu nigparayjon kandin diyo to kandin nu baloy.
39
Duon sulud din nu malitan no inngaranan to Mariya nu nigpinnuu diyo to paa ni Hisus hoy naminog to inpanulu din.
40
Si marta kono ogkaayjon to pog-atiman kandan, nokoy na-an nigdani sikandin hoy nigkagi, “Magbabayjo. Kono ka buwa ogmakasapad nu in balagad aro man to sulud ko to tibo no buluwaton kayi to baloy? Kagihi sikandin nu ogbulig kanak.”
41
Di ka Magbabayjo nigtabak kandin, “Marta, Marta, natalong ka hoy nasasow to mohon-in nu mo butang
42
nu sagboka ro man purom ka kinangulan. Inpili ni Mariya ka maroyjow hoy waro ogmakapurot ligkat diyo to kandin.