¹ Hoy ka tibo nigmanguli di si Hisus nighundiyo to bubungan to mo Olibo. ² To pogkapawwo niglibod kandin diyo to templo. No niglingutan kandin to mo otow hoy nigpinuo kandin hoy nanulo kandan. ³ Ka mo talagpanulo to balaod hoy ka mo parisiyo nig-alap to sagboka no malitan no nasaaban dan no nanlibog hoy inpasasinodg diyo to tangkaan to mo otow. ⁴ Nigkagi kandan ki Hisus "talagpanulo, soini no malitan nasaponan no nanlibog. ⁵ No sumalo to balaod ni Muwisis olog kandin no ogbatuwon taman tog kammatoy no, nukoy kaig kakagi no," ⁶ Inkagi ran sooyjo oyjow to pogsahilot ki Hisus oyjow igkasumbong dan kandin di nigwoil-woil si Hisus, nig-usangol kandin hoy nigsusulat to bulad din diyo to tano. ⁷ Tagood to nigsasindog kandan diyo no nanginso kandan, migsasindog si Hisus ka nigkagi "Ko huntow kayi to kaniyo ka waro nakasalo, kandin ka oghun-a ogbatok kandin. ⁸ Hoy nigsusulat kandin ni hutok diyo to tano. ⁹ To pogkarinog dan to inpangagi ni Hisus hoy manhipanow on kandan no iyan nig hun-a ka mo buyjagiyan do naan nabilin si Hisus hoy ka malitan no nigsasindog diyo. ¹⁰ No nigsasindog si Hisus hoy nigkagiyan din ka malitan. "buyi hundui naan on kandan? waro naan sagboka no oglugpad koykow?" ¹¹ No nigtabak ka malitan, "Waro, Agalon" No nigkagiyan kandin ni Hisus "ko iyan sikan, agad a kono daan og logpad koykow. Hipanow kad hoy kuno kad himo to salo" ¹² Hoy nigkagiyan man do si Hisus ka mo parisiyu, "So kanak ka kalayjag to kalibutan ka og duma kanak, ogpakaangkon to kalayjag to kinabuhi no konad ogmakayipanow diyo to karusiloman. ¹³ Ka mo parisiyu nigkago kandin, "Nigtistigus ka koykow ro no kaugalingon hoy ka ipangagi no konog kadawwat. ¹⁴ Si Hisus nigtabak, "Agad ko og-unoy-unoy a nig titigos mayitungod kanak, ka inpangagi ko tutoo so nataga a hundoi a lligkat hoy hundoi ag hundiyo, Di kaniyo waro kow nataga ko hundui a ligkat hoy hundoi a og hundiyo. ¹⁵ kaniyo niglugpad to ligkat do to sumsuman now, Di kanak waro a niglugpad to agad huntow. ¹⁶ Di ko kanak kag lugpad, olog iyan ka iglugpad ko so kuno no kanak do kag hukom, ko kuno daruwa koy to Amo no nigpuhundini kanak. ¹⁷ Nasulat diyo to balaod to balaod now no ko daruwa ka og titigos nog pokog-iling kag kagiyon, tutoo ka in pangagi ran. ¹⁸ Nig-unoy-unoy a pogtitigos mayitungod kanak, hoy ka amo ko no nigpaalap kanak nigtitigos daan bahin kanak" ¹⁹ No nanginso kandan, "Hundoi ka Amoy no?" no nigtabak si Hisus "Waro kow mokoilad kanami to Amoy ko." ²⁰ Inkagi ni Hisus soin to tibo, tagood to nigpanulo kandin sulod to timpulu diyo to lungod to intaguam to taguanonan to salapi diyo to timpulu. Di waro pad kandin darakupa so waro pad mog uma ka kandin no panahon. ²¹ Hoy nigkagi man do si Hisus kandan, "Oghipanowa hoy ogpammitow kow kanak di ogkangamatoy kow tungod to mo salo now. Kuno kow ogmakahundiyo to og hundiyaan ko." ²² Hoy ka mo agalon to mo Hudiyo nigkagi, "Og-ugot man buwa kandin no nigkagi ma kandin no kuno ki og moko hundiyo to oghundiyaan din?" ²³ Si Hisus nigtabak, "Kaniyo taga kayi to tano di kanak ligkat a diyo to langit. Kaniyo taga dini to kalibutan di kanak. Kuna-a no taga kayi. ²⁴ Ogkagiyan ko kaniyo no ogmakamatoy kow ro sumalo to mo salo now hoy ogkayitabo iyan soini ko kuno kow ogtuo no "Iyan a" ²⁵ Kandan nanginson kandin, huntow ka man naan? Si Hisus nigtabak kanak iyan sooyjo so inpangagi ko kaniyo ligkat pad nahun-a. ²⁶ Dakol ka igkakagi hoy igkalugpad ko kaniyo. Di iyan ko ro igkakagi to mo otow kayi to ampow to tano ka ogkarinog ko nu ogligkat diyo to nigpuhundiyo kanak iyan igkakagi ko dini to kalibutan. ²⁷ Waro kandan nakasabut to ka Amoy iyan ka Magbabayjo. ²⁸ Hoy nigkagi si Hisus kandan, "Ko igsagboka now on ka Anak to otow, ogkataggan now no waro a nighinang to kaugalingon kon pogbuot ko kono nigakgi a ro to in-anad kanak to Amoy ko. ²⁹ Hoy kandin no nigpaalap kanak, nigduma kanak waro a kandin balagara no nigpasagsagboka so layjun ko og himuwa ka ogkaliyag din ³⁰ mohun-in ka nigtuo ki Hisus punga rin ikagi soini no butang. ³¹ Hoy nigkagi si Hisus to mo namminog kandin, "ko og tumanon now ka inpangagi ko tutoo iyan no kaniyo ka mo tinuonan ko. ³² Katagaan now ka kamatuoran, hoy ka kamatuoran no og makabugoy kaniyo kagawasan. ³³ No nigtabak kandin, "Mo kabuaran koy ni Abraham hoy waro koy ro duon ma-uripon to agad huntow. No mani to nigkagi ka to ogbugayjan koy to kagawasan. ³⁴ Si Hisus nigkagi kandan, "Ogkagiyan ko kaniyo" Uripon to salo ka tibo no makasasalo. ³⁵ Ka oripon ogkaayjon no og-awoon to gipoon, di ka anak, kuno iyan ogkaayjun no ogka-awoon. ³⁶ Ko ka anak ogbugoy kaniyo't kagawasan, ogkohimo iyan kaniyo no mo otow no gawasnon. ³⁷ Nataga a no mo kabuwaran kow ni Abraham, Di ogbantaanon a now to oghimatoy so kono now ogkarawat ka igpanulo ko kaniyo. ³⁸ Iyan ko ro inpamatbat ka inpapitow kanak to Amoy ko. Di kaniyo, iyan now'g himuwon ka narinog now ligkat to Amoy now" ³⁹ Ni nigtabak kandan "Si Abraham ka Amoy noy" No nigtabak si Hisus "Ko tutoo no kabuwaran kow ni Abraham, iling dod poron ka oghimuwon now to inhimo rin. ⁴⁰ Ka inhinang ko iyan do ka pogkagi kaniyo to kamatuoran no nadinog ko ligkat diyo to Magbabayjo, di nigbantaan kow to poghimatoy kanak. No waro iyan nokoyimo si Abraham to iling to soini. ⁴¹ Nighimo ko to inhinang to Amoy now. "Nigtabak kandan" kuno koy no mo anak to loin, sagboka ro ka amoy noy ka Magbabayjo do iyan." ⁴² Si Hisus nigtabak kandan, "Ko tutoo no ka Magbabayjo ka amoy now, ogginawahan a now puron kaniyo so ligkat a man kandin to poghundini ko. ⁴³ Mani to ko kow og pakasabot to inpangagi ko? ka hinungdan to soini no kono ogdawat ikagiyonon ko. ⁴⁴ Iyan now Amoy ka agalon to mo busow hoy og kaliyag kow nog sunod to ogkaliyagan din. Mamumuno kandin ligkat pad to bunsuranan, hoy waro iyan kandin nigdapid to kamatauron so waro man diyo to kandin ka kamatuoran ko og o-uubat kandin, nigsunod naan do kandin to batasan din tungod so ubaton kandin ka nigligkatan to tibo no ubat. ⁴⁵ Kono kow ogtup kanak so nigkagi a to kamatuoran. ⁴⁶ Huntow man kaniyo ka ogpamatuod no nakasalo a? waro iyan! Huntow man kaniyo ka ogpamatuod no nakasalo a? waro iyan! no mani to kuno kow ogpatutuo to ogkagiyon Magbabayjo" ⁴⁷ Sooyjo so kandin to Magbabayjo, ogpatutoo to inkagi to Magbabayjo. Di kaniyo kono kow no kandin to Magbabayjo kan naa kunoo kow ogpatutuo to inkagi rin. ⁴⁸ No nigtabak ka mo agalon to mo Hudiyo diyo ki Hisus. Kuno ba no tuto ka inpangagi noy no ikow sagboka no matig Samarya ka hoy nigsuloran to busow." ⁴⁹ No nigtabak si Hisus "Waro a suluri to busow" Inbantog ko ro ka Amoy ko. Di inpasiporan a now. ⁵⁰ So waro a nigdayjan to kanak no pogkaotow. Duon ka amoy no iyan ogkaliyag no ogkarayjan a to mo otow, hoy kandin ka oglugpad. ⁵¹ Ogkagiyan ko kaniyo, ka agad huntow no ogtuman to igkagi ko kunod iyan ogkamatoy. ⁵² Ka mo Hudiyo nigkagi kandin, "Kuntoon nanong-nungan doy on no nigsuloran ka to busow! Si Abraham hoy ka mo Purupita nangammatoy di nigkagi ka, ka ogtuman to inpangagi ko waro iyan mamatay? ⁵³ Mani, labow ka pad manaan to apu noy no si Abraham namatoy kandin duma do to mo Purupita, no huntow ka naan iyan? ⁵⁴ Si Hisus nigtabak, ko ogparayjan-dayjan a ro to pogka-otow ko waro pulos ka pogparayjan-dayjan ku, Di ka Amoy ko no nogkagiyon now no Magbabayo no iyan ogdayjon kanak. ⁵⁵ Waro ko mokoila kandin, Di nokoila a iyan kandin, so ko ogkagi a to waro a mokoila kandin, ogpokoiling ad on kaniyo no ubaton. Di nakoila a iyan kandin hoy ogtuman to sugo din. ⁵⁶ Ka Amoy now no si Abraham og kaliyag no ogmakapitow kandin to aldow to pog hundini ko. Napitow din soini hoy naliyag kandin. ⁵⁷ No nigkagiyan kandin to mo Agalon to mo Hudiyo, "Waro ka pad nigkalimaan no tuig. No omuno nu naan pogkapitow ki Abraham?" ⁵⁸ No nigtabak si Hisus, "Ognangonan ko kaniyo: Duon ad on no waro pad niglusot si Abraham." ⁵⁹ Hoy namurot kandan to bato so ogbatuwon dan on si Hisus, di nighulos kandin hoy nig-awo on diyo to timplo.