¹ Sungo aldow naan do to kowologan to pog ligad, na taga si Hisus to pog ongkod din kayit ingod hoy og hondiyo to amoy. Layjon dig dakulan to goynawa ka kandin kayit ingod hoy dakulan din to goynawa taman to katapusan. ² Nanihapon si Hisus duma rot tinuonan din to oras sa insolod ni tanas to sumsumanan Hudas no anak ni Simon Iskaryoti ka pog lubos ki Hisus. ³ Na taga si Hisus no in balagad dot amoy kandin ka tibo no gahum hoy kandin ligkat to Diyus hoy oghundiyo to Diyus. ⁴ Koynaan ka migsasindog si Hisus, in lu-ong din ka ampow no tinabo din hoy nig baba kos kandin to tuayla. ⁵ Hoy nig uug-ug kandin diyo to palanggana in lu-luan din ka paa to mo tinuonan hoy in punasan to tuayla no in bakos din. ⁶ Nigda ni kandin si Simon Pidro, hoy si Pidro nigkagi "Magbabayjo ug lulu-an no naan ka kanak no paa." ⁷ Nig tabak si Hisus, "kuno pad kunto ogkasabot to inhimo ko di ug makasabot karo" ⁸ Nigkagi si Pedro, "kuno a ug pa lu-lu koykow to paa ko" di si Hisus nig tabak, "kuno ko ug lulu-an ka paa no waro labot no kanak" ⁹ Si Simon hoy si Pidru nig tabak, ku iyan sikan Magbabayjo kuno no paa kuro ka ug lulu-an no kuna apila nod ka ulo hoy bulad. ¹⁰ Di si Hisus nig nangon, kanak pamarigus on maroyjow on konad no kinahanglan ug pa lu-lu di kuno no iyan ka paa ka kaniyo tibo maroyjow on. Di duon sabboka ka iyo. ¹¹ Nanaga on si Hisus no hontow kag lubos kandin koy naan ka nig kagi kandin, kaniyo tibo maroyjow di duon sabboka. ¹² Tapos din to pog pan lu-lu din duon to paa in tinabo din in libod to ampow no tibo din hoy niglibod kandin nig pinnuu diyot in pinuoan din. Hoy nanginso kandin, "Na taga kow on to pig himo ko kaniyo" ¹³ kaniyo nig omow kanak to talagpuonon Magbabayjo, tumanan sikan su iyan man sikan kanak. ¹⁴ Ku kanak ko kaniyon no Magbabayjo hoy talag panulo no nan lu-lu to kaniyo no paa kinahanglan no ug lino lulu-ay kow. ¹⁵ Nigbugoy ad kaniyo to panampitan oyjow ug himuwon now to isig ko otow now. ¹⁶ Ug nangunan ku kaniyo, waro ulipon no labaw pad to agalon hoy waro suguanon no ug labow pad dot nig sugo kandin. ¹⁷ Kuntuon na taga kow on to kamatuoran kampo kow ko ughimo won now soini. ¹⁸ Waro a nig nangun mayitungod kaniyo tibo. Namaanan ko ka nig alam ko di kinahanglan no katuman ka kasulatan no nig kagi, ka otow na nakig tugon tukuonon ug koyimo no usig ko. ¹⁹ In nangunan kod kaniyo to soini to waro pad on moyitabo oyjow to pogyitabo pad to soini, ug tuo kow kanak iyan. ²⁰ Kagiyan ko kaniyo, ka purot to agad din paalap ko ug purot kandan kanak hoy ka ug purot kanak ug purot mando dot nig purot kanak. ²¹ Ka pugkatapos to pogkagi ni Hisus, natalong kandin hoy nig kagi kandin to waro lipod-lipod, kagiyan ko kaniyo no kasabbuka kaniyo ug lubos kanak. ²² Nig papitpitawoy ka tibo no tinuoanan hoy na ino-ino amana ka huntow ka buot pasabot ni Hisus. ²³ Sabbuka rot tinuonan ka nig dakulan ni Hisus to goynawa no nig pin nuo topad kandin. ²⁴ Si Simon Pidro nig alati kandin hoy nigkagi, insoin si Hisus ku huntow ka buot pasabot din. ²⁵ Koy naan ka tinuonan nig dani ki Hisus hoy nanginso, "Hontow man kandin Magbabayjo?" ²⁶ Kandin ka ug bugayjan kot soini lotib no pan, pugkapos ko no ug oluron. Nigtabak si Hisus . Koy naan ka nig kanig ulod din soi hoy inbugoy ki Hudas nu anak ni Simon no Iskaryot. ²⁷ Tu pogkinawwo ni Hudas to pan, si Tanas nigsulod kandan, nigkagi si Hisus kandin, himua now ko nukoy ka ug himowon no. ²⁸ Waro agad saboka diyot kuonanan no naka sabot maniyot in kagi ni Hisus sikan diyo ki Hudas. ²⁹ Su si Hudas man ka nig gungon dut taguanan to salapi nila no tinuohan ka nig suman-suman no in payipanow kandin ni Hisus oyjow pug bubuli to kinaanglan dan to kowlogan hoy ko duon ig pabugoy si Hisus diyo to mu mokohohoy-o. ³⁰ Intinawwa ni Hudas ka pan hoy nig inagpas kandin nig libbuwas su marusilom on. ³¹ To naka hipanow on si Hudas, nigkagi si Hisus," ka anak to otow nig pabantugan hoy ka Diyus nigpa bantugan pinabayjo kandin". ³² Ku ka Diyus in pabantugan pinabayjo to anak to otow, ka anak to otow nig pabantugan to Diyus pinabayjo to Diyus. ³³ Mo ana kuna ad ug malugoy no ug duma kaniyo ug pamango kow kanak di og kagiyan kuntuon kaniyo ka mo agalon to Hudiyo kano kow ug moko hundiyo tog hundiyaan ko. ³⁴ Ugbugoy a kaniyo to bag on sugo, masig sigurowoy kow iling to pog siguro ko kaniyo. ³⁵ Kog masig siguroay kow, ug taga ka tibo no kaniyo ka tinuonan ko. ³⁶ Si Pidro nanginso, Magbabayjo hundoi kaman og parolog, nigtabak si Hisus, kuno ka pad ug mokohondiyo ug hundiyan ko di og maka hundiyo ka ro puhon. ³⁷ Nanginso si Pidro, Magbabayjo maniyo man to kuna agad ug makaruma koy kontuon? Andam ag pakamatoy oyjow koykow. ³⁸ Si nig tabak, andam ka iyan ug pakamatoy alang kanak, nangunan ko koykow to kuno pad ug ukalo ka manok ig holos a nog to katatolo.