¹ Hun-om du na-an to waro pad ka kasaugan to pogligad to Magbabayjo to Bitanya no pig-ogpaan ni Lasaru to in oyjag din ka napatoy. ² Nigsusugba kandan to iyapun dan hoy so Marta kanig andam taguod to pid dumaan ni Lasaru si Hisus tog kuon. ³ Hoy nigpurut si Mariya to pwmut no liwaro to litru. Nu mahalon no ligkat to nardu. Pig og-og din to paa ni Hisus hoy pigpunasan din to bul-bul naluguban do ka baloy to kow-mut to powmut. ⁴ Hoy to sagboka to mo inanad ni Hisus no si Hudas Iskaryuti, kanig lubos kandin no nigkagi, ⁵ mani to waro igbaligya soini powmut to tatolo nu gatus no dinaryu hoy kahalin igbugoy to mokuwoy-o? ⁶ Pigkagi din soin, kono no noyi-d kandin to mo mokowoy o ko kono tongod to takawon kandin. Kandin kapig diyalan to puntil no ogsuluran to salapi hoy iyan din on nagimataan kapog pang-oliskad.” ⁷ Di si Hisus nigkagi, “balagara now on kandinj hoy kono now balabagi to aldow topog lubong kanak. ⁸ Ka mo makowoy-o layjon now ogkaduma di kanak kona anow layjon ogkaduma.” ⁹ To loin no bayin, duon niglilimud no mo otow no nataga no duon si Hisus diyo to Bitanya. Kono no tongod to duon si Hisus ko kono oyjow ogkakita dan si Lasaru no pig oyjag ni Hisus. ¹⁰ Tongod to sikan ka mo panguu to pari nigbanta-anan, tog himatayjan dan si Lasaru. ¹¹ Tongod kandin mun-in kanig awo no mo Hudiyu no nigpalintutu-u ki Hisus. ¹² To sunud no aldow, niglimud-limud ka mo otow no nig amut to kasaugan topog ligad to Magbabayjo nakadinog kandan maranid on ogpoko-uma si Hisus no matig-Hirusalim. ¹³ Koy na-an kanamurut kandan to pakow to palmira hoy nanglibwas kandan nigdalapak kandin hoy nangiyak, “Dayjanon ta ka Magbabayjo! Kampo kandin no nig hondini to ngaran to Magbabayjo! Ogpanalanginan to Magbabayjo ka hari to Israil!” ¹⁴ Nakakita si hisus to nati to asnu hoy kod-du sumalo to pigkagi to kasulatan. ¹⁵ “kono ka kahaldok, matig-Hirusalim! Soin ka harinow no nig untud to nati no asnu.” ¹⁶ Ka mo hibatoon din waro nakasabut to soin panawon. Di no pigkayjow on si Hisus diyo to karoyjawan, nasuman-suman dan no ka kasulatan nighisgut mayitongod kandin hoy nighimo diyo’t kandin. ¹⁷ Namatbat ka otow no duma ni Hisus to noyitabu to duon no inpanlibwas din si Lasaru diyo to lubonngan hoy pig-oyjag. ¹⁸ Nigtumo kamo otow so nigdinog to inhimo din no kabulbulungan. ¹⁹ Koy na-an nigpakawkagiyay ka mo Parisiyu, “Napitow now on, waro iyan og koyimo ta! Pitow kow, ka tibo nigsinundul kandin!’ ²⁰ Duon duma no mo Grigu no nighondiyu to Hirusalim to panawon to kuhologan oyjow topogsimba. ²¹ Nigdapak kandan ki Pilippi no matig-bitsayda no sagkup to Galiliya hoy nigkagi, “Agalon, kaliyag koy ogpakigkita ki Hisus.” ²² Koy na-an kanig hondiyo si Pilipi hoy namatbat ki Andris hoy kandan daruwa nangondiyo ki Hisus oyjow ognangonan kandin.” ²³ Si Hisus nigatabk kandan, “Noko-uma on kuntoon ka timpu no mabantug ka Anak to otow. ²⁴ Ogkagiyan ko kaniyo ka sagboka no boni to trigu no kono igpamula og koyimo no sagboka do iyan no boni. Di ka igpamula diyo to tano hoy ogpatoy, ogpangunod soin no malapong. ²⁵ Ko ogdakolan din to guynawa ka koogalingon din no kinabowi ogkawaro-an nasi to soin. Di ka kono og ulug to kandin no kinabuhi kani to kalibutan, ogkaangkon din ka untung no waro’g tamanan. ²⁶ Ka agad hontow no’g tuman kanak, kinaanglan nog ikul oyjow ko hondoi a diyo mando ka mo sugu-anon. So ka ogtuman to amo ka ogkabantogan. ²⁷ Na-aras a ko nokoy ka igkagi ko? Ogkagi a buwa, ‘Amo, kona no ipaabot kanak kuntoon no timpu? Kono no iyan hinongdan no nig hondini a iyan kapogdawat to soin timpu to pog-antus. ²⁸ Amo, pabantogi no ka ngaran no!” Duon lagong ligkat to langit no nigkagi, “Pigpabantogan ko soin. Ogpabantogan ko mando.” ²⁹ Ka mo otow no nig sasindog hoy nigdinog to lagong hoy nigkagi kandan, “Niglologong!” Ka duma nigkagi, duon Diwata no nigkagi kandin!” ³⁰ Di si Hisus nigkagi kandan, soin lagong kono no pigpadinog para kanak ko kono para kaniyo. ³¹ Soinid ka panawon ka waro nigtuman kandin oglogparan to Magbabayjo kunto-on oglagoyjon on kanig sugu to soin kani to kalibutan. ³² Hoy kog sagbokawon kod ligkat to tano, oghinggaton ko ka tibo no otow dini to kanak.” ³³ (To pog kagi din to soin, oyjow to pogpasabut kandan ko nokoy no kalasi to kamatayjon ka ogkapangkusan din.) ³⁴ Ka mo otow nigtabak, “Nigkagi ka balaud no kono’g ka patoy ka Misiyas mani to nig kagi ka no ka Anak to otow kinaanglan nog sagbukawon? Hontow manaan soin Anak to otow? ³⁵ Si Hisus nigtabak, ka kaawang ogduma kaniyo to malupot no panawon. Koyna-an ka mangipanow kow on tagood to maawang pad hoy ka kono kow ogkasagkopan to marosilom so ka ogmangipanow to marosilom waro kandan nataga ko hondoi kandan ogparolog. ³⁶ Koy na-an ka tuuwi now ka kaawang tagood to duon pad soin diyo to kaniyo oyjow kayimo kow no kawtawan to kaawang.” To pogkaponga din tog kagi nighipanow on kandan hoy nighulos. ³⁷ Agad noyimo din soin no milagro to tangkaan, waro kandan nigpalintutu-u. ³⁸ Oyjow ogkatuman ka pigkagi ni Purupita Isayas, “Magbabayjo, hontow buwa kanig palintutu-u to pig pamatbat topog panulu? Hoy hontow kanig-ila to Magbabayjo to gawom din? ³⁹ Waro kandan nigpalintutu-u tongod to pigkagi ni Isayas. ⁴⁰ Pigbutoran kandan to Magbabayjo, hoy pig-olutan ka koyibalo, oyjow ka mo mata dan konog pakakita, hoy ka mo kayibalo dan konog pakasabut, hoy kono kandan oghondini kanak ogtambalan, nigkagi ka Magbabayjo. ⁴¹ Pigkagi soin ni Isayas so napitow din ka karoyjawan ni Hisus hoy nigkagi mayitongod kandin. ⁴² Agad pad to soin, mohon-in no panguu to Hudiyu no nigpalintutu-u ki Hisus, di tongod to mo Parisiyu waro kandan nigpoila oyjow kono dan ogpaawoon diyo to Sinaguga. ⁴³ Inpalabi dan nog dayjanon kandan to mo otow kono to ogdayjanon kandan to Magbabayjo. ⁴⁴ Hoy si Hisus nig-agbot nigkagi, “Kanig palintutu-u kanak kono do no kanak ka ogpalintutuuwan ko kono kandin da-an no nigpa-alap kanak. ⁴⁵ Ka nigkita kanak nigkita on da-an to nigpa-alap kanak. ⁴⁶ Nighondini a iling to kaawang to kalibutan oyjow ka tibo no nigpalintutu-u kanak konog pa ongkod to0 marosilom. ⁴⁷ Ka ogpaminog to igpamatbat ko hoy ogtuman to soin kono ko’g hukoman. Nighondini a kono no poglogpad dini to kalibutan ko kono to poglipwas. ⁴⁸ Duon logpad tog balagad kanak hoy konog dawat to pigpamatbat ko. Ka lalag no pigkagi ko iyan og logpad to kataposan no aldow! ⁴⁹ Ogkatuman on iyan soin so waro anig kagi to ka ogalingon ko no pogbuot ko kono. Ka Amo ko nonig paalap kanak no iyan nigsugu kanak ko nokoy ka igkagi ko. ⁵⁰ Hoy nataga a no ka pigsugu din kanak nigbugoy to kinabuhi no waro katamanan. Koy na-an kapig kagi ko iiyian da-an pinangon to Amo.”