¹ Duon sagbuka nu otow nu nig daralo. Hinganan kandin to Lazaro nu taga-Betania, ka lunsod to mo sulod din nu si Maria hoy si Marta. ² (Iyan soin ka Maria nu nig-itis to paumot to paa to Magbabayjo hoy inpunusan din ka to bulbul rin. Si Lazaro ka sulud din.) ³ Koy naan ka magsulud no si Maria hoy si Marta nigpa-alap to balita ki Hisus nu nigdarawo si Lazaro ka sulod din. ⁴ To nataga un si Hisus to soin, nigkagi kandin, "Kono kandin ogkamatoy to sikan nu dalo. Noyitabo soin oyjow ogkarayjan ko Magbabayjo hoy pinabayjo to soin ugkarayjan daan ka anak to Diyus. ⁵ Ingoynawaan ni Hisus si Marta, Maria hoy Lazaro. ⁶ To pogkarinog din nu nigdaralo si Lazaro, nig ugpo pad si Hisus to daruwwa pad nu aldow. ⁷ Hoy nigkagi kandin diyo to mo tinuonan "Oglibod ko diyo to Hudiya," ⁸ Ka mo tinuonan nigtabak. "Talagpanulu kono pad nu malugoy no ka mo otow ogbabato koykow. Nu maniyo to oglibod ka diyo?" ⁹ Nigkagi si Hisus, "Duon sampulu hoy daruwa (12) nu uras to aldow kono ba? Nokoy naan ka otow nu oghippanow, to maaldow pad kono ugmakatakmo so malayjag man. ¹⁰ Di ko ughipanow kandin ko marukilom, ugmakatakmo iyan kandin so marukilom man. ¹¹ Inlalag soin ni Hisus hoy intimulan din pad to nigkagi, "Ka kanta nu duma nu si Lazaro nahirugo di onhondiyo a oyjow pogpokow kandin. ¹² Ka mo tinuonan din migtabak, "Ko nakahirugo rod sikandin, ogkoylian dod iyan" ¹³ Ka igpasabut ni Hisus iyan nu si Lazaro namatoy un di nangon dan ko si Hisus niglalag hoy nigpasabot to ugkahirogo. ¹⁴ Nokoy naan inpaay-ayjaran ni Hisus inkagiyan, "Namatoy un si Lazaro" ¹⁵ Di tungod kaniyo nahulo a so waro diyo duma kandin oyjow ugtou kow. Hondiyo-an ta si Kandin. ¹⁶ Si Tomas nu in-ngaran to "ka Sosuping" nigkagi to mo duma rin nu tinuonan, "Ugduma ki tibo to talagpanulo oyjow ogbogoy to kinabuhi duma kandin. ¹⁷ To pog-uma ni Hisus, nataga-an din nu si Lazaro, hup-at un no aldow diyo to sulud to lubunganan. ¹⁸ Ka Betania mo tatulo nu kilomitro ligkat to Hirusalim. ¹⁹ Hoy masulug ka mo Hudiyo nu nig-luoy ki Marta hoy ki Maria oyjow to pogduma to kandan nu katalong tungod to kamatayjon to kakoy dan. ²⁰ To natagahan ni Marta nu nig-uma un si Hisus, niglihawang un si kandin oyjow to pogtumo kandin di si Mariya nigpa-ungkod diyo to baloy. ²¹ 21 Si Marta nigkagi ki Hisus, "Ko kayi ka ru purom Magbabayjo, kuno purom ogkamatoy soin kakoy ko!" ²² Di nataga-a nu agan kuntuon ogbogoy ka Diyus koykow agad nokoy no ogpamoyjoon. ²³ Nigkagi si Hisus kandin,batonon sikandin to katammanan to aldow" ²⁴ , ²⁵ Hoy si Hisus nigkagi kandin, "kanak iyan ka pogkabatun hoy ka kinabuhi. Ka ugtuo kanak ugkauyjag hoy ka nigtuo kanak kono iyan ogkamatoy. Nigtuo ka naan to soin?" ²⁶ Hoy migtabak sikandin, "Huo, Magbabayjo, nigtuo a nu koykow ka Mesiyas, ka Anak to Diyus nu innangon to ughondini to kalibutan. ²⁷ , ²⁸ Pogkapunga to inkagi soin ni Marta, niglibod sikandin hoy in-omow din ka atoboy din no si Mariya hoy inkagiyan, "Soin ka talagpanulu nu namitow koykow" ²⁹ To pogkarinog ni Mariya to soin, nigsasindog kandin hoy nig-agpas niglibwas oyjow to pogtumo ki Hisus. ³⁰ Si Hisus waro pad nighinguma to lunsud to sika. Diyo pad sikandin to intagbowan ni Marta. ³¹ Ka mo otow nu diyo to baloy duma ki Mariya oyjow to pog-unong to katalong, migsundul kandin to pogkakita ran nu migsasindog kandin nu niglibwas. Nangon dan ko ughondiyo kandin to lubong oyjow to pogsinugow. ³² Nighinguma si Mariyu to ko hondoi si Hisus. To pogkakita rin ki Hisus, niglukbo sikandin to paa ni Hisus hoy nigkagi. "Magbabayjo, ko kayi ka ru kono purom ugkamatoy ka kakoy ko" ³³ To pogkokiata ni Hisus nu nigsinugow si Mariya agad pad ka mo otow nu nigduma kandin, nigmasakit amana ka goynawa rin. ³⁴ Hondoi man nu lubungan sikandin intago nanginso sikandin kandan. "Kayi ka hoy pitawwa nu, Magbabayjo" nigtabak kandan. ³⁵ Hoy migsinugow si Hisus. ³⁶ Tungod to soin ka mo otow nigkagi, "Pitawwa nu, dakol iyan ka goynawa rin ki Lazaro1" ³⁷ Di ka duma nigkagi, "Kono ba no inpooli-an din ka butod? Maniyo to waro din man napogongan ka kamatayjon ni Lazaro?" ³⁸ Nawo-il nandu ka goynawa ni Hisus hoy nighondiyo to lubunganan sagbuka soin nu pilang hoy ka gumawan to soin in-atangan to bato. ³⁹ "Awwaa nu sika batu" nigsugu si Hisus. Si Marta, ka sulod to namatoy nigkagi, "Magbabayjo, masugut un sikandin, kuntoo so hawp-at un man kayo to lubunganan" ⁴⁰ Si Hisus nigkagi kandin "Waro ko ba koykow inkagiyan nu ku ug tuo ka ogkakita nu ka himaya to Diyus?" ⁴¹ Hoy in-awwo dan ka bato. Hoy nigkagi, "Amoy, nigpasalamat a koykow nu namminog kanak" ⁴² Nataga a nu kanunoy ka namminog kanak. Di nigkagi a to soin tungod soin mo otow no kayi kunto, oyjow ugtuo sikandan koykow nu iyan nigpa-alap kanak. ⁴³ Hoy pogkapunga rin inlalag soin, nangiyak sikandin, "Lazaro libwas ka kayi!" ⁴⁴ Hoy miglibwas ka namatoy nu inbagkosan to mo bendahi ka mo bulad din hoy ka paa hoy ka lawlangowan din in bulusan to manggad. "Hukari nu sikandin hoy pahipanawa inkagiyan sikandan ni Hisus. ⁴⁵ Mohon-in ka mo otow nu niglo-oy ki Maria hoy nakakita to inhimo ni Hisus nu nigtuo. ⁴⁶ Di ka duma kandan nighondiyo to mo Parisiyu ug innangon to inhimo ni Hisus. ⁴⁷ Nokoy nan ka mo Parisiyu hoy ka mo panguo to mo pari nangumow to labaw nu hukumanan oyjow to poglimod-limod hoy nigkagi, "Nokoy ka kanta nu oghimowon to soin otow nu nighimo to mohon-in nu koin-inuwan? ⁴⁸ Ko igbalagad ta kandin, ka tibo ugtuo kandin. Hoy ogmonghondini ka panguo to Romanhon hoy ugtigason dan soin timpulu hoy ka tibo nu ingod. ⁴⁹ Sagbuka to kandan nu inngaranan to Caifas, ka panguo nu Pari to sooykow nu panawon, nigkagi "waro iyan mo apuro nu!" ⁵⁰ Waro ko nataga no maroyjow para kaniyo ka sagbuka ro ka otow no ogkammatoy para to kaotawan ko kono nu ka tibo nu ingod ka ug karoohan. ⁵¹ Inkagi din soin kono to kaugalingon din nu suman-suman ko kono, iling nu pangu to Pari to sooyjow nu timpu intagna din nu si Hisus kinangulan nu ogkamatoy para to Hudiyo. ⁵² Hoy kono do nu para kandan, ko kono oyjow poglimod hoy pogsagboka to nakagsuwoy-suwoy nu mo anak to Diyus. ⁵³ Ligkat to sooyjow nu aldow, ka mo pangulo to mo Hudiyo nu nig palano to poghimatoy ki Hisus. ⁵⁴ Tungod to soini si Hisus waro un nigpasayja-sayja nighipanow diyo to Hudiya. Nihondiyo sikandin to sagboka nu lunsud nu inngaran Efraim, ko hondoi nig-uugpo paa kandin hoy ka mo tinuohan. ⁵⁵ ka kawolugan to pogligad marani un hoy mohon-in ka namanuyik diyo to Hirusalim ligkat t mo lunsod oyjow pogtuman to Seremonyas to pogpanghinlo to kono pad ug-uma ka kawologan. ⁵⁶ Namitow kandan ki Hisus hoy taguod niglilimod-limod diyo to timpulu nanginsoay kandan, "Nokoy man to kaniyu nu sumansuman? Ug amot buwa kandin to kawologan? ⁵⁷ Ka mo panguo to mo Pari hoy ka mo Parisiyu nigsugu nu kow dou ug kataga ko hondoi si Hisus, kinangulan nu igkagi rin soin oyjow ogkarakop.