¹ Hoy ogkagi si Hisus, “Nangonan ko si koykow no mo otow no konog bayjo diyo to gumawan no nigsulud to pirisohan hoy og pamanoyik nog maka abin to loin no buhin to soin, takawon hoy tulisan. ² Hoy ka otow nog bayjo diyo to gumawan, iyan sikan talagtumong to karniru. ³ No ka gomawwan no nigtokasan to tigtokas oyjow’g pakasulud kandin. Nog paminog to mo karniru to iyan no langong to pog-omow kandin to tagsagboka no ngaran no nighun-a sikandin to koykow niglibwas. ⁴ No iling hondiyu diyo tog libwasan, nighon-a kandan ka mo karniru hoy ogsundol kandin ka nokoila to kandin no lagog. ⁵ Di ko kono ogsundol diyo to loin no otow so nasi ogpamalagoy on na-an sikandan so waro nokoila to lagong.” ⁶ Igpamatbat ni Hisus kandan no pigpanampitan hoy waro sikandan nakataga to kandin no lalag kaniyo. ⁷ Agad nigkagi si Hisus pogdayjon, “Nangonan ko kaniyo: kanak ka gowmawan to mo karniru. ⁸ So ka tibo no nighondini hun-a kanak mgo takawon hoy mo tulisan, agad waro naminog kaniyo ka mo karniru. ⁹ Su kanak ka gowmawwan agad hontow nogsulud nogbayjo kanak ogkaluwas nogmakasulud libwas kandin hoy ogmakakita kandin tog panabtaban. ¹⁰ Hoy kama takawwon nog hondini oyjow’g to pogpanakow, ogpanhimatoy dow duroot. Nighondini kanak oyjow’g makaabin kandan to kinabuyi warad ogpamanghaon pad. ¹¹ So kanak ka maroyjow talagbantoy to mo karniru. Ka maroyjow no talagbantoy andam to pogpohimatoy oyjow’g to mo karniru. ¹² Kono sikandin to pokoiling tog bayjaran do to talagbantoy to mo karniru no ogpalagoy ko ogkitoon to bubulogti no singgalong no og pohondiyo to kandan. Ongkoran ka mo karniru hoy ogpamuod o to singgalong ka mo karniru hoy ogmakogsowoy-sowoy o sikandan. ¹³ Ogpakalagoy sikandin to inabayjaran man do hoy waro do diyo to kandan ko nokoy ka ogtamanan to mo karniru. ¹⁴ So kanak ka maroyjow no talagbantoy to karniru nokoila a to mo karniru ko hoy nokoila arod man sikandan kanak. ¹⁵ Iling to pogpokoila to amoy ko kanak hoy to pogkoila arod man kandin. Andam a no ogpohimatoy oyjow kandan. ¹⁶ Duo duma no mo karniru ko no waro kayi to soini no kolongan. Kinahanglan no og oyjagon ko rod man sikandin kayi. Ogpaminig sikandan to lagong ko hoy ogkoynang sikandan no sagboka no pundok hoy sagboka rod man ka og talagbantoy kandan. ¹⁷ “Migguinawaan a to Amoy ligkat to pogpoyigmatoy a oyjow kandan, hoy ogkaoyjag a rod man o. ¹⁸ Waro ogpokoyimatoy kanak ko kiono no kanak no pogboot. Oyjow si kanak on iyan ka og unoy-unoy ogbugoy to kinabuhi ko so duo katongod ko to pogbugoy kayi hoy to poghawi man-o kayi no soini iyan ka og insogo kanak to Amoy ko.” ¹⁹ No ligkat to inlalag din, nasaad on man-o ka mo Hudiyu. ²⁰ Migsalig kandan ka migkagi, “Nigsoloran sikandin to busow! Ogbusawan o sikandin! No mania to ogpaminog kow pad kandin?” ²¹ Oyjownigkagi ka duma, “Ka otow no ogsoloran to busow, kono ogpakalalag to iling kayi! Ogmonowon a to nigsoloran to busow to pogbawi to mata to butud?” ²² Miggingomka o ka timpu to kowlogan to poghalad to timplu diyu to Hirusalim. ²³ No tingmahagsil to soyjow no timpu, ²⁴ hoy niglilimod-limod ka mo pangulu to mo hidiyu diyo to kandin no nigkagi, “Kono no ma igpalimo-limo ka guinawa noy? Nangoni koy o nikoykow ko sikoykow na-an iyan ka Kristu?” ²⁵ No nigtabak si Hisus, “Nignangonan kod o sikaniyo oyjow waro kow nigpalintotoo kanak. Ka mo koin-inowan no oghinangon ko pinabayjo to ngaran to Amoy ko ka ogpamalogot moyitongod kanak. ²⁶ Oyjow kono kow ogpalintotoo ligkat so kono kow duma to mo karniru ko. ²⁷ Ka kanak no mo karniru, ogpokoila to lagong ko, hoy noilaan ko rod man sikandan, sikan naa ka ogsundol sikandan kanak. ²⁸ Ogbugayjan ko sikandan to kinabuhi no waro ogkatamanan hoy konad o sikandan ogkamatoy no waro sagboka no ogpakaagow kandan kayo to kanak. ²⁹ So imbugoy sikandan kanak to Amoy ko no iyan labow to tibo no waro agad hontow no ogpakaagow kandan ligkat to tangko to amoy. ³⁰ No kanak hoy ka Amoy, sagboka ro.” ³¹ Topog karinog din mo pangulu to mo Hudiyu, pigpamurut o sikandan to mo bato oyow ogbanggal kandin. ³² Di nigkagiyan sikandan ni Hisus, “Masalig ka inpapitow ko kaniyo no maroyjow no mo hinang no impoymo kanak to Amoy. No hondoi naa duo ka nigbawtismuan now kanak?” ³³ No nigtabak ka mo pangulu to mo Hudiyu, “Kono noy sikoykow ogbatowan ligkat to maroyjow no mo hinang, ko kono ligkat pogbaloy-baloy no to magbabayjo! Otow ka ro oyjow ogpokoiling ka to Magbabayjo!” ³⁴ No nigtabak si Hisus, “Nasulat diyo to balaud now no nigkagi ka Magbabayjo, ‘Mo Magbabayjo kow.’ ³⁵ Nakanongnong ki no layjon malogot ka nasulat diyo to kasulatan. No amanaan ka ingngaranan to Magbabayjo no mo Magbabayjo soyjo so mo otow no imbugayjn din to lalag din, ³⁶ no mania to ogkagi kow to imbaloy-baloy ko ka Magbabayjo to pogkagi ko to kanak ka Anak to Magbabayjo? Sikandan ka nig-alam kanak hoy impohondini a kayi to kalibutan. ³⁷ Puriso, kona a palintotowa ka waro ko hinanga impoymo kanak to Amoy ko. ³⁸ Oyjow ka oghimo a kayi, palintotoowa now ka mo hinang agad kono kow palintotoo kanak oyjow ogkaholoan now ka Amoy, kayi to kanak hoy si kanak diyo rod man to Amoy.” ³⁹ ogdakopon dan o man o puron si Hisus oyjow nakap[alagoy sikandin kandan. ⁴⁰ Nataman, niglapas o man o si Hisus diyo to woyig to Hurdan no nigpamawtismoan dongan no Huwan, hoy diyo pad sikandin nig-ogpo. ⁴¹ Masalig ka mo otow no nighondiyo to kandin hoy nigkagi, “Si Huwan, waro nokoymo to mo koin-inowan, oyjow malogot tibo ka inlalag din mayitongod to soini no otow.” ⁴² Soyjow naa, masalig ka mo otow no nigpalintutu-u kandin.