¹ Koy naa mo sulod ko no nigmalintutuu no in-alam to Magbabayjo no koot-otawan din hoy iling kanak to in-umow to Magbabayjo no ogkoymo no duma din to langit, sumsumana niyu si Hisus. Sikandin ka inpa-oyjag to Magbabayjo hoy ka labow no talagpanobad to pogpalintutuu ta. ² Matinomanon sikandin to Magbabayjo no iya nig-alam kandin iling ki Moisis to matinumanon no nig-uyjag to koot-otawan to Magbabayjo, ³ nokoy naan si Hisus. In-isip no sobla pad no mabantog ki Muisis. So iling to sabuka no otow no ogbabaloy no iyan do ogpabantog du to baloy no inpasasindog din ka. ⁴ So ko duo baloy, duo dodma otow no nigpasasindog duo, nokoy naan ka magbabayjo ka nighinang to tibo. ⁵ Si Moisis, matinomanon no suluguanon diyo to koot-otawan to Magbabayjo, no ka inhinang din. Sabuka sikan no panonggilingan ko nokoy ka igpataga oghingoma to Magbabayjo. ⁶ nokoy naan si Kristo, ka anak to magbabayjo ka matinomanon no og-oyjag to koot-otawan to Magbabayjo. No sikanta ka koot-otawan din ko ogparayjon ki iyan no ogsalig noy ogpoggasal ko nokoy ka inparatung ta. ⁷ koy naa,sumalo to ingkagi to espirito to Magbabayjo "omun ko ogkarinog niyo kuntoo ka lagong to Magbabayjo, ⁸ kono niyu pakogala ka mo ulo niyo, iling to inhimu to mo kaap-apuan niyu mando to pogsupak dan to Magbabayjo pinabayjo to pog-dog-olog dan kandin diyo to mammara no ingod no kono ogkougpaan. ⁹ so nigkagi ka magbabayjo,agad nakakita o ka mo kaap-apuon niyo to inhinang ko solod to hop-at no pulu; 40, no log-un in-ol-ologan o pad nikandan ¹⁰ koy naa nabolu a kandan no nigkagi a, layjo do ogpakasowoy ka suman-suman dan kanak hoy waro dan natagayi ka batasan ko, ¹¹ nigpagunlibot a to pogkalangoti ko no, kono iya sikandan ogpakasolod diyo to himolayanan no intagaho ko kandan" ¹² mo sulod ko, ayjad-ayjad kow no kono madoot ka mo pusong niyo no hubaboon to manokal no Magbabayjo, no iyan buwa ogpoonan no ogpookonniyog kow kandin ¹³ nokoy naa inbaghot kow tagso aldow tagood to duon pad timpu, oyjow waro sabuka kaniyow no ogbatan to salo hoy ogmakogal so pusong. ¹⁴ so hoy ki do ogpakaduma ki Kristo ko ogparayjon ki ogsalig to Magbabayjo taman to katamanan, iling to pogsalig ta to an-anayyjan ¹⁵ so sumalo to kasulatan, emon ko ogkarinog niyo kuntoo ka lagong to Magbabayjo, "kono niyo pakogala ka mo ulo niyo iling to innimo to mo kaap-apuan niyo dongan to pogsopak dan to Magbabayjo" ¹⁶ hontow bos sikandan so nakarinog to lagong to Magbabayjo nokoy naan nigsupak kandin? Soyjo iya so tibo no in-oyjag ni Moisis duon to Ihiptu? ¹⁷ no hontow bos pad ka ingkabulo to Magbabyjo solod to hop-at no pulu. 40 no log-un? Soyjo iya so nakasalo, hoy nammatoy diyo to Mammara na ingod no kono ogkaroyjawan? ¹⁸ Hontow bos ka inpahonlibotan to Magbabyjo no kono iya ogpakasolod diyo to himolayjanan no inpataga din kandan, soyjo iya so nigsupak kandin? ¹⁹ No duto ogkanongnongan ta no waro nakasolod sikandan diyo to himolayjanan tongod su waro nigpalintutuu sikandan to saad to Magbabayjo.