1
Pogkaponga to Sampulu hoy hop-at (14) no tuig niglibod a to Hirusalim duma ki Birnabi, hoy induma ku daan si Titu.
2
Iyan ko inpokohundiyo su duon inpapitow to Magbabayjo nu kinangolan nu ogkuhundiyaan ku. Poghinguma ko diyo, nigtugtugunan ko to ogpakigkita so oyjo so in-ila nu mu pangulo diyo, hoy inpasabot ko kandan mayitungod to batbatunon nu igpamatbat ko rod diyo to kuno nu mu Hudiyo.In himo ko soini so oyjow kuno ogkayimo no waro ogkayimo to inpoyimu to Magbobayjo kanak.
3
No nabunalan kandan, so agad si Tito so induma ko nu sagboka nu Grigu. Waro dan pugusa nu ogpatuli sumalo to balaod to Hudiyo.
4
Di duon duma nu ogkaliyag nu ogkatulian kandin, ka sikan nu mu otow nighuloshulos do nu nig-apil-apil to nigmanuo hoy nignaagtong nu nigsulod to pundok oyjow to pagpaniid mayitungod to kaligwangan nu naangkon ta ligkat ki Kristu Hisus, so ogkaliyag kandan nu ogkauripon ki to balaod.
5
Di waro koy nigparuma-ruma kandan to agad doisok, so oyjow kuno ogka-awo duon kaniyo ka kamatuoran to maroyjow nu batbatonon.
6
No waro inkatimul to pogpanulo ku tu sooyjo so mu otow nu in-ila nu mu darakol nu mu pangulo. To kanak nu isip, waro kaloinan ko nuko’y kandan su nukog-iling koy ro to tangkaan to Magbabayjo.
7
No papitowran nu kanak ka insaligan to Magbobayjo to pogpangugud to Maroyjow nu batbatunon diyo to kuno nu mu Hudiyo. Iling ki Pedro to insaligad daan to pogpanggugud to maroyjow nu batbatunon diyo to mu Hudiyo.
8
So tungod to gahum to Diyos inhimo a nu apostol alang to mu kuno nu Hudiyo iling nu inhimo din si Pedro nu apostol alang to mu Hudiyo.
9
No si Santiyago, si Pidru, hoy si Huwan, ka in-ila nu mu pangulo diyo. Pogkataga ran nu in-alam a to Diyos para to soini nu hinang. Indawat koy kandan ki Birnabi isip duma ran nu oghimo koy diyo to kuno nu mu Hudiyo. Tagood to ogparayjon daan kandan to oghimo ran diyo to mu Hudiyo.
10
Sagboka ro ka inhangyo dan kanami nu ogbuligan ka ogkongo-ayju-ayju, hoy sikan iyan daan ka igkaliyag ku nu oghimuwon.
11
To poghinguma ni Pidru diyo to siyudad to Antioquia, in atubang ko kandin to ogsapad su amana nu sayjup ka inhimo rin.
12
So to waro pad naka-uma ka mu otow nu diyo ugligkat kiSantiyago. Nigpakigtugon kandin nu ogkuon duma to kuno nu mo Hudiyo. Di to pogpoko-uma on to mu otow, nigsuwoy-suwoy on kandin to kuno nu mu Hudiyo hoy warad nigkoon duma kandan so nahaldok ko nukoy ka igkalalag to sooyjo so ogpugos nu ogduma to Balaod nu ogtulion ka mu kuno nu Hudiyo.
13
No ka duma daan nu mu Hudiyo nu migmanuo nangahaldok daan hoy agad iyan si Birnabi naraa on daan to ogpapitow pitow ro.
14
To ogkapitow ku nu waro kandan nigduma to pagkamatinumaon mayitungod to maroyjow nu batbatunon, nigkagiyan ko si Pidru diyo to tangkaan to libo, ko ikow sagboka nu Hudiyu di waro nukuiling toHudiyo ka pogbubatasan nu su diyo nukuiling to kuno nu Hudiyo nu mani to ogpuguson nu kandan nu ogduma to batasan to Hudiyo?
15
Tutu-u nu kanami nu otow to mu Hudiyu, nu kuno koy nu iling to mu otow nu kuno no mu Hudiyu nu waro nakataga to balaod to Diyos.
16
Di nataga koy nu kuno og sumsumanon to Diyos nu matarong ka otow pinabayjo to pogtuman to balaud. Ku kunu pinabayjo to pogtu-u ki Hisu-Kristu. No kanami daan nigtu-o koy ki Kristu Hisus oyjow ogsuman suman koy to matarong pinabayjo to pogtuo doy kandin. Ku kuno pinabayjo to pogtuman to balaud, so waro sagboka nu otow nu og suman suman to Diyus matarong pinayjo to pogtuman to balaud.
17
No ko og-ulog-ulog ki nu og sumsumanon to Diyus nu mtarong pinabayjo ki Kristu, ogkatagaan doy nu makasasalo koy rod. Ko iling man ruon, ogpakakagi naan pad to si Kristu ka ogpakaturol to poghimu to salo? kuno iyan!
18
Ko igpos-ok ku rod sooyjo so ingugus kud, nigpoila soin nu waro a nigtuman to balaud.
19
Su ka balaud to Diyus ka nakapanulu kanak nu kuno a ogkaluwas pinabayjo to pogtuman ko to soi, no hunduon to nighimatayjan ad on pinabayjo to balaod su oyjow ogkauyjag a para to Diyus.
20
Inlansang ad on duma ki Kristu. Nauyjag a kuntoon di kunad on nu kanak pad ka nauyjag, ku kuno si Kristu on ka nauyjag kayi to kanak. No tagood to nauyjag a kayi to ampow to tano nigtu-o ato Anak to Diyos, nu iyan niggiynawa kanak hoy nigpahimatoy para kanak.
21
Koy naan, kuno ku og-ongkuwan ka kahuy-o to Diyus, su aman ku ogkaayjun puron nu ogsum-sumanon to Diyos nu matarong ka otow pinabayjo to balaud, waro pulo ka kamatayjon ni Kristo!