¹ To sikan no panawon, nig parayjon si Saulu to pogpanghinaldok to pog himatoy to mo tinuonan to Magbabayja. Nighondiyo kandin to pangulu no Pari. ² Hoy nigboyjo to mo sulat no nig poila kandin diyo to mo sinaguga to Damascu no kandin pigpa-aw-agaran to pog dakop to mo tinuonan diyo to dalan no kagkakita diyo, lukus hoy malitan hoy pog-alap kandan igpalibod diyo to Hirusalim. ³ Nighipanow kandin diyo to Damascu. To marani on kandin to siyudad, inkatukow din no duon maawang ligkat to langit no nakapalibot kandin. ⁴ Hoy napolod kandin, hoy narinog din ka lagong no nigkagi, "Saulu, Saulu! Maniyo to pigbaybajaran ano kanak?" ⁵ "Hontow ka, Magbabayja?" Nanginso kandin, ka lagong nigkagi, "Kanak si Hisus no pigpababayjaran nu. ⁶ Di onow ka hoy hipanow diyo to siyudad hoy diyo ogkagiyan ka ko nokoy kag himowon no." ⁷ Ka mo otow no duma ni Saulo nigsagdok no waro nakakagi. Nadinog dan ka lagong, di warog ka kita dan no otow. ⁸ Nig-onow si Saulu hoy pigbulat din ka mata di kono on kandin ogmakakita. Koynaan ka pigkitkit hoy pig alap kandin diyo to Damascu. ⁹ Solod to tatulo no aldow kono kandin ogmakakita hoy to soin no panawon waro kandin nigkoon hoy nig-inom. ¹⁰ Diyo to Damascu duon sagbuka no tinuonan no pigngaranan to Ananias. Pinabayjo to nasu-ilaw pigkagiyan kandin to Magbabayja, "Ananiyas!" ¹¹ Ka Magbabayja nigkagi kandin, "Hipanow ka diyo to dalan no pigngaranan to tul-id hoy pamitawa diyo to baloy ni Hudas ka sagbuka no otow no matig-Tarso no pigngaranan to Saulu. Nig-ampo kandin. ¹² Hoy to nasa-ilow nakita din ka sagbuka no otow no pig ngaranan to Ananiyas no nigsolod hoy pigsagpungan to bolad din oyjow ogmakakita kandin." ¹³ Si Ananiyas nigtabak, "Magbabayja, masulug kanig kagi kanak mayitongod kandin hoy to mo mangil-ad no moro-ot no hinang duon to mo ka otawan diyo to Hirusalim. ¹⁴ Hoy kuntoon dini kandin to Damascu hoy pig bugayjan to goom to mo agalon to mo pari oyjow to pogdakop to nig sampit to ngaran no?" ¹⁵ Ka Magbabayja nigkagi kandin, "Hondiyo no kandin, so pigpipili ko kandin diyo to kono no mo Hudiyo hoy to mo hari dow ka mo kootawan to Israil. ¹⁶ Hoy igpakita ko kandin ka tibo no pogpabayjad tongod to kanak no ngaran." ¹⁷ Koy naan kanig hondiyo si Ananiyas to baloy hoy pigtorongan din si Saulu to bolad din. Hoy nigkagi kandin, "Sulod Saulu, ka Magbabayja ko nu si Hisus no nigpakita koykow diyo to dalan to pog pohondini ko in pa-alap ka kanak oyjow ug makakita ka hoy ogkapono ka to Ispiritu Santu." ¹⁸ Saguguno duon naragdag no mo ongil to isda ligkat to mata ni Saulu hoy nakakita on kandin. Nigsasindog kandin hoy pigbunyagan. ¹⁹ Hoy nigkoon kandin hoy nigmanokal. Nigpagaat si Saulu diyo to Damascu solod to pila no aldow duma to mo tinuonan. ²⁰ Nighondiyo dayjon kandin to sinaguga hoy namatbat no si Hisus iyan ka Anak to Magbabayja. ²¹ Ka tibo no nigdinog kandin nabulong-bulong hoy nanginso, "Kono no kandin man ka diyo to Hirusalim no nigpabayjadbayjad to nigsampit to ngaran ni Hisus? Hoy kono ba no nighondini kandin oyjow to pogdakop hoy pogpaalap kandan diyo to mo karakulan to mo pari." ²² Nabagahan ka goyinawa rin hoy na ginbubulot ni si Hisus iyan ka Misiyas tongod to soini waro makatabak kandin ka mo Hudiyo no nig ogpo diyo to Damascu. ²³ To poglaboy to mo aldow, nig-uug-ugbungan ka mo Hudiyo to pog himatoy ki Saulu. ²⁴ Di natagahan ni Saulu. Nigbabangan kandan diyo to gumawan maaldow hoy marusilom oyjow oghimatayjan. ²⁵ Di to marusilom to sikan pig-alap si Saulu to mo tinuonan din hoy intonton dan diyo to solod to liyang ligkat to ampow to paril. ²⁶ Nighondiyo si Saulu sa Hirusalim hoy nig anti nig amut to panungon to mo tinuonan koy naan ka nangahaldok kandan tibo kandin. Di Si Birnabi nigbulig kandin hoy pig-alap kandin diyo to mo apustulis. ²⁷ Pigbatbatan kandan ni Birnabi mayitungod to pogkakita ni Saulu to Magbabayja diyo to dalan hoy nakig-alukoy kandin ka Magbabayja. Piglalagan dan daan hoy nigpaginbubulot to pog panulo ni Saulo to ngaran ni Hisus diyo to Damascu. ²⁸ Koy naan kanig amut si Saulu kandan hoy pigligbut dan ka tibuuk Hirusalim no nigpagingbubulut to pog panulu to ngaran to Magbabayja. ²⁹ Nigpakig-apul daan kandin to mo Hudiyo no Griyigu to kinagiyan di namangho kandan to paagi to poghimatoy kandin. ³⁰ To pogkataga dan to soin ka mo karumaan, pig-alap dan si Saulu diyo to Cisaria hoy pigpahondiyo to Tarsu. ³¹ Koynaan ka tibuuk simbahan to Hudiya hoy to Galiliya hoy to Samariya amana on iyan kandan no nigtuu hoy duon kahaldok dan to Magbabayja hoy pigbuligan to Ispiritu Santu, nigmohon-in ka simbaan. ³² Nighondiyo si Pidru to tibo dapit hoy to sikan no timpu niglooy kandin to mo kaotawan to Magbabayja no nig ogpo diyo to Lida. ³³ Diyo nakita din si Inias, no na umil no waro naka onow solod to walu no tuig. ³⁴ Hoy si Pidru nigkagi kandin, "Inias, pigtambalan ka ni Hisu-kristo. Koy naan ka onow ka hoy luluna nu ka hibatanan no." Saguguno nig onow si Inias. ³⁵ Nigkita dan ka tibo no mo otow no nig-ogpo diyo to Lida hoy diyo to Sharon hoy nantuu kandan to Magbabayja. ³⁶ Diyo to Jopa duon sagbuka no tinuoanan no malitan no pigngaranan to Tabita no Griyigo, "Dorcas." Layjun kandin nighinang to maroyjow hoy nigbulig to mo makauwoy-uwoy-u. ³⁷ To sikan no timpu naraluwan kandin hoy namatoy. Hoy piglinisan ka minatoy hoy pigkotang diyo to lawang. ³⁸ Ka Jopa kono no amana no mariyo to Lida to pog kadinog to mo tinuonan diyo to Jopa no si Pidru diyo to Lida, nigsugo kandan to daruwa no otow tog pamatbat no igpohondiyo kandin diyo to Jopa to magaan. ³⁹ Koynaan ka nigduma si Pidru kandan pog maka-uma din pigduma kandin diyo to lawang. Hoy piglingutan si Pidru to tibo no balo no nig sinogow hoy pigpakita dan ka kinabu hoy ka mo lumbong no pighinang ni Dorcas to bubuhi pad kandin. ⁴⁰ Pigpalibwas ni Pidru ka tibo ligkat to lawang hoy nigluud kandin hoy nig-ampu. Hoy pigkagiyan din ka minatoy, "Talita, onow ka!" hoy pigbolat to malitan ka mata rin hoy to pogka kita din ki Pidru, nigpinu-o kandin. ⁴¹ Hoy pig gungunan ni Pidru ka bolad to malitan hoy pigpasasindog hoy pig-omow din ka migpalintutuu hoy kamo balo, pig pakita dan no si Dorcas no oyjag on. ⁴² Nigtangkap to tibu-uk Jopa ka batbatunon mayitungod to sikan hoy mon-in kanig tu-u to Magbabayja. ⁴³ Si Pidru nig pa-ungkod diyo to Jopa no pila no aldow no na duma din si Simon nog hinang to kindal.