¹ Duon sagboka no otow to taga-Cisarya no og ngaranan ki Cornilyu no kapitan to mo sundalu nu taga-Italya. ² Sagboka no rilihiyusu no otow si Kornilyu, ka tibo din no sakop ogsimba to Diyus, Dakol ka natabang din to mo otow no publi hoy layjun kandin ogsimba to Diyus. ³ Mo alas tiris buwad to maapun no napaypayjaan din ka nasoilow din no Diwata to Diyus no nigdalapak hoy nigkagi, "Kornilyu!" ⁴ Nigsoilow kandin to Diwata no nahaldok hoy nigkagi. "Nokoy a Sil? Nigtabak ka Diwata, "Ka mo pog-ampu hoy inpahinang nu indawat to Diyus naka sumansuman koykow. ⁵ Pohondiyoa to Hupa ka mo otow hoy ipapurut dan si Simun no inngaranan ki Pidru. ⁶ Diyo kandin mig-ugpa ki Simun no magtatabas to laplap to hayup, ka baloy din diyo to iliss to dahat. ⁷ To pog-awwu to diwata, in poimata ni Kurnilyu ka daruwa no mo tinuonan din hoy ka sagboka no rilihiyusu no sundalu no insaligan din. ⁸ Namatbat kandin to nahitabu hoy inpahondiyo to Hupa. ⁹ Sunud aldow, to kaudtowi, tagood to ogpakarani on kandan to Hupa, nigpamanoyik si Pidru diyo to atop to baloy oyjow og ampu. ¹⁰ Ingutasan kandin, di taguod to og houn pad to koonon, napaypayjaan din ka nakita din. ¹¹ Nakita din nu natukas ka langit hoy duon in ton-ton no iling to lugdak nu inhikutan. Ka hup-at no kada kilid. ¹² Ka sulud to sikan, natibo ka mo ayjam no mo bayjako hoy ka mo ayjam no og pananap. ¹⁶ Duon lagong no nigkagi kandin, "Hala, Pidru, i-iyow ka hoy koon na nu! ¹⁴ Di nigtabak si Pidru, "Kona a, Magababayja! Su waro apad nakakoon to intuohan ko no maligsom. ¹⁵ Ka lagong nigkagi, mando kandin, "Kono no sumsumana no maligsom ka agad nokoy no inhiroyjawan to Diyus." ¹³ Katatulo soin noyitabU, hoy nakita rin nu inlibod diyo to langit ka lugdak no insolodan to bayjaku hoy ayjam. ¹⁷ Nalibog si Pidru ko nokoy ka pasabut to nakita rin. Ka mo sinugu ni Kornilyu ponga nanginso ko hondoi ka baloy ni Simun, diyo to tangkaan to gumawban. ¹⁸ Nanginso kandan ku duon nokouma no otow no in ngaranan ki Simun Pidru. ¹⁹ Nigparayjon si Pidru to pogsuman suman ko nokoy ka pasabut to nakita rin no nigkagi kandin ka gimokod. "Duon sagboka no otow no nangita koykow. ²⁰ Pono-og ka kuntoon, hoy kono ka duwa duwa no ogluyjod kandan so in pohondini ko kandan." ²¹ Koy na-an ka nigponoog si Pidru hoy nigkagi to mo otow, "Kanak ka inpamitow now. Maniyo to nighondini kow? ²² 22Nigtabak kandan, “Inpohondini koy ni kapitan Kurnilyu. Maroyjow kandin no otow hoy nigsimba to Diyus hoy rispito amana to tibo no Hudiyu. Insugu kandin to sagboka no Diwata to pogpatawag koykow to pogpohondiyo to baloy rin oyjow og makarinog kandin to igpangkagi nu." ²³ Inparayjuon ni Pidru ka mo otow diyo to baloy hoy inpahirugo din. Sunud aldow nigduma kandin to mo otow hoy nigloyjud ka duma kandin ka mo otow no diyo to Hupa. ²⁴ Pogka asolom nokouma kandan to Cisarya diyo nigtatagad kandan si Kurnilyu duma ka mo kadumahan din hoy ka mo sulod din no induma rin. ²⁵ Ogsolod on porom si Pidru to baloy, indalapak kandin ni Kurnilyu hoy nigluhud marani to paa ni Pidru oyjow ogsimba kandin. ²⁶ Di inpasasindog kandin ni Pidru hoy inkagiyan, "Sasindog ka, konaa no simbaha so songo otow aro." ²⁷ Nigpakagkagi si Pidru hoy si Kurnilyu taguod nanulod kandan to baloy hoy nakita rin no mohon-in ka mo otow no nangalimod diyo. ²⁸ Nigkagi si Pidru kandan, "Nataga kow no ka Hudiyu in saparan to rilihiyun din to pogluoy to kono no Hudiyu. Di nigkagi to Diyus kanak no kono kod og sum-sumanon no maligsom ka agad hontow. ²⁹ Di to pogpapurot now kanak waro a nigduwa-ruwa no nighondini. Ogpanginso a kuntoon kaniyo, maniyo to inpohondini a now?" ³⁰ Nigtabak si Kurnilyu, "To iling to soin no timpu, mo alas tiris to mahapun, hup-at on no aldow kuntoon, nig-ampu a sulod to baloy ko. Sagogono noko-uma to tangkaan ko ka sagboka no otow no nakakikinabo to maputi no kamisola. ³¹ Hoy nigkagi, 'Kurnilyu! Narinog to Diyus ka pog-ampu no hoy nasumsumanan din ka inpamogoy no to mo publi. ³² Inpapurot diyo to Hupa si Simun no in ngaranan ki Pidru. Diyo kandin ogtatagad to baloy ni Simun no talaglugti no nig-ugpo kilid to dahat. ³³ Nokoy na-an ka inpahondiyaan ko koykow hoy maroyjow so nighondini ka soin koy kuntoon tibo to tangkaan to Diyus oyjow og paminog to tibo no igkagi to Magbabayjo koykow." ³⁴ Nigkagi si Pidru, "Kuntuon noilahan kod ka Diyus no waro inpalabi. ³⁵ Ka ogkahaldok kandin hoy oghimo to maroyjow ogdawaton din agad hondoi pad kandin. ³⁶ Nataga kow to balita no inpa-alap to Diyus diyo to mo otow to Israil. Iyan soin ka balita to karoyjawan pinabayjo ki Hisu-Kiristu no iyan Magbabayja to tibo. ³⁷ Nataga kow man nohon-a to noyitabu diyo to tano to Hudiya. Nigbugdang soin to Galiliya ponga to pogbatbat ni Huwan moyitongod to pogbunyag. ³⁸ Nataga kow mayitongod ki Hisus no taga-Nasarit no inbogayjan to Diyus to goom hoy to Ispiritu Santu. Nighondiyo kandin to tibo no banwa hoy nighimo to mo maroyjow hoy nigtambalan din ka tibo no insuluran to busow so ka Diyus diyo duma kandin. ³⁹ Kanami ka titigus to tibo no inhimo rin diyo to mo tano to Hudiyu hoy to Hirusalim. Inhimatayjan kandin pinabayjo to poglansang to kurus. ⁴⁰ Di inbaton kandin to Diyus ponga to tatulo no aldow. ⁴¹ Waro nakakita kandin ka tibo no mo otow ko kono kanami ro no inpili to Diyus oyjow ogtitigus, kanami no nangoon hoy nanginom duma kandin ponga to pogbaton kandin. ⁴² Hoy insugu koy kandin to pogbatbat to maroyjow no balita diyo to mo otow hoy to pogpoila no kandin ka inpili to Diyus to poglogpad to mo bubuhi hoy mo minatoy. ⁴³ Nighisgot kandan mayitongod kandin no ka tibo no purupita nigkagi no ka tibo no ogtuo kandin ogpasayluon to mo salo pinabayjo to ngaran din. ⁴⁴ Tagood nakigkagi pad si pidru, nigsulud ka Ispiritu Santu kandan tibo no naminog to balita. ⁴⁵ Ka nigtuo no Hudiyu no taga Hupa no nigluyjod ki Pidru no inu-inu no ka Diyus niglalad to gasa no iyan ka Ispiritu Santu diyo to kona no Hudiyu. ⁴⁶ Su narinog dan man no ka kono no Hudiyu ogkagi to loin no kagihonon hoy nigsimba to Diyus. Si Pidru nigkagi, ⁴⁷ "Soin no mo otow nakadawat to Ispiritu Santu kanami no songo nakadawat. Duon ba kaniyo og pugong no ogbunyagan kandan pinabayjo to woyig?" ⁴⁸ Koy na-an ka nigsugu kandin to ogbunyagan to ngaran ni Hisu-Kiristu. Inhangyu dan kandin no ogpabilin duma kandan solod to pila no aldow.