¹ In-owog ko no mo sulod ku, soini ka dangob no sulat ko kaniyu. To daruwa no sulat ko no igpukow ko to sumanman now. To maroyjow hoy malogot no sumansuman now. ² Pa kaliyag ku no ogkasumansuman now pad ka in-iling to matolos no mo purupita dongan ku ka insugu to Magbabayjo hoy manluluwas pinabayjo to mo Apostulis now. ³ Hun-a tibo, kinangolan no ogkasabut now soin. To kalugayjan no timpu, ogmanlopow ka og–ugotan to mongo otow hoy ogtumanon dan ka maroot igkoibog dan ogngisihan kow nikandan. ⁴ To nigkagi kono ba nignangon kandin no oglimud do? Hondoi naan sikan? Namatoy on ka mongo kaap-apuan ta di waro koloinan to pog–ugpo. To kalibutan puun pad to pogkoyimu kayi! ⁵ Nigtuuran dan to niglingow nu ka Magbabayjo ka nighimu dongan to langit pinabayjo to lalag din. Hoy inhimu din ka kalibutan pinabayjo to woyig hoy ligkat to woyig. ⁶ Hoy pinabayjo mando to lunup to woyig na nawun-a no ingod og aw-woon. ⁷ No pinabayjo do to sikan no lalag to Magbabayjo oyjow awoon pinabayjo to kayju. Intagana soin to aldow no ka mongo otow no maroot. ⁸ Ogsilotan hoy og–awoon. ⁹ Ka Magbabayjo kono ogliyan-liyan to pogtuman to inpannangon din sumalo to nigsumansuman to duma. Di nigpailob kandin kaniyu su kono no kandin no pogboot no duon sagboka no ogkawaro, ko kono no ka tibo no oghinuktok hoy og–ongkoran ka mgo salo. ¹⁰ Di ka aldow to pogpokouma to Magbabayjo iling sagboka no takawon. To sikan no aldow ug kaawo no ogdumaan naraging no holos. To sikan no aldow, bulan, hoy mo bituin ogkatutung to hapoy, no ka tibo no tagu to kalibutan ogkasilaban. ¹¹ Na tagpok so karootan to soi tibow no pinabayjo. Kinangulan og hondoonon now ka pog–ugpo now hoy balitot-toa now ka pog–ikul now to Diyus. ¹² Tagood to ogtatagad kow hoy tagaod to ogmakanokal–nokal kow no ogmagaan ka aldow to poglibod to Diyus to soin no aldow ogkalogdog ka langit hoy ogkaawo, hoy ogkawnoy to kainit ka tibo. ¹³ Di soini natatagad ki to bag-u no langit woy bag-u no tano no innangon ko Diyus, sikan ka ugpaan to matarong no mongo otow. ¹⁴ Di so pinalanggo kow no moo sulod, omba so og-iman-iman kow ro. Kinangolan no ogpanokal-nokal kow no duon karoyjawan now diyo to kandin, di waro ig-dow-oy kaniyu, hoy ogmaroyjow kow. ¹⁵ Sumansuman now no malayjat ka pogtatagad to Magbabayjo oyjow ogkaluwas ka mgo otow. Insulatan ko moyitongod kayi to pinalanggo ta no si Pablu, no ingamit din ka kaalam no inbogoy to Diyus kandin. ¹⁶ No honduon dod ka nangon din diyo to tibo nu sulat din. Ka tutuu no duon iya diyo to sulat din no malisod ogtukoron. No soini no moo otow no waro katuuwanan, to pogpalitutuu oglainon da to pogsabut. Iling to inhimu ran diyo to loin no kasulatan no duon puun no ogmarooton dan ka kandan. ¹⁷ Omba su pinalanggo ko no mo sulod. Nataga kow on to soini, nokoy naan ka bantoy kow oyjow kono kow ogkoiling to mongo salo to mongo otow. No ogpakig–atu to balaud. Oyjow kono kow ogkuolog to marosog now no palintutuu now. ¹⁸ Soga umoti now to pogtuu diyo to Diyus.