¹ Ko kasagbuka kaniyo ogkaroug duog to sulod din, maniyo, maniyo tog dungop kandin to talaghukum nu kuno nu magtutuo hoy kono naan soin igpahusoy to simbahan? ² Waro kow buwa nataga nu ka balaan nu otow to Diyus iyan uglugpad to ingod? Hoy ko ko kaniyo ka ughukom to ingod, kono buwa ugmakahusoy to malilintok. ³ Waro kow buwa nataga nu kanta ka ughukom to mo diwata? Nokoy pad buwa to pog ugpo to mo otow to soin no ingod? ⁴ KOw ogkohitabo ka mo butang nu iling to soin, igpahusoy nu buwa soin to mo otow nu kuno mu magtutuo? ⁵ Ulog kow nu ugkasipad! Maniyo, waro naan otow nu duon natuonan Kaniyo nu ugpakighusoy kow hoy higpahusoy to naapulan dan? ⁶ Di nasi nigsumbungay kow hoy nigpahusoy to talaghukom nu kuno nu magtutuo! ⁷ Ka kaniyo nu pogsinumbungay nigpoila no nasayop kow. kono naan maroyjow nu uglumpigan kow? ⁸ Di kaniyo uh naan ka malumpig hoy nalimbong agad to mo sulud nu. ⁹ To waro pogduwaruawa nataga kow nu ka makasasalo konoug makasulod to gingharian to Diyus. Kono kow palimbong so ka mo otow nu ogmakasalo to kono rin nu asawwa, hoy ka ugsimba to mo diyus diyus, hoy ka mo nanlibug, hoy palughulid to iling din nu buhi. ¹⁰ Hoy takawan, hoy hanhanon, hoy mo palahubog, hoy salupoton, hoy mo kono ugtuman to balaod, kono iyan ugmakasulud to Gingharian to Diyus. ¹¹ Nu pila kaniyo iling to soin ka inhimo. Di naluluan un ka kaniyo nu mo salo hoy intalagpad kow un diyo to Diyus Inmatarong kow un to Diyus pinabayjo to Magbabayjo nu Hisu Kiristo hoy pinabayjo to ispiritu to kanta nu Diyus. ¹² Duon ugkagi, " In oyjonan a to poghimo to agad nukoy. '' Olog iya si kan di kono tibo ugmakaparoyjow kaniyo. kanak daan ugmakakagi nu in uyjonan a to poghimo to agad nukoy di kono a ugkalipay nu ugkohimo nu uripon to agad nukoy nu mo karoyjawan. ¹³ Ka duma ugkagi," ka pogkoon para dod to gotok hoy ka gotok para dod to pogkoon.'' Ologiya sikan di ugpongaon to Diyus soin daruwwa. ¹⁴ Ka lawwa to otow kono nu para to karuotan, ko kono para ru to Mababayjo to gohom rin. ¹⁵ Nataga kow nu ka kaniyo nu lawwa bad to lawwa ni Kristo. Ugparotan naan ka sagboka nu baad to lawwa ni lawwa ni Kristo hoy ughimoon nu baad to lawwa to sagbuka nu malitan nu nigbligya to unod din? Kono! ¹⁶ Hoy waro kow ba nataga nu ka otow to malitan nu nigbaligya to lawwa rin nohimo nu sagbuka nu lawwa duma kandin? Su sulat to kasulatan nu. Ka daruwa oghimo nu sagbuka," ¹⁷ Di kandi nu nasgboka to Magbabayjo, nasagboka kandin diyo to ispiritu. ¹⁸ Nokoy naan, pariyo kow to poghimo to poghihilabotoy to kono nu asawa. Nu ka duma no salo nu nohimo to otow waro labot to lawwa rin di ka ug oghilabot to kono nu asawa makasalo to kougalingon din nu lawwa. ¹⁹ Waro ko buwa nataga nu ka lawwa nu iyan ka timpulo to ispiritu santo nu nig ugpo to kaniyo hoy nu intalad to Diyus kaniyo? kono kow nu tagtuon to kougalingon nu ko kono ka Diyus. ²⁰ Inboli kow un kandin. koy naan himowa no ka lawwa nu para ru to himaya to Diyus.