¹ Nayan minikagi si Jesus te menge otaw aw te kandin menge Tinoladaan. ² "Se menge megtotoladaay te punu aw se menge Pariseo yan se kasaligan nga megpekelabet te punu i Moises. ³ Nayan tumani se kandan pigtudlo kanyo, meneng ika niyo eg-iling te kandan eg-inangan tongod kay sokwahi ini te kandan eg-ikagihan. ⁴ Pigsangonan dan se menge otaw te melima nga tolomanon, meneng bisan deitek weda dan pegtabang amon metonan se kandan insugo. ⁵ Se kelahat nga ininang dan pegpekita-kita olo te menge otaw. Pigpebelad dan se menge kahon-kahon nga selanan te menge pinemalli nga menge kegi lekat te kasulatan ngga kandan inbagkes te kandan angas aw te beneyan. Aw pigpelayat dan pe se menge keway-keway te kilid te kandan menge kelewasen amon ikegihan dan nga menge egpenimanam. ⁶ Se menge hikey aw se menge simbaan, ibeg dan gayed nga monsad te menge ponanan nga alang te menge medengag, ⁷ te menge ogpoanan nga egtiponan te menge otaw, ibeg dan nga tehadan dan aw tawalan dan nga menge maistro. ⁸ Meneng sikeyo kena angay megpatawal nga maistro, kay telekedowa kaw aw sebad olo se kanyo maistro. ⁹ Ika niyo heman egpatawal amay ki bisan sine dini te kenayonan, kay sebad olo se kenayo amay, se amay nga doton te langit. ¹⁰ Aw ika niyo egpatawal nga amo, kay sebad olo se kanyo amo. Aw sikandin yan si Kristo. ¹² Kon sine kanyo se neg-alagad te kandin doma, si kandin se melangkaw te kelahat. ¹¹ Se negpekelangkaw te kandin pegkeotawan ipedana te Timanem. Meneng se negpekedana te kandin pegkeotawan ipelangkaw te Timanem. ¹³ Mekeido-ido kaw menge megtotoladaay te punu aw sikiyo menge Pariseo. Se kanyo pegpemenal te Timanem pegpelingo-lingo olo! Pigbelebagan niyo se menge otaw nga ibeg megpesakop te peghari te Timanem. Sikeyo mismo eked pegpesakop aw pigpogongan niyo pe se menge otaw nga neningoha nga megpasakop. Mekeido-ido kaw menge megtotoladaay te punu aw menge Pariseo. Se kenyo pegpemanal te Timanem pegpelingo-lingo olo! Eg-egawen niyo se ke kena te menge bayi nga balo, aw egbonbonan niyo se olo se kanyo medaet inang pineokit te kanyo melayat nga menge pegtawal-tawal, tongod nini lebi pe mebayat se silot nga ipelumun kanuo. ¹⁵ Makaido-ido kaw menge megtotoladaay te punu aw menge Paraseo. Se kenyo pegpemanal te Timanem pegpelingo-lingo olo! Piglibot-libot niyo se tibuok kanayonan anon mekabig niyo se bisan sebad olo ke otaw te kanyo pegpemenal. Meneng penga niyo sikandin mekebig pig-inang niyo se kandin nga labi p amadaet kay kanyo aw angay onto te imperno. ¹⁶ Makaido-ido kaw menge eg-agek nga bote nga negetolada kaw kon se otaw nigsepe te ngadan te timplo, kailangan eked din timehi se kandin pigsapaan, meneng kon migsapa sikandin te ngadan te bolawan doton te timplo, kailangan tomenan din onto se kandin pigsapaan! ¹⁷ Book-book aw menge bote kaw, eden man se onto mehinongdanon, se bolewan aw se timplo nga negpabalan te bolawa? ¹⁸ Negetolada kaw heman nga kon se otaw negsapa te ngadan te sonogen te ayam-ayam, kailangan nga eked din tameni se kandin pigsapaan. Meneng kon migsapa sikandin te ngadan te halad nga ayam-ayam nga kidoen te sonogonan te ayam-ayam kailangan nga onto din tomanen se kandin pigsoponen. ¹⁹ Mennge bote kaw onto, eden man onto se mehinungdanon, se halad o halaran nga negebalaan te halad? ²⁰ Yan heman kon se otaw megsapa te ngadan te sonogenen te ayam-ayam, negsapa sikandin te ngadan te ayam-ayam aw se kelahat imbegay kidoen. ²¹ Aw kon se otaw megsapa te ngadan te timplo, negsapa sikandin te ngadan te timplo aw te pimanem nga neg-ogpa doton. ²² Aw kon se otaw megsapa ngadan te langit negsapa sikandin te ngadan te trono te Timanem, aw se Timanem nunnoo doton. ²³ Makaido-ido kaw menge megtotoladaay te punu aw menge Pariseo. Se kanyo pegpamenal te Timanem pegpalingo-lingo olo negebegay kaw te Timanem te kanyo ika sempolo bisan pa te kanyo piggani nga menge anagay, meneng weda niyo tomani so mas mahinungdanon nga menge sugo tepad te matolid nge pegkaotaw, pagkaido pagsalig. Angay kaw memegay te kanyo ika sempolo meneng ika niyo egbaya te mas mahinungdanon nga mene sugo. ²⁴ Boet kaw onto menge maistru te peg-inang niyo illing yan nga pigpilis niyo se menge dedeitek mananap lekat te kanyo inemenen. Meneng pig-amo niyo se labi pa dakel nga menanap illing te kamilyu. ²⁵ Makaido-ido kaw menge magtotoladaay te punu aw menge Pariseo se kanyo pegpemenal te Timanem pegpalingo-lingo olo! Kay pig-onawan niyo se lowa te tasa aw sebleg somala te kanyo sirimonyas meneng delem te kanyo pusong labi pa se kelepa aw kedemot. ²⁶ Bote kaw menge Pariseo! Onawi ona niyo se delem te Bahin te tasa aw sebleg aw se lowa meinang malinis heman. ²⁷ Makaido-ido kaw menge megtotoladaay te punu aw se menge Pariseo aw se kanyo pegpemenal te Timanem pegpelingo-lingo olo! Nekailling kaw te menge kelebangen te pigpintorahan te mepoti aw mepiya tengtengan te lowe, meneng se delem lebi pa kemaho aw polo dan tolen te nematay. ²⁸ Nekailling kaw gayed kanyan kon tengtengan kaw te menge otaw illing te benel te kanyo ininang meneng se benal, polos pegpelingo-lingo olo aw kededatan se dalem te kanyo pusong. ²⁹ Makaido-ido kaw menge megtotoladaay te punu aw sikiyo menge Pariseo. Se kenyo pegpemenal te Timanem pegpelingo-lingo olo! Eg-ineng kaw te menge kelebenganan te menge metolid aw menge propita peg-imendayan niyo ini. ³⁰ Aw nekaikagi kaw nga kon doen kaw den kedenga te penahon te kanyon menge kemonean, eked eden niyo imeteyi se menge propita illing te kandin ininang. ³¹ Nayan, pig-angkon niyo nga menge bowad-bowad kaw te menge otaw nga nengimetay te menge propita. ³² Sigi, pengahi niyo se pigsagad te kanyo menge kemonean. ³³ Illing kaw te memeken, bowed-bowed kaw te menge lalas nga memoken eked kaw onto pakalowa te pelemon doton te imperno. ³⁴ Nayan penelan kaw, peibingan ko sikiyo te menge propita, menge biyese nga otaw, aw menge megtotoladaay. Se doma kendin imeteyan niyo ipelengsang niyo te krus aw se menge dome bonelen niyo diye te kanyo menge simbaan, aw kon komedes den, elewen niyo den bisen kenan tepad? ³⁵ Tongo niyan pelemenen kaw onto te kenyo peg-imatay te kelehat otaw nga menge metolid lekat ki Abil temen ki Zacarias nga bata ni Barakia, nga kanyo pig-imatayan doton te tepad nga tenga-tenga te templo aw te sinoganan te ayam-ayam. ³⁶ Te pegkebenal sikiyo menge otaw te penehon songkani yen se menobeg nini te kelehat te menge sala. ³⁷ Sikiyo nga menge teg-Jerusalem, nga ley nga binentayan niyo te bate aw pig-imatayan se menge propita te Timanem nga impeibing diya kenyo, namay eden neningoha nga tiponan kaw aw etimanen, illing te kelemokan nga egteponen din se kandin menge onsoy delem te kandin menge pak-pak meneng eked niyo ini keibegi! ³⁸ Seini, bahala den kenyo te kenyo pegkeotawon. ³⁹ Kay eked a den niyo kitae hengtod nga mikagi kaw, 'Hengtod nga penalanginan te Timanem se kandin impeibing.' "