¹ Aw te medapag den si Jesus te Jerusalem doton dan den te baryo te Bitpahi doton te bontod te Olibo, pigpeona i Jesus se dedowa Tinoladaan din. ² Minikagi sikandin kandan, "Ona kaw doton te lunsod sida peselowan tadon. Te peg-awop niyo, doen kitaen niyo ayam-ayam pig-iketan aw doen doma din nati lebadi niyo aw ibingi niyo diya kanaken. ³ Aw meg-insa kenyo, tabahi niyo, 'Kinahanglanen te Timanem.' Aw yan ipaibing den iyan kenye." ⁴ Peneolit kenyan tinoman den se kagi sen te Timanem. ⁵ "Kagihi niyo se menge tege soin na dumateng se kandan hari ipadana den se kanden kaotawen aw domateng sikandin sumakay te Nating Asno!" ⁶ Aw nasayop se dedowa Tinoledaan din aw timulo dan te in-impunu te Timanem. ⁷ Inibing se Asno aw nati niyan deten ki Hesus pig-ampalan dan te menge saol aw simakay si Hesus kenyan. ⁸ Deten te keditaan te otaw igladlad dan se menge saol dan deten te dalan. Se duma nanagpi te panga te kayo aw insawol kilid te dalan. ⁹ Migpagais se kedeta te menge otaw pengkey nekeona aw timetondog kanden edeyon ta se bowad-bowad i Dabid igpanalanginan te temanem se kandin igpaibing idoyon ta se Timanem. " ¹⁰ Te peg-awop i Hesus deten te Jerusalem nepela se kedita te otaw, minikagi dan. "Sino lay yan menge otawi?" ¹¹ Timaba se otaw timaking ki Hesus, "Se kandin se telekiwat te kagi te Timanem si Hesus, lekat sikandin lunsod te Nasarit aw sakop te Galiliya." ¹² Minayop se Timanem te templo aw iglalag din se kalahat namayad aw namaligya deten pigbulaling din se menge lamisa te menge egliwan te kwarta aw menge onsadanan te menge nemeligya te selepati ibegay diya te Timanem. ¹³ Minikagi sikandin diya kandan, "Minikagi se Timanem te kasulatan, 'Se kanak balay tawalen nga balay ingedanan balay te pegtawal-tawal.' Meneng ininang niyo beling ini elesan te menge megdedempasay. ¹⁴ Doen menge bota aw menge kapig migpedapad kandin doton te simbaan aw pinegulian dan i Jesus. ¹⁵ Neopal se menge kedekelan te menge pari aw menge egtolada te punu so kimita dan te menge kepelahan menge butang kandin ininang aw dinineg dan heman se mengisu doton te simbaan namegais aw minikagi dan, "Iduyun se bowad-bowad i Dabid!" ¹⁶ Yan se doun mig-insa dan ki Hesus, "Dinineg nikaw heman se kandan inikagi?" Timaba si Hesus, "E, e nenga lay, weda kaw lay pekebasa te kagi te basahen bisan sinu deitek menge mengisu pigtoledaan te Timanem domuyun kandin?" ¹⁷ Penga niyan pigtenanan dan i Jesus. Limowa sikandin te lungsod te Jerusalem aw dimoton te Bitanya aw menidega doton. ¹⁸ Pegkeiselem niyan, pagliko i Jesus doton te siyudad te Jerusalem binallos sikandin. ¹⁹ Aw yan doen kinita din kayo Igira tepad te dalan. Nayan pigpadapagan din ini, meneng wedad kinita din pungo olo menge dawen. Minikagi sikandin diya te kayo, "Lekat seini eked ka den gayed pekepemungo!" Weda kenamay, nelanes se kayo siyan. ²⁰ Pegkita te kandin menge Tinoledaan nepela dan, minikagi dan, "Nenga gayed nelanes se kayo igira te weda kenamay." ²¹ Timaba se Timanem kandan, "Se benal, aw doen pegpemenal niyo aw eked kaw pegdowa-dowa, meinang heman niyo se ininang ko te kayo Igira. Aw kena olo siyan mekeinang ka te pegsugo te buntod, 'Alin ka doton te dagat,' aw metuman iyan. ²² Aw eden se pamoyoen niyo pineokit te kenyo pegtawal-tawal meabat gayed niyo aw memenal kaw." ²³ Minawop heman toda si Jesus te templo aw negtolada te menge otaw doton doen kedekelan te menge pari aw menge pengolo te menge Judio migpedapad kandin aw mig-insa, "Eden lay se kamno katongod?" ²⁴ Timaba se Timanem kandan, "Doen heman insa ko kenyo. Aw meketaba kaw kani, tomaba a heman kenyo aw eden heman se kenak ketungod te peg-inang te menge butang. ²⁵ Kenan lay lekat se ketungod i Juan amon mamonyag, te Timanem, aw te otaw?" Migpebelaw-belaway dan aw eden sa itaba. Minikagi dan, "Aw mikagi kidon lekat te Timanem,' mikagi sikandin, 'Nenga weda kaw pemenal ki Juan?' ²⁶ Meneng aw mikagi kidon, 'Lekat te otaw,' dilikadon kidon te menge otaw aw nemenal dan si Juan propeta te Timanem." ²⁷ Nayan timaba dan te Timanem, "Weda day ketegahi." Aw minikagi se Timanem kandan, "Aw iling kenyan eked taw heman sikeyo indani aw kenan lekat se kenak ketongod te peg-inang kani." ²⁸ Minikagi heman si Timanem kandan, "Te kenye anong-anong eden man se buot pasabot dan niini? Doen sebad otaw doen dowa se bata den maama. Pigdutunan den se kakay aw igkagihan, 'Dong deten ka te parasan pegterbaho ka.' ²⁹ Timaba sikandin, 'Eked a.' Meneng te kemedihan netoda se kandin anong-anong aw dimotan te kandan parasan aw migtrabaho. ³⁰ Pigdutonan heman te amay se adi aw pigkagihan heman unawa te inikagi den te kakay. Timaba se adi te amay, munong weda dulog. ³¹ Kenan te dowa se timulo te amay den timaba dan se kakay?" Minikagi se Timanem kandan, "Te kebenalan, nakauna pa kenyo , migpesakop diya te peglowan te Timanem. Te menge og penukot te buwis aw menge baye kapoyon. ³² Aw si Juan ogbawtismu dinini dini aw negtulada kenyo te benal peokit amon mainang kaw metolid atubangan te Timanem, meneng weda kaw pemunal kandin. se menge manukot te buwis aw menge baye kapoyun yan beling se pemenal kandin aw pengkey kinita kaw kenyan meneng weda kaw pagsulsul aw pemenal kandin. ³³ Minikagi se Timanem kandan, "Penelani niyo se sebad tegdayanan. Duen sebad otaw doen tana din pigpeteneman din te paras. Pigpealadan din iyan, aw nagpeinang te awang te dakel bato inangen kemesan te Paras. Negpeinang heman sikandin te sebad balay tunggoanan, ipenga niyan impetonggo din se kandin parasan aw dimoton sikandin te mediyo ogpaanan. ³⁴ Pegdateng te aldaw te pegpemungo te paras, insugo din se kandin sineligan duton te meng pagda amon ebaten sa kandin katig-apuan. ³⁵ Meneng pegdateng te sineligan dinakep dan, binadas se sebad, binuntogan te bato se sebad, aw inimatayan dan gayed se sebad. ³⁶ Penga niyan, doen doma sineligan insugo te tig-apo aw unto dan pa madita. Meneng dan din heman se ininang dan. ³⁷ Te kemudihan insugo te tig-apo se kandin bata. Mig-aneng-aneng sikandin nge kedekelan te peduwan se bata ko. ³⁸ Meneng pegkita te menge pagda te kandin bata, migpebelaw-belaway dan, 'Seini se meketig-apo. Ayaw kaw imatayan tadon amon kenitadon se meketig-apo.' ³⁹ Aw yan dinakep sikandin aw inibing dan doton te luwa te paras aw inimatayan." ⁴⁰ Penga niyan mig-insa se Timanem, "Aw lomiko se tig-apo te parasan eden man se kandin inangen te menge pagda?" ⁴¹ Mig-insa dan, "Imetayan din se menge medaet pagda aw eked din gayed keidowi. Penga niyan petonggoan din se parasan din te menge pagda te memegay ta kandin ketig-apoan kada peglagani." ⁴² Minikagi heman se Timanem kandan, "Weda niyo ketegahi se inikagi te kasulatan? 'Se bato in-agbel te memnge otaw mig-inang te balay yan beling sa bato onto salig te balay. Seini se ininang te Timanem, aw kepelahan ini kanitadon!" ⁴³ Dimeleg se Timanem te peg-ikagi kandan, "Yan ini se lekatan te eden den pengulo se Timanem kenyo aw kena duton den te menge otaw egtuman te kandin inang. ⁴⁴ Pengkey sine se medagdag dini te bato metepo-tepo meneng sikandin medagdagam te bato siyan mepolpog gayed . ⁴⁵ Pegdineg te kedekelan te menge pari aw menge Pariseo te menge tegdeyanan te Timanem, netegahan dan te sikandan se nesugatan te tegdeyana. ⁴⁶ Nayan ibeg dan gayed dekepen se Timanem, meneng nelemitan dan te menge otaw tongod kay kinilala dan nga propita si Hesus.