¹ Minikagi si Jesus kandan, "Se peghari te Timanem iling te otaw nga doen ubasan, timprono unto, misayo aw mengemaha sikandin te menge otaw nga migtrabahu te kandin ubasana. ² Negkeuyon sikandin aw sen menge otaw nge mona din kinita, nhe sildohan din dan sumala te neandan nge sildo te kada alaw. Nayan impeibing din dan doton te kandin ubasan. ³ Te pegdateng te alas-nuwibi te iselem dimoton sikandin te paedyanan aw doun kinita din doton nge menge stambay, kay wada man kandan trabahu. ⁴ Minikagi sikandin kandan, 'Pegtrabahu kaw doton te kanak ubasan. Kay begayan ko sikeyo tama nga sildo.' ⁵ Nayan dimoton dan migtrabaho. Pegdateng alas dosi limiko haman se teg-apo doton te pedyanan, aw doen kinita din haman doton nge menge otaw. Aw pigpetrabaho din dan haman aw yan haman se kandin ininang te pegdateng te alas tres te maapun. ⁶ Te menge alas singko dan limiko haman sikandin te pedyanan aw doen kinita din pa onto nge menge istambay. Minikagi sikandin kandan, "Ngalay olo kaw eg-ogpa dini te tibuok nga aldaw.' ⁷ Timaba dan, 'Kay wedad mag megpatrabaho kenami.' Nayan pig-ekigihan din dan nga domotan te kandin ubasan aw megtrabaho.' ⁸ Te pegsiklap den, minikagi se tig-apo te kandan sineligan, tawali se menge trabahanti aw sildohi dan. Onai begayi sen modi nigtrabaho aw modihi sen nekeona. ⁹ Se menge negtrabaho negsagad te alas singko begayan te sildo alang te sebad si aldaw nga negtrabaho. ¹⁰ Te dalam pigsildohan se menge minona nigtrabaho nig-aneng-aneng dan nga dakel se kandan sildo kay te menge nekemodi nigtrabaho. Meneng te matag sebad kandin pigsildohan haman alang te sebad si aldaw nga pegtabaho. ¹¹ Pegkedawat dan nini, migriklamo dan te tig-apo. ¹² Minikagi dan, "Sen menge nakamadi, sebad ones olo se kandan trabaho, meneng kenami sebad se aldaw, meneng ona se kamno pegsildo kenami!" ¹³ Minikagi se kandin te sebad kandan, "Elaw, weda ko sikona limbongi. Di ba nigkouyon kiman nga sildohan ko sikona alang te sebad se aldaw nga trabaho? ¹⁴ Kinewai se kamno sildo aw oli ka kay se kanak ibeg nga begayan sen nekemodi te kentidad nga iling te kenak inbegay kenyo. ¹⁵ Diba mekeboot a man kon eden se kenak inangen te kanak kwarta? Besi minikagi ke kay onto a mepiyan kandan! ¹⁶ Nayan minikagi si Jesus, "Iling heman kenyan se meinang te keteposan nge menge aldaw. Sen menge onto medana songkani yan heman se meinang medengeg te kemodihan, aw sen menge medengeg songkani yan heman se meinang onto medana te kemodihan." ¹⁷ Te dalom te pegpasalo dan i Jesus doton te Jerusalem, pigtani din se kandin menge Tinoladaan lekat te menge otaw kay daan inikegi din kandan. ¹⁸ Minikagi si kandin, "Penalan kaw! Migpesalo kidon teJerusalim aw siak se Bata te Otaw ipebigay doton te kedekalan te menge pari aw menge megtotodaay te punu, aw hokomen adan aw imetayan. ¹⁹ Neyan ibegay adan te menge kena Judiyo amin tempeyesen, bonalen, aw ilansang diya te krus. Meneng ikatelo te aldaw meantay a." ²⁰ Dimoton ki Jesus se asawa ni Sibidi taking te kandin dowa ke mengisu nga meama. Limohod si kandin te atubang ni Jesus kay doen ihengyu din. ²¹ Neyan minikagi si Jesus kandin, "Eden se kamno ibeg?" Timaba se asawa ni Zibidi, "Kon meinang, kon meghari ka den, peonsadi se kenak dowa ka mengeso kidoan te kamno dapag; se sebad te kowanan aw se sebad te bibang." ²² Menneg pigtoba dan i Jesus, "Weda kaw peketaga-taga kon adan se pighangyo, meantos niyo ba se kesakit nga agpit ko dan antosen?" Minikagi dan, "E, e meantos day." ²³ Minikagi si Jesus kandan, "Benal nga meantos onto niyo, meneng kena siak se memali kon sine se monsad te kenak kowanan aw se kenak bibeng. Kay doan den pigtegelenan se kenak amay nini." ²⁴ Te pegkedineg te sempolo ke Tinoladaan te kandan pighengyo, neopal dan onto te telikadowa. ²⁵ Neyan pigtewal se kelahat dan i Jesus aw pig-ikegihan, "Netegahan niyo nga se menge kedakalan dini te keneyonan doen tolo te pegmando te kandan menge sekop aw se kendan se megboot kan eden se kandan inangen kandan. ²⁶ Menneg kena heman nini se angay kenyo. Kay kon sine kenyo se meibeg nga meinang nga megpekalangkaw, keilangan nga meinang si kandin kenyo allang. ²⁷ Aw kon sine kenyo se meibeg nga meinang pengolo kailangan nga meinang skandin allang te kelahat. ²⁸ Bisen pegeni siak se Bata te Otaw weda a dini dini te keneyonan amon sagmonen kon kena amon megsagmen aw memegay te kenak pedowan te pegtobos te medita menge otaw." ²⁹ Te dalem peglowa dan i Jesus te Jerusalem medita menge otaw se timaking kandin. ³⁰ Nayan doen doton dowa ka bote nga nennoo kilid te delan. Dinineg dan mokit dan si Jesus, nayan nig-olangag dan, "Timanem, nga bowad-bowad ki Dabid keidohi kay gab onto!" ³¹ Pigsagda dan te menge otaw amon mepenek, meneng pigkagsan dan beling se mig-olangag, "Timanem, nga bowad-bowad i Dabid, keidohi kay bag onto!" ³² Timenang si Jesus, tinewal din dan aw pig-insa, "Eden se kenyo ibeg nga inangan ko kenyo?" ³³ Timaba dan, "Timanem, ibeg day nga komita!" ³⁴ Neido si Jesus kandan, nayan pig-ilan din se kandan menge mata, aw kidoen dayon kimita dan. Nayan timaking dan ki Jesus.