¹ Penga te pegtolada i Jesus nida nge telomanen, timanan sikandin te Galiliya aw dimoton te menge tepad nga sakop te Judiya dipag te wayeg te Jurdan. ² Medita se menge otaw nga temaking kandin, aw piggoli din dan te kandan mesakit. ³ Aw yan doen menge Pariseo nga dimoton heman sikandin, ningamaha dan te pemeokit aman ika-indan dan sikandin, pig-insa dan si Jesus, "Intogot ba te insugo ba te punu, te tenanaan te maam se kandin asawa te bisan eden se doen?" ⁴ Timaba si Jesus, "Weda kaw ba pekebasa te kasulatan nga te peg-inang te Timanem te otaw ininang din dan nga maama aw baye?" ⁵ Aw yan minikagi se Timanem, "Mao yan se linekatan nga tinanan te maama te kandin amay aw inay aw megtipon diya te kandin asawa, aw sikandan dedowa meinang se sebad.' ⁶ Kena den dowa kon kena sebad dan din olo, nayan kena angay pegsuwayen te otaw se pegsebad te Timanem." ⁷ Nag-insa toda se menge Pariseo, "Kandin ngalay minikagi si Moises nga mepakay tenanan te maama se kandan asawa, panga din ini begayi te kesebotan nga negpemetuod nga se sikandin, negsuway din." ⁸ Timaba si Jesus kandan, "Pigtugotan kaw i Moises nga bolagan niyo si kenyo asawa kay megsen man se olo niyo. ⁹ Nayan se lakatan nga mikagi a kenyo nga kon se maama tomanan te kandin asawa nga weda peglimbong. Mengognan te lain baye nekepenapaw sikandin. (Aw se mangognan te lain baye nekepenapaw heman.)" ¹⁰ Aw yan minikagi se menge Tinoladaan, "Aw iling kenyan se pegpengognanay mepiya pa kedi nga eked a din pengognan." ¹¹ Timaba si Jesus, "Siini nga tolomanon eked kedawat te kalahat gawas te menge otaw nga pegbegayan te Timanem kani. ¹² Midita se tinaboan kon nenga doen menge maama nga eked pengognan se doma neotaw dan nga eked pengognan. se doma eked dan pengognan tongod kay pigkapon dan. Aw ang doma eked pangognan tongod kay pigpelabi dan pegpengelimbasog alang-alangte gingharian te Timanem nayan, se mekekinawa nga eked sikandin onto pengognan." ¹³ Aw yan doen menge otaw nengebing te deitek bata doton ki Jesus amon itodong din se kandin belad kandan aw menge tawal-tawal. Meneng pegsagda dan te menge Tinoladaan i Jesus. ¹⁴ Minikagi si Jesus kandan, "Pasagdi den niyo se menge baa nga domolod kanak ika niyo ag pogong, kay se menge iling kandan nesakop te peghari te Timanem." ¹⁵ Aw yan intedong i Jesus se kandin palad te menge bata aw pigpenelengenan, pegkepenga niya minesayo sikandin. ¹⁶ Doen sebad ke otaw nga dimolod ki Jesus aw mig-insa, "Eden lay ba se mepiya inangen ko amon metig-apo ko se pedowan temanan?" ¹⁷ Timaba si Jesus kandin, "Ngalay meg-inssa ka kanak kon eden se mepiya? Sebal olo se mepiya, wedad lain kon kena se tinemanan tomam se menge sugo." ¹⁸ Nig-inssa kandin toda, "Eden se mepiya?" Timaba si Jesus kandin, "Ika egpengematay, ika egpanapaw, ika egpenakaw, ika eg-indan te kebolalaw, ¹⁹ keilanmgan besahen nikaw se kamno amay aw inay, aw kedekelan nikaw te pedowan se kamno isigka otaw iling te kedakel te pedowan nikaw te kamno sarili." ²⁰ Timaba se batan-on, "Siini kedita natoman ko den, eden pa ba se angay ko inangen ko?" ²¹ Timaba si Jesus, "Kon ibeg nikaw nga meinang lobos sinelohan te Timanem, kasayo ka aw baligyai se kamno menge kadonan, aw se halin pemegayi te menge pubri, se pineokit kenayn meinang ka mayaman ka doton te langit, penga niyan, liko ka aw taking ka kanak." ²² Te pegdineng kani te batan-on timanan sikandin nga doen kagoal kay midita ma se kandin kedonan. ²³ Nayan minikagi si Jesus te kandan menge Tinoladaan, "Te pegkebenal melima te sebad ka mayaman nga migpesakop te peghari te Timanem. ²⁴ Mola pa te peg-okit te sebad ke menanap nga kamil te awang te dagem kay te pegpesakop te mayaman te peghari te Timanem." ²⁵ Pegkedineg te midekey te kandin menge Tinoladaan, nepela dan onto. Nayan mig-insa dan, "Kon iling kenyan, siini olo se milowas." ²⁶ Finengtingan e Jesus aw inikagihan, "Eked ini kainang, te otaw mening mienang te Timanem se kalahat." ²⁷