¹ Peg-okit te enem si aldaw inibing i Jesus si Pedro aw sen telekedowa nga si Santiago aw si Juan te malankew nga bontod aw si kandan olo se doton dekey. ² Dalem te pegteng-teng dan ki Jesus, natoda se kandin bawa se kandin dawa simenang iling te aldaw, aw se kandin kelewasen meputi aw sulaw onto. ³ Sakalit punan kinita dan si Moises aw si Elias nga nagbalaw-balaw kandin. ⁴ Nayan minikagi si Pedro ki Jesus, "Timanem, madita key dini key dini kon ebeg no, mag-inang a dini te telo ke layag, se sebad, alang kamno se sebad alang ki Moises, aw sebad ilang ki Elias." ⁵ Se te wada da sikandin kepenga te peg-ikagi nabonbonan dan te sulaw nga labon aw kidoen dinineg dan se kagi lekat doton nga nakaikagi, "Aw siini se kenaken pigkedalelan nga bata. Nalebo a onto kandin pemalani niyo si kandin!" ⁶ Te pegkedineg niyan te menge Tinoladaan, nagholod dan key onto dan malamitan. ⁷ Pigpadapagan dan i Jesus aw pig-ilam, minikagi sikandin, "Tindeg! Eka niyan egkelemitan!" ⁸ Te peglengag dan wada lain kinita dan gawas ki Jesus. ⁹ Dalem te pegtopang dan lekat te bontod pigpunuan dan i Jesus, "Ika eg-indan -indan ki bisan sino se tepad te kenyo kinita dalem siak se Bata te Otaw iked pa keantay." ¹⁰ Nag-insa si kandin se kandin Tinoladaan, "Ngalay nekeikagi man se menge nagtotoladaay te punun nga kailangan nga domaton ona si Elias te eked pa se Kristo?" ¹¹ Timaba si Jesus kandan, "Onto yan, kailangan nga ona domateng si Elias amon andamen din se kelahat. ¹² Meneng ikagihan ko sikeyo si Elias dimateng den. Meneng wedad dan kilala kandin se menge otaw aw ininang dan benu se kandan ibeg inangen kandin. Aw yan human ini se kandan inangen kenak nga Bata te Otaw paantosen edaw human." ¹³ Nayan netegahan te kandin menge Tinoladaan nga si Juan mamonyagay yan kandin pighisgotan. ¹⁴ Te pegdateng dan donto te madita menge otaw doen sebad ka maama nga migpadapag ki Jesus aw limohod nga minikagi, ¹⁵ "Timanem. kaidoha abag se kenaken bata nga maama. Patolen se kandin aw onto bag si kandin nag-antos gayed si kandin egkepilay te apoy o madagdag te wayeg. ¹⁶ Inibing ko den si kandin doton te kamno menge Tinoladaan, meneng eked dan pekagoli kandin." ¹⁷ Nayan minikagi si Jesus, "Sikeyo nga menge otaw te penahon siini, wadad onto pegpemenal, aw sayop se kenyo aneng-aneng aw menge ininang. Kennagg teman pa se kenaken pegpailod kenyo? Ibingi niyo diya kenak se bata!" ¹⁸ Nayan pigsagda i Jesus se madaet Ispirito nga kidoen te bata aw kidoen dayon kimowa ini. Siyan dayon nga oras nagoli se bata. ¹⁹ Tedalem te kandan den olo mipadapag ki Jesus se kandin menge Tinoladaan aw nag-insa, "Ngalay man nga eked day kelala se medaet nga Ispirito lekat te bata?" ²⁰ Timaba si Jesus kandan, "Tongo kay kulang se kenyo pegpemenal te pegkebenal, kon doen pegpemenal niyo olo nga bisan iling lang te kedakel te ahop te mostasa, makasugo kaw te bontod siini, 'Aling doton!' Aw sen bontod malin. Wadad onto kekana nga eked niyo keinang." ²¹ Meneng siini nga clasi te madaet Ispirito eked niyon ke lalag, ken eked kaw pegtawal-tawal aw megpuasa. ²² Dalem nagtipon dan te kandin menge Tinoladaan, minikagi si Jesus kandan, "Siak nga Bata te Otaw kailangan nga ibegay doton te menge otaw. ²³ Nga mangimatay kenaken, meneng te ikatelo se aldaw maantay a.." Napelek onto se kandin menge Tinoladaan tepad nini. ²⁴ Te pegdateng dan i jesus doton te Kapernaum, pigdolodan si Pedro te menge makaoliktahay te buwis te timplo aw pig-insa, "Nagbayad ba se kenyo, magtotoladaay te buwis alang te timplo?" ²⁵ Timaba si Pedro kandin, "E, e nagbayad si kandin." Peg-ahop i Pedro te balay pig-insa dayon si kandin i Jesus, "Simon alang kamno, seno maan se pigpabayad te menge hari dini te kenayunan te buwis, se kandan ba menge bata aw se doma?" ²⁶ Timaba si Pedro, "Simpre se doma." Nayan minikagi si Jesus, "Kon yan man, nagkulogan ini nga se menge mengesu kena kinahanlan magbayad. ²⁷ Meneng kon eked ki pigbayad, basi mabensi dan kenita. Nayan doton ka te dagat aw piminda. Ablehi se baba te mona ika nga maabot no aw kimen no doton se kwarta nga angay ta ibayad alang te buwis kenita dowa. Ebati se kuwarta aw yan ibayad te menge mangoliktahay te buwis alang te timplo."