¹ Doen menge Pariseo aw Sadoseo dimolod ki Jesus amon pegtanda kandan. Minikagi dan, "KOn impeibing ka te Timanem, peg-inang ka te pengilala lekat te Timanem." ² Minikagi si Jesus kandan, "Kon melaglag se langit te pegsellep te aldaw, mikagi kaw, 'Mepiya se penahon ke aldaw.' ³ Aw kon megdimelelm den se langit te timprano iselem, mikagi kaw, 'Modam se aldaw siini,' kon tomengteng kaw te langit ketegahan niyo kon meinit aw omodan, meneng songkani nga menge penahon eked kaw pekelabet te menge pengilala nga nehitabo. ⁴ Sikeyo se menge otaw seini nga penahon, grabi onto se kenyo kedeot aw kena metolid se kenyo pegpenimanem. Nemoyo kaw te pengilalal meneng wedad pengilala nga ipekita ko kenyo gawas te pengilala nga neinang te penahon ni Jonas." Aw penga niyan timanan sikandin. ⁵ Minatas si Jesus aw se kandin Tinoladaan te lanaw, meneng se kandin menge tinoladaan nelibel te peg-ibing te kanen. ⁶ Minikagi si Jesus kandan, "Peg-inanp kaw onto te pelebag te pan te menge Pariseo aw Sadoseo." ⁷ Te pegdineg niyan te menge Tinoladaan, minikagi dan, "Basin inikagi din iyan kay wada kidon pekeibing te pan." ⁸ Meneng netagahan ni Jesus kon eden se kandan piglelisan. Nayan minikagi sikandin kandan, "Ngalay man neglalis kaw? Ngalay man kedi kon weda kaw pekeibing te pan? Weda kaw ba pegsalig kanak? ⁹ Weda niyo ba kelebeti nga eked kidon kepelek tepad te pan? Weda niyo ba keeneng-enengi se lima ke buuk pan nga pigbelabela ko amon mekekaen se lima melalan ke menge otaw? Nelibelan niyo ba aw pila ke baskit se minepeno niyo se menesama ke pan? ¹⁰ Weda ba niyo keeneng-enenge nga se pito ke buuk pan impekaen ko se epat melolon ke menge otaw, aw doen pa pail ke baskit nga mesama? ¹¹ Weda kaw ba pekelabet nga kena ne kanak ibeg pekelabet te kanak peg-ikagi, 'Peg-inap kaw te pempetiles te pan te menge Pariseo aw menge Sadusiyo?' " ¹² Nayan kelebatan dan te kena kedi pempetiles te pan se kandan bantayan kon kena se menge pegtolada te menge Pariseo aw menge Sadoseo. ¹³ Aw yan, te doton den dan si Jesus te tepad te Sisarya, Filipos neg-insa sikandin te kandin menge Tinoladaan din, "Se insa te menge otaw, sinu a lay nga Bata te Otaw?" ¹⁴ Timaba dan, "Doen menge minkagi sikona si Juan nga tigbawtismo. Se doma minikagi nga sikona si Elias. Se doma heman minikagi nga sikon asi Jeremias, aw kon kena man, sebad ka te menge Propita." ¹⁵ Minikagi si Jesus kandan, "Meneng para kenyo, sinu a?" ¹⁶ Timaba si Pedro, "Sikona se Cristo, se Bata te Timanem nga bohi!" ¹⁷ Minikagi si Jesus kandin, "Simon nga bata ni Jonas, doen onto keleba nikaw, kay se minikagi kamno niyan kena otaw kon kena se kanak Amay te langit. ¹⁸ Aw tongod nini tinawal ko sikona nga Pedro, nga ibeg ipekelabet bata aw dini siini nga bato itolok ko se kenaken simbaan aw bisan se tolos te kemetayen eked pekedaeg kini. ¹⁹ Diya kamno ibegay ko se tolos te Gingharian te Timanem aw bisan eden se eked nikaw keibegi dini te keneyonan aw yan heman se eked keibegi te Timanem, aw bisan eden se kamno keibegan yan heman se ibeg te Timanem." ²⁰ Aw yan pigpunuan ni Jesus se kandin menge Tinoladaan nga eked dan peg-indan-indan ki bisan sine nga sikandin se Cristo. ²¹ Lekat niyan, impetingaw den i Jesus doton te kandin menge Tinoladaan kon eden se domateng kandin. Minikagi sikandin, "Keilangan onto nga domotan a te Jerusalem, doton onto a meg-antos te inangen kanak te menge pengolo te menge Judio, te kedekelan te menge Pari, aw se menge megteledaay te punu. Ipeimatay a dan, meneng te iketelo te aldaw meantay a." ²² Te peg-ikagi din kani inibing sikandin i Pedro te mona aw pigsagda tongod te kandin pig-ikagi, "Toliye! Eked yan tuguti te Timanem nga mehitabo yan kamno, Timanem." ²³ Limingi si Jesus aw minikagi kandin, "Pediyo ka kanak Satanas! Migangga ka kanak te peg-inang te ibeg te Timanem tongod kay se kamno aneng-aneng kena lekat te Timanem kon kena lekat te otaw!" ²⁴ Aw yan minikagi si Jesus te kandin menge Tinoledaan, "Aw doen otaw ibeg tomaking kanak, eked din anay se kandin pegkeotawen, kon kena tomaking sikandin kanak bisan pa kon kemetayen se kandin detengan. ²⁵ Aw bisan sine se menigkamot te pegpelowa te kandin kinebuhi metelonan beling kani. Menneg bisan sinu se memegay te kandin kinabuhi tongod kanak meketig-apo te pedowan na weda timanan. ²⁶ Eden lay meabat te otaw kon metig-apo din se kedita kekan dini te keneyonan, meneng metalon se kandin kinabuhi? Wedad onto! Kay wedad onto kandin ikebegay amon mebawi din se kandin kinabuhi. ²⁷ Kay siak se Bata te Otaw lomiko nga negesenang te tolos te kanak Amay, aw kedoma ko se kandin menge Anghil. Aw yan begayan ko dan te ontong se kedita te menge otaw basi te kandan neinang. ²⁸ Te kebenalan, doen pa menge otaw dini nga eked pa kematay hangtod kemita dan kanak nga Bata te Otaw nga lomiko dini iling te Hari."