¹ Medita mge egperokot te buwis aw mekita pa menge otaw nga inila nga mekesasala se migpadapag ke Jesus amon te pegpenalan te kandin mge pegtulada. ² Negbegulbul se mge Parisiyo aw semge megtulada te punu inikagi dan, “Se otaw nenginawa te mge mekesasala aw megduma kandan te pegpengan!” ³ Nayan inikagihan dan i Jesus te mge tegdayanan minikagi sikandin, ⁴ “Simpan, doen otaw doen kandin sebad gatos ke karnero netalon hanted kitaen din ini. ⁵ Aw kitaen din ini meloba sikandin onto aw ibingen din ini moli. ⁶ Pegdating din te kandan balay tawalen din se kandin mge sigalak aw mge kebalayan aw mikagi, ‘Ayas kaw, meg-inang kidon te keluba tadon so kinita ko den se kanak karnero nga netalon.” ⁷ So nayan minikagi si Jesus, “Iling heman kani se doton langit onto dakel se keluba te sebad ke mekasesela nga megsesel kay te kesyaman teg siyom nga mge metinued kana den keilangan megseled.” ⁸ Aw simpan doen sebad bayi doen sempolo ki sinsilyo, eden man sikandin inangen aw metalon se sebad mini? Siyimpri mag-antay sikandin te solo, aw ponasan din te mepiya sikandin balay amon pemahaen se sinsilyo hantod kitaen din ini. ⁹ Aw kitaen din den ini, tawalen din den se kandin mge sigalak aw mge kebelayan aw mikagi, ‘Negluba kidon, kay kinita din se kanak sinsilyo netalon.’ ¹⁰ So nayan minikagi si Jesus, “Iling peman kenyan se keluba te mge anghel te Timanem te langit kon se sebad ke mekesasala megselsel.” ¹¹ Doen sebad pa onto ke tegdayanan nga insogid i Jesus minikagi sikandin, “Doen sebad ka otaw nga doen duwa ke bata nga telaki. ¹² Minikagi se adi doton te kandin amay, ‘Amay, begayi den kanak se kanak bahin te ketigeyonan.’ Nayan egbahin te amay se kandin mge kebtangan doton te kandin daduwa. ¹³ Peg-okit te pilabok aldaw, pinemeligya te adi din se kandin bahin aw nesayo doton te mediyo ogpaanan, aw doton gayed den migpetuyang sikandin migmasto te kandin selapi te wedad kekemuwan. ¹⁴ Se pegkeamin din den ginastos se kandin selapi, dimateng se dakel onto kenelosan nidekey ogpaanan neglisod dan onto. ¹⁵ So nayan negtrabaho den solo sikandin olo den egpemekaen te mge osa te mge otaw tege doton. ¹⁶ Osahay ebeg din den oto komaen te kanen te mge osa amon mebolonan se kandin kebelosan, kay wedaden bisan sibad memegay kandin te mekaen. ¹⁷ Te kemodihan aldaw, nekeamgo sikandin te kandin kehimtang. Neaneng-anengan din ga doton te kandin balay negsobra se pegkaen te mge sogoenen te kandin amay, Meneng sikandin agpet dem mamatay te kebelosan. ¹⁸ So nayan minikagi sikandin, Mepiya pa aw moli ad baling doton te kanak amay aw mikagi kandin, amay nekesala a te Timanem aw kamno ¹⁹ so nayan kana ad bagay tawalen nga bata nikaw, isipen a nikaw nga sebad te kamno mge sugoenen.” ²⁰ So nayan minoli sikandin se telobo mediyo pa sikandin. Kinita din se kandin amay, neido se amay te kandin bata, nayan kimagnan sikandin pesalo te kandin bata aw kinelesan din ini aw inedekan. ²¹ Nayan minikagi se kandin bata doton kandin, ‘Amay, nekesala a te Timanem aw kamno. Kane ad angay tawalen nga kamno bata isipen ad nikaw olo sebad te kamno mge sogoenen." ²² Tinawat te amay se kandin mge sugonen aw minikagi, ‘Agas, ibinge niyo diya se penekemepiya bawa ng penukten aw ipesoot kandin. Peso-oti niyo heman sikandin te sing-sing aw sepatos. ²³ Nayan abati niyo se toro baka nga pigpelambo aw iyawi megkombira kidon. ²⁴ Kay eden ko aw namatay den se siini kanak bata. Meneng dakel kedi buhi, netalon sikandin meneng siini den.’ Nayan negsugud den dan te kandan peglipay-lipay. ²⁵ Nehitabo ini se telobo pa doton te beolan se kakay bata din. Te kandin peg-oli te medapag den sikandin te kanadan balay dinineg din se sonata aw simayaw. ²⁶ So nayan tinawal din se sebad te mge sogoenen aw neg-insa, ‘Nemeno kaw lay kidoen te balay?’ ²⁷ Inindanan sikandin te sogoenen, ‘Se kamno adi minoli den aw mepiya se kandin lawa aw weda ke meno, so nayan egpeiyaw te kamno amay se pigpelambo nga toro den baka.’ ²⁸ Pigdateng din nini neopal sikandin aw eked den keibeng awap te balay se nayan limowa se kandin amay aw pig-awyo-ayo sikandin. ²⁹ Meneng timobag sikandin te kandin amay, aneng-anengi aken pila din siomay se kanak peg pengelagad kamno. Weda a supak kamno meneng bisan kambing olo weda a nikaw begayi amon siak meliba duma te kanak mge sigalak. ³⁰ Siini, pagdating te kamno bata nga negbaet-baet te kamno kebtangan duma te deotan mge bayi, iniyawan nikaw pa sikandin pinelambo nga toro baka.’ ³¹ meneng timobag se kandin amay, ‘Sikona gayed se dine duma ko, aw se kelahat kanak metig-apo mekamno peman. ³² Angay ki meleba, kay nenga eden ta aw namatay den se kamno adi. Meneng bohi peman adi. Netalon sikandin meneng siini deni.”