¹ Niyan doen menge otaw mig-indan diya te ki Jesus te doen menge sakop te probensya te Galiliya impeimatay i Pilato, dalem pa te pegsung te menge ayam-ayam. ² Minikagi si Jesus diya kandan, “Kaniyo eg-aneng-aneng te ininang kandan sa labi pa madaet se sala dan diya te menge otaw sakop te probensya te Galiliya. ³ Penenalan kaw te kagi ko kenyo, aw eked kaw pegselsel te sala niyo, matay se kedita niyo ileng kandan. ⁴ Yan eneng enenge niyo se sempolo teg-walo otaw netonganan te melangaw tore kedoen te seloam. Meneng ika niyo eg-aneng-aneng te labi pa madaet se sala dan diya te kedita te Taga-Jerusalem. ⁵ Penenalan kaw te kagi ko, aw eked kaw pegselsel te sala niyo, matay se kedita niyo iling kandan. ⁶ Nayan, minikagi si Jesus tepad te tegdeyanan, seini. “Doen otaw nananem te Igira kidoen te tana te vaulan den. Demoton sikandin amon mengebat te pongo. ⁷ Penga niyan, minikagi sikandan diya te otaw egpetonggo din te tana, “Telo oa se omay gayed a megpeleman te doen pongo te kayo siini. Meneng wedad polos. Pelayi iyan anion doen ontong ko te tana siene. ⁸ Meneng temabase tegtonggo, “Sirpebeyai pa iyan te sebad mendan sa omay, so kalkalan aw abwaban ko aw solan ko te abono. ⁹ Mepiya peden aw mongo iyan te madi omay. Meneng aw eked pongo mepakay diya kanak aw pilayen din. ¹⁰ Nayan megtulada se jesus kedoen te simbahan te menge Judiyo. ¹¹ Doen bayi kedoeng impaeleg te bosaw te sempolo tegwalo se omay so nabongkog sikandin. ¹² Pegkita i Jesus kandin, timawal sikandin, “Tiya magolian ka den te masakit no. ¹³ Penge niyan igtedong i Jesus se mge belad din diya te bayi negolian sikandin aw dimuyun te Timanem. ¹⁴ Meneng onto naopal sa obanen te simbahan so aldaw te peg-etod. Se pegpegoli i Jesus te bayi, aw yan te menikagi sikandi diya te menge otaw, aw yan sa aldaw te peg-etod. ¹⁵ Menikagi si Jesus, “Tay law, eman aw egpenimanem kaw, pengkey aldaw te peg-etad gayed niyo eg-ilinen sa baka aw koda niyo, aw eg-ibengen niyo dan doton te wayeg amon ipaenom. ¹⁶ Aw mepekay tabangan se ayam-ayam te aldew te peg-etod mepekay heman, kagolian sa bayi siine sebad buwad-buwad i Abraham? Aw impieling i Satanas te sempolo teg-walo se omay kailangan tabangan sikandin pengkey aldaw te peg-etod. ¹⁷ Te peg-ikagi den neyaya se kadita dan, meneng onto Neluba se kadita te otaw so madita se kepelahan eg-inangen din. ¹⁸ Nayan, menikgi heman si Jesus, Menikagi aden kenyo tepad te tegdeyanan tepad te peglowan te Timanem. ¹⁹ Iling yan to onto diesek beni intanem te otaw kedoen te pawa din. Timobo on iyan aw temilles lamig mainang onto dakel kayo aw mesalag sa manok kedoen. ²⁰ Menikagi heman sikandin, “Siine se doma tegdeyanan,” tepad te poglowan te Tinamen. ²¹ Iling iyan to senegpatubo, aw esanged iyan diya te dakel harina, lomibag se kedakel niyan. ²² Pegpasalo i Jesus doton te Jerusalem minapit seknadin te teg sebad-sebad baryo te longsod inokitan din amon megtolada. ²³ Doen meg-insa kandin, “Sir, pilabook lay se otaw mekelowa lekat te sala.” timaba si Jesus, ²⁴ “Pegpekasen kaw mokit te lelebengan mesigpit, medita se otaw ibeg mokit kedoen meneng ekid dan paopi. ²⁵ Aw megtakep se tig-apo te balay, tomendog kaw den olo diya te lowa pengkey mikagi kaw, ‘Sir, owangi bag se tatakep nikaw. Weda a kilala kenyo. ²⁶ Meneng megdoma kidon kimaen, aw megtolada ka heman kedoen te longsod day. ²⁷ Meneng menikagi sikandin, “Weda a kilala kenyo kasayo kaw kedita niyo eg-inang te medaet. ²⁸ Aw kitain si Abraham, Isaac, Jacob, aw kedeta te keliwat te kagi te timanem doton te ogpaanan te keneyonan. Onto kaw megkelag aw megyangget yangget si ngipen noyo te weda kaw paopi. ²⁹ Aw kelaen niyo madita menge otaw kena Judiyo, lekat te ogpaenan te keneyonan, manenoo aw kumaen doton te gingharian te Dios. ³⁰ Doen menge otaw medana songkani, heneng mainang dan melangkaw, doen heman mga otaw melangkaw songkani meinang dan madana. ³¹ Nayan, doen menge Tege-Parisiyu dimoton ke Jesus aw menekagi dan, “kesayo ke den, so ibeg ikon i Herodes imatayan ka.” ³² Temaba si Jesus, “Kasayo kaw, pengkey biyasa si Jerodes ig-akal, kagihi biyo gayed a pa egpelowa te bosaw lekat te otaw aw egpegoli a te otaw doen masakit te seini aldaw kealdawan heman. Meneng penengahen ko olo se inangen ko te iketelo se aldaw. ³³ Kailangan domeleg a pa te seini aldaw aw kealdawan. Aw sebad aldaw lamig domateng a doton te Jerusalem kay imatayen se kaliwat te kagi Timanem te lain longsod, doton olo te Jerusalem. ³⁴ Menge Tege-Jerusalem gayed niyo egbontagan te bato aw imatayan se kadita te kaliwat te taga timanem inpaibeng dini kenyo? Meliket a peden metipon kenyo amon mag-epad a kenyo. Eleng te manok lomemlem diya te menge onsoy din. Meneng weda kaw kaibeg. ³⁵ Na penabayaan den se ogpeanan niyo aw mesayo a, eked kaw kita kanak, singed aw mikagi kaw, “Iduyen se insgo te pengolo tadon Tinamen.