1
Penga niyan dimoton, Miglegeb-ligeb si Jesus te Galiliya. Piglibayan din sen pegdoton te Judiya tepad sen menge kedekelan te menge Judiyo meibeg mengimatay kandin.
2
Nayan, agpet den domateng. Sen pista te menge Judiyo iningedanan pista te menge nolongabong.
3
Minikagi se menge kedowa i Jesus diya kandin, “Mesayo ke dini aw doton ka te Judiya amon komito te kamno enge tinoledaan no te kepelahan nge eg-inangon nikaw.
4
Aw meibeg se otaw te medengeg se ngadan din eked din elesi iangen din, yan aw doen kepelahan inangen no mepiya aw ipelute ni iyan diya te kedita te otaw dini te keneyonan.”
5
yan se inikagi te menge telekedowa dan si jesus pengkey sikandin weda pemenal kandin.
6
Min ikagi si Jesus kandan, “Weda pa dating se kanak aldaw pengkey eden aldaw se mepakay diya kenyo meneng para kanak. Kana pa ini sen sakto nge panahon nge inangen ko sen kana depet inangen.
7
Eked kaw kebensihan menge otaw dini te kenayonan, meneng kebensihan a dan se gayed a eg-ikagi diya kandan te medaet se eg-inangen dan.
8
Si kenyo olo se tmabong te pista, eked a pa doton se wada pe dateng se eldaw te pegdoton ko.”
9
Penga te peg-ikagu din kenya mug-agpa pa sikandin kidoen te galiliya.
10
Meneng neketelut din sen menge kedowan ni Jesus amon motambong te pista, timatendog si Jesus te wedad balesi tepad kay eked keibing nge metegahan te menge otaw nge doton sikan din sida.
11
Doton te pista, pinangeha sikandin te menge kelengkawan te menge Judiyo, Minikagi sikandan, “kenan sikandin?”
12
Migpebolong-bolengay sen menge otaw tepad kandin, sen doma minikagi, “Mepiya sikandin nge otaw.” Meneng sen duma heman nekeikagi, “Kana iyan benal, kay eg-akal olo iya te menge otaw.”
13
Meneng wedad peg-ikagi in elis dan tepad diya kandin, so nelmitan dan te menge kelangkewan te menge Judiyo.
14
Pagdating kidoen pegketenga den te pista, dimoton si jesus te simbahan aw migtoleda.
15
Nepela onto sen menge obanen te menge Judiyo. Minikagi dan, “kenan lebo lekat se kebiyasa te otaw seini? Weda man sikandin teledai.”
16
Minikagi si Jesus kandan, “Sen menge mitoleda ko kenyo wede peg-lekat kanak aw kena limeket te Timanem simogo kenak.
17
Pengkey sine nge meibeg tomolo te ibeg te Timanem, metaga-taga aw sen kanak intoleda lekat ba te Timanem aw lekat olo kanak.
18
Sen otaw nge eg-taleda lekat te kandin pegke-otawan nga kabiya pangilala te kandin olo kaugalingon. Meneng sen pangilala te insogo kandin. Yan sen toohan aw kena bolelawun.
19
Kinaliwaton kaw i Moises te menge punu? Meneng wedad palos pengekey sebad kidoen kenyo timolo kenyan, tepad kay aw egtolo kaw pa nenga lay ibeg niyo pa mengimatay kanak?”
20
Minikagi si Jesus, “Nepela kaw tepad kay doen sebad otaw nge pigbolong te eldaw nge peg-etod.
2122
Meneng aneng-anengi akon niyo. Migpunu kenyo si Moises nge kailangan tolien sen kinyo menge bata nge maema. Hinuon weda ini lekat ni Moises aw kona te kemonaan tadon gabii nayan inineng niyo ini pengkey eldew te peg-etod.
23
So aw mepakay se pegtoli niyo te bata delem te eldew te peg-etod amon eked niyo toloen sen punu i Moises. Ngalay meopal kaw man kanak tepad kay pig-oli ko sen sebad ke otaw te eldaw peg-etod?
24
Yan ika niyo egsila nge medaet sen inineng te otaw aw wede niyo pa ini ketagahi. Peteng-tengi niyo una amon ketegehan niyo sen kebenalan.
25
Doen menge Tege-Jerusalem nge migpebelaw, “Kana ba sikandin sen otaw egpemehaen amon imatayan te kenitadon menge kelengkawan?
26
Meneng seini sikandin mig-ondanen atbang te menge otaw, aw sen kenitadon kelengkawan aw wedad migsagda kandin. Eden lebo netega-taga den dan nge sikandin si Misiyas?
27
Meneng netegahan tadon se tinikedowan te otaw seini. Aw domateng se Misiyas wedad metaga-taga aw kenan sikandin lekat.”
28
Pigkedekel din ayas sen kegi din doton te simbahan. Minikagi sikandin, “Netegahan den niyo aw sinu a, aw kenan a lekat? Sen benal, Dimini a kena pineokit te kenaken ibeg. Aw kena sen benal nge Timanem yan se simogo kanak. Weda niyo sikandin kelului.
29
Meneng siak kemilala kandin, tepad siak lekat a kidoen kandin, aw sikandin den simogo kanak.”
30
Teped peg-ikagi ni Jesus, dekepen den peden sikandin te menge kelangkawan te menge Judiyo. Meneng wedad migdakop kandin.weda pe dateng sen kandin aldew.
31
Pengkey pa niyan, madita heman te menge otaw sen nemenal kndin. Minikagi dan, “Sikandin des gayed se Misisyas. Weded kepelahan inangen din lbu pa mepiya diya te eg-inangen te otaw seini.”
32
Pegdineg te menge Parisiyu te eg-ikegiyen te menge otaw teped ki Jesus. Nayan sikandan aw sen pengolo te menge pari misogo te menge teletonggo te simbahan nge dekepen si Jesus.
33
Minikagi si jesus, “Te eked kenamay nge sialu eked den pegdoma kenyo. So mali a doton te simago kanak.
34
Mengemaha kaw kanak, memeng eked kaw den kita, kanak so eked kaw pekedoton te ogpeanan ko.”
35
Migpenisaay dan sen menge obanen te menge Judiyo, “Kenan lay pesalo sikandin nge eked tadon dan sikadin kiti? Eden, domoton lay te menge lonsod te menge Griego diin negbolag-bolag sen doma nge menge Judiyo amon megtoleda te menge Griego?
36
Ngalay man mikagi sikandin nge mengemaha kidon kandin, meneng eked eden niyo kitai, so eked kaw pekedoton te ogpeann ko?”
37
Awyan, pegdateng te Timanem eldaw te pista, yan seini sen onto mahinungdanong eldew te pista. Seini nge eldew timindeg si Jesus aw minikagi te dakel, “Se pengkey sinu nge nelao domiya kanak aw ipeinom ko.
38
Se pingkey sinu nge memenal kanak, kidoen lekat te pedowan din tomibol sen wayeg nge mekebegay te pedowan.”
39
Sen inikagi i Jesus teped te wayeg nge mekebegay te pedowan yan sen Ispirito Santo, nge egpet den medawat te menge memenal kandin sida nge panahon weded pe ikebigay sen Ispirito Santo teped kay wede peman liko si Jesus doton te langit.
40
Madita meneg otaw sen pegdeneg dan te inikagi ni jesus. Sen duma nekeikagi, seini nge otaw yan den gayed sen Propita nge pigtegaden tadon.
41
Minikagi heman sen doma, “Sikandin dan se Misiyas!” Meneng doen heman minkagi, “Eked kepakay, so weda likat te Galiliya si Misiyas.”
42
Wea lay ikagi sen kasulatan si Misiyas bowad-bowad te kemonaan ni david, aw tomebaw te lonsod te Bethlehem nge ogpeanan ni David.
43
Nayan migpedin dilay sen menge otaw te weda pemenal tepad ki Jesus.
44
Sen doma kandan ibeg megdakep kandin. Meneng weded naka-ako peg-inang kenyan.
45
Awyan, limiko sen menge teletonggo te simbahan doton te menge kelengkewan te menge pai aw menge Perisiyo nge simogo kandan te pegdakop ki Jesus, pegdateng te menge teletonggo, minikagi ayas sen simogo kandan, “Ngalay weda niyo sikandin dekepi aw ibingi dini?”
46
Minikagi sen menge Perisiyo, “Sen ibeg niyo ipekelabet nge pengkey sikenyo neekalan din heman?
4748
48Doen ba kenyo kinita nge Perisiyo o sebad te kenitadon menge kelengkawan nge nemenal kandin?
49
Weda gayed! Sen menge otaw olo nge weda ketaga-taga te punu ni Moises sen nemenal kandin. Tollonen gayed sikandin dan te Timanem.
50
Sen sebad Parisiyo seini si Nicodemus. Yan sikandin sen otaw nge dimoton ki Jesus kedengen te delem.
51
Minikagi sikandin te kandin menge doma, “Eked nepekay diya te punu nge ipulumun sen otaw te tadon dineg gi likat kandin aw eden sen kandin ininang?
52
Minikagi sikndin ki Nicodemo, “eden sikona besi heman se sakop te probinsya te Galiliya! Pengemaha ke kidoen te kagi te Timanem insolat aw yan ketegahan no te wedad palos sakop te probinsya te Galiliya neinang telekeliwat te kagi te Timanem.
53
Penga niyan, nesuyo se kedita dan aw negsioli dan.