¹ Penga nida, dimoton si Jesus to Jerusalem amon te pegtambong te sebad ka pista te menge Judio. ² Doton te alad te Jerusalem duen sebad ke pultahan nga okitanan te menge karnero, dapag nini duen linaw nga digosan nga te Hebreyo nga inikagihan igtawal besteda. Te pelibot nini duen lima ke elonganan. ³ Kon kenan peke-ibat ang menge mesekiton, menge bata, menge bakol, aw menge perelitiko. ⁴ Migtagad din nga miwal ang wayeg, kay duen menge higayon nga duen anghel te Timanem nga tumena duton amon entagen ang wayeg, ang mekeuna peg tul’lak te wayeg penga ini meantag te anghel meg-uli bisan eden pa anga kandin mesakit. ⁵ Duen sebad ke otaw dutun nga 38 den ke umay nga ineleg. ⁶ Kinita sikandin i Jesus nga neke-ibat duton, aw neketaga-taga si Jesus nga ang kandin sakit iling nida den kenamay-hayan minikagi si Jesus kandin, “ebeg nikaw ba nga meguli?” ⁷ Timaba ang inileg, “Peden, sir meneng wedad otaw nga mengibing kanak duton te wayeg kon entagen den te anghel, samtang migpesalo pa elu te wayeg meunaan a kenunay te duma.” ⁸ Minikagi si Jesus kandin, “Enaw, ibingi ang kamno ikam kesayo ka. ⁹ Sian-sian dayon neg-uli ang otaw te kandin mesakit, aw inibing din ang kandin ikam aw minesayo. ¹⁰ Nayan minikagi ang menge tigdumala te menge Judio dotun te otaw nga pig-uli, “Hoy, di ba aldaw nga ting etud ini, aw sumala te menge kenitadon kesugoan eked keinang megtrebaho bisan te peg-ining te kamno ikam?” ¹¹ Minikagi ang otaw nga pig-uli ang otaw nego guli kaneken yan ang negsugo nga ibingan ko ang kanak ikaw aw mesayo. ¹² Nayan ig-insa dan sikandin kon sine ang otaw nga neg-sugo kandin te peg-ipanaw aw peg-ibig te kandin ikam. ¹³ Meneng weda sikandin kilala kon sine ang nekeguli kandin, kay netalon man dayon si Jesus tepad te kedita te menge otaw. ¹⁴ Duton te templo kinita heman i Jesus otaw nga pig-uli din aw minikagi si Jesus kandin, “Te, meg-uli ka den siini, ika den egpekesala kay basin mas medaet pa kuwani ang mehitabo kamno.” ¹⁵ Nesayo dayon ang otaw aw dimuton te menge tigduma te menge Judiyo. Ikegihan din dan nga si Jesus yan ang nekeguli kandin. ¹⁶ Nayan lekat nida, ang kedekelan te menge Judio negsugud te peglutus ki Jesus, tepad kay neng-uli sikandin te aldaw nga ting etud. ¹⁷ Meneng duen keterungan i Jesus. Minikgai sikandin kandan, “Migpedeleg ang kanak Amay te kandin inangenen, nayan migpedeleg a peman. ¹⁸ Tepad sini inikagi i Jesus misamot ang tinguha te kedegkelen te menge Judio nga metayan sikandin, tepad kay kena ulo te peglapas din te kesuguan mahitungod te aldaw nga ting-etud. Kon kena menikagi pa sikandin nga ang Timanem ulu se kandin Amay. Nga nedegdegan nga igpekeiling din ang kandin kaugawen te Timanem. ¹⁹ Nayn minikagi si Jesus kandan, “Te kebenalan, kegihan ko si keyo nga siak ang bata te Timanem, wedad meinang ko kon kanak ulo kon kena kon eden ang kanak kinita nga ininang te kanak amay, yan heman ang kanak inangen isip bata. ²⁰ Pelangga te Amay ang kandin bata, nayan igpekita din kanak ang kandin bata aw ang kelahat ininang din. Aw labi pa kani ang igpekita din kanak nga inangen ko amon mepala kaw kelahat. ²¹ Kon ang Amay meg-antay te menge nematay aw megbegay kandan te peduwan, siak nga kandin bata mekebegay heman te peduwan kang bisan sine nga ibeg ko begayan. ²² Ang Amay kena eg okin te menge otaw, kon kena kanak nga bata din yan se pigbegayan te ketunged te peg-okom. ²³ Amon ang kelahat megpesidengeg te bata eling te kandan pegpesidungog te Amoy. Nayan ang weda pegpesidengeg kanak weda heman pegpesidengeg te Amoy nga migpeibing kanak. ²⁴ Te kebenalan, Igkegihan ko si keyo nga ang otaw nga negetuman te kanak menge inakagi aw nemenal te negpe-ibing kanak duen peduwan din taga wedad temanan eked sikandin pelumoni tepad kay nekeluwa den sikandin te kematayn pesalu te pegkinabuhi. ²⁵ Te kenenahan, kegihan ko si keyo nga dumateng ang takna, aw dimateng ang den gani nga ang menge mematay mekedineg te kagi te Timanem, aw ang migpetelinghog te kandin kagi meantay. ²⁶ Iling nga ang Amay duen tu’los te pegbegay te peduwan, siak nga kandin bata mekebegay heman niyan nga peduwani. Kay ibegayan a din te tolus te pegbegay niyan te menge otaw. ²⁷ Ibegayan a din heman te tulus te peg-okom tead kay siak bata man te otaw. ²⁸ Ika niyo egkepela nini, kay dumateng ang takna nga ang kelahat menge nematay mekedineg te kanak kagi. ²⁹ Aw lumawa dan te kandan menge lebenganan, ang menge mepiya ininang entayen aw begayan te peduwan nga wedad temanan aw ang menge medaet inang entayen meneng peluwasen.” ³⁰ Dimugang si Jesus te peg-kagi, “wedad a palos meinang kon siak ulu. Benal nga egpelumun a menang ang kanak pegpelumun lekat inikagi te kenaken diya kanak, nayan ang kanak pegpelumum matarong tepad kay weda a peg-inang te kanak keugalingon pegboot kon kena pegboot te migpe-ibing kanak. ³¹ Kon siak ulu se mikagi te pad kanak inikagi mekeduda kaw te kanak pigkagi. ³² Meneng duen sebad nga negpemetuod kenaken, aw neke neketaga-taga a nga kandin inikagi keseligan. ³³ Si Juan nga tigbawtismo negpemetuod heman mehitungud kanak. Di ba duen kaw man kaw man insugo duton ki Juan amon te peg-insa kandin? Aw mig-indan sikandin te kebenalan. ³⁴ Hinoun weda a pegkinaganglan te pegpemetoud te otow mehitungod kanak. Pigsampit ko ulo si Juan amon nga mengtoo kaw kanak aw meluwas. ³⁵ Si Juan eling te sulu nga lineegdeg aw mig-iwas aw neluba kaw te kandin peg-iwag bisan mebaba ulo nga penahon. ³⁶ Meneng duen unto megpemetuod mehitungod kanak nga labaw pa ki Juan. Sini wedad lain kan kena ang menge inangenen nga ing-inang ko nga igpeinang te Amay kanak. Negpemetuid ini nga ang Amay yan ang migpeibing kanak. ³⁷ Ang Amay nga migpeining kanak ayan mismo ang megpemetuod mehitungod kanak. Meneng weda niyo sikandin kitai o dinegi nga minikagi. ³⁸ Aw weda niyo heman dewati ang kandin menge kagi tepad kay weda kaw man pemenal kanak nga pineibing din. ³⁹ Igbansay niyo ang kesulatan kay neg-aneng-aneng kaw nga iling kani ang peme-ukit, meangkon niyo ang peduwan nga wedad temanan. Ang kasulatan ang megpemetuod mehitungod kanak. ⁴⁰ Meneng mig-eked kaw gihapon te pegpedapag kenaken amon peden me angkon niyo ang peduwan. ⁴¹ Weda ko keilangan ang pegdeyen te menge otaw. ⁴² Kimilan a kenyo aw netegahan ko nga dalem te kenyo pusong wedad kaw peghigugma te Timanem. ⁴³ Dimini a nga duen tulus lekat te Amay, meneng weda kaw dawat kanak meneng kon duen domini te kandin kaugaingon gahom, sikandin hinuon ang kenyo dewaton. ⁴⁴ Menunen niyo peg-pemenal kon ang pegdeyen elu te kenyo isig ke otaw ang mehinungdanon kenyo aw weda palos deyen nga ang kebenalan lakat te Timanem? ⁴⁵ Ika niyo eg aneng-aneng nga siak ang meg-indan kenyo ton te Amay si Moises. Mismo nga kenyo pigle-uman yan ang meg-indan kenyo. ⁴⁶ Kon benal nga nemenal kaw ki Moises, memenal kaw peden kanak tepad kay si Moises mismo migsulat tepad kanak. ⁴⁷ Meneng tepad kay weda kaw man pemenal te kandin sinulat weda kaw pemenal te inikagi ko kenyo.”