¹ Inikagi ko den tapay kenyo se kedita nini amon pengkey eden pa se mehitabo te kemodiyan eked ketalon se kenyo pegpemenal kenak. ² Pekedasen kaw dan te kandan menge sinagoga aw domating se aldaw pengkey sine se mengimatay kenyo meg-aneng-aneng te neke-alagad sikandin te Timanem. ³ Inangen dan ini kenyo tanda te weda dan kilala te amay o siak. ⁴ Meneng inikagi k ini kenyo amon aw domateng den se aldaw te inangen dan ini kenyo meaneng-anengan niyo te inikagihan ko den sikeyo tapay.” ⁵ Te kelehat nini weda ko ikagihi kenyo so doma a pa niyo. Meneng seini lomiko aden te negpeibing kenak, aw wedad palos mig-insa pengkey sebad kenyo aw kenan a doton. ⁶ Seiniso inikagihan ko den sikeyo, nepuluk kaw onto. ⁷ Meneng te kebenalan, onto mekepiya diya kenyo aw tomanan a dini, so aw eked a tanan se egpemegay te kelipay eked dateng kenyo. Meneng aw tomanan a, ipeibing ko sikandin kenyo. ⁸ Aw kon domateng den sikandin dinite keneyonan, pekilalaen din se menge otaw te sikandan menge mekesasala nga siak metolid aw se Timanem maghukom kandan. ⁹ 9Pekilalaen din se menge otaw te sikandan menge makasasala, tanda te weda dan pemenal kenak. ¹⁰ Pekilalaen din siknadin te siak metolid so domoton a te kenak amay aw eked kaw den kita kenak.” ¹¹ Aw pekilalaen di heman sikandin se Timanem. Maghukom kandan, so nahukman den si Satanas so yan se nagagahom te menge otaw te keneyonan. ¹² Medita pa peden se kenak ikagihen kenyo, meneng eked kaw pa pekelabet nini seini. ¹³ Meneng aw domateng den se Espirirtu Santo nayan se megtolada te kebenalan, toledaan kaw din te kelahat kebenalan. Sa kandin itolada kenyo kena lekat kandin, awkena ikagihen din olo se kandin dinineg. ¹⁴ Ikagihen din henam kenyo aw eden se mehitabo te domateng. Iduyun a din so ipekelabet din kenyo se kenak menge intolada aw eginangen. ¹⁵ So se kelahat intolada ko kandin te amay. Yan se minikagi a se kenak menge intolada ipekelabet din kenyo.” ¹⁶ Te eked kenamay eked a den niyi kitai. Meneng te eked human kenamay kiaten a niyo toda.” ¹⁷ Pilebok te kenyo menge tinoledan se meigpeinsaay, “Eden lay se ibeg din ipekelabet nga te eked kenamay eked kidon den kita kandin, aw eked heman kenamay kitaen tedon heman sikandin? Aw minikagi pa sikandin te seini mekitabo tandan te lomiko den sikandin? Aw minikagi pa sikandin te seini mekitabo tanda te lomiko dne sikandi te amay. ¹⁸ Eden base kenyo ibeg ipekelabel te eked kenamay? Eked tedon kelebeti aw edense kandin ibeg ipekelabet.” ¹⁹ Netaga-taga si Jesus te ibeg dan peden meg-insa kandin, yan minikagi sikandin diya kadan, “Minikagi a nga te eked kenamay eked a den niyo kitai, emeg te eked heman kenamay kitaen a niyo olo toda diba yan man peden ini se kenyo ibeg iinsa kenak? ²⁰ Te kebenalan, ikagihan ko sikeyo se menge oatw te keneyonan meluba onto te mehitabo kenak, meneng sikeyo megkelag te kelido. Meneng se kenyo menge kelido metalon aw mesallinan te keluba. ²¹ Unawa te menge baye nagabati so agpet tebawan den sikandin. Meneng aw tomebaw den se bata, mekelibel den sikandin te kesakit tandan te kendin keluba so timebaw den se kandin bata dini te keneyonan. ²² Sikeyo onawa heman niyan, seini nelido kaw, meneng megpekita a pa toda kenyo aw labihan onto kwani se kenyo keluba. Aw wedad palos pengkey sine meke-agaw te keluba siyan. ²³ Aw kon domateng den se aldaw siyan kena den keilangan te meg-insa kaw pa te pengekey eden kenak. Te kebenalan, ikagihan ko sikeyo se amay memegay kenyo te pengkey eden se kenyi pemoyoen kandin peniokit te te kenak ngadan. ²⁴ Lamig seini weda ka pa pekepemoyo te pengkey eden diya kandin pineokit te kenak ngadan. Pemoyo kaw amon mekedawat kaw, aw amon meinang hingpit se kenyo keluba. ²⁵ Inikagi ko se kedita nini diya kenyo pineokit te menge tegedelangan. Meneng domateng se aldaw nga eked a den gamit te menge tegdelangan, aw kena klaro ka den ikagihen neyo se tapd ta amay. ²⁶ Aw domateng den se aldaw, sikeyo mismo se memoyo te amay pineokit te kenak ngadan. Kena den keilangan te siak pa se memoyo te amay alang kenyo. ²⁷ So se amay mismo dakel man se pedowan din kenyo, tada te kedakel te pedowan niyo kenak, aw nemenal te siak lekat te Timanem. ²⁸ Lekat a te Amay aw dimini a dini te keneyonan. Meneng seini tomanan a de dini keneyonan aw lomiko te Amay.” ²⁹ Minikagi ays se kandin menge tinoledaan, “Seini se kanmo inikagi so weda ka den gamit te menge tegdelangan. ³⁰ Seini onto kay den netaga-taga ka te kelahat, so pengkey weda kay peg-insa kamno netaga-taga ka den tapay te kenami pig-aneng-aneng, nayan nemenal kay te sikona lekat onto te Timanem.” ³¹ Minikagi si jesus kandan, “Seini nemenl kaw den ba kanak? ³² Meneng domateng se aldaw aw pengkey seini dimateng den te sikeyo megkebilit aw moli, aw tenanan a niyo sebad ko meneng pengkey tenanan a niyo doen doma ko gihapon, so doma ko se amay. ³³ Inikagi ko se kedita niini kenyo amon doen kelinaw tanda te kenyo pegpemenal kenak. Peentosen kaw te menge otaw te keneyonan, meneng ikaw niyo egkelemitan tanda te dinaeg ko dense gahom te keneyonan.”