¹ Dimeleg si Jesus te peg-ikagi, “Siak se benal ponoan te paras, aw se kenak amay yan se eg-ipat. ² Se kenak menge panga eked pemongo tepoen din, aw se menge panga egpemongo, pul-ongon din amon memongo oa onto te medita. ³ Sikeyo nelinisan den pineokit te punu kenak inikagi kenyo. ⁴ Pegpetanan kaw kenak, aw megpetanan a heman diya kenyo. Iling te panga eked pekepemongo aw eked pegpetanan te ponoan, sikeyo eked heman pekepemongo aw tomanan kaw kenak.” ⁵ Siak yan se ponoan te paras, aw sikeyo e sikeyo se kenak menge panga. Se otaw negpetanan diya kenak aw siak diya kandin, yan memongo te medita, so aw wedad a diya kandin wedad palos meinang niyo. ⁶ Se otaw tomanan kenak eagbel, iling te menge panga ipeg-agbel aw yan otaw tomanan kenak eagbel. Iling te menge panga ipeg-agbel aw yan melangkay, niyan pegsebaden aw igabel doton te apoy amon mesanog. ⁷ Aw megpetanan kaw kenak aw isawol niyo te kenyo menge pedowan se kenak menge punu. Mekepemoyo kaw kenak pengkey eden se kenyo ibeg, aw medawat niyo niini.” ⁸ Aw domeleg kaw memongo te medita, iduyun te menge otaw se kenak amay, aw pineokit nini metegahan te sikeyo kenak menge tinoledaan. ⁹ 9Aw eden se pedowan te amay ko kenak yan heman se kenak pedowan kenyo. Petanan kaw te kenak pedowan. ¹⁰ Aw toloen niyo se kenk menge sogo te kenak amay, nayan dimeleg heman se kandin pedowan kenak. ¹¹ Inikagi ko ini kenyo amon meleba kaw heman iling kenak, aw meinang hangpit onto se kenyo kelebo. ¹² Yan ini se kenk sogo kenyo: pegpekelay kaw te pedowan onawa te kenak kedakel te pedowan kenyo. ¹³ Aw doen otaw imetayan din se kandin keotawan alang te kandin menge sigalak iling kenyan pegkedakel te pedowan eked menge sogo. Malabwan. ¹⁴ Menng sigalak ko sikeyo aw toloen niyo se kenak menge sogo. ¹⁵ Eked ko sikeyo tewali menge sineligan, so se sinelegan weda ketaga-taga aw eden se ininang te kandin amo. Tawalen ko den sikeyo seini kenak menge sigalak, so aw eden se kenak dinegen lekat te kenak amay yan heman se kenak ikagihan kenyo. ¹⁶ Kena sikeyo se nemalli kenak awkena siak se nemalli kenyo. Pinemalli ko sikeyo amon mipanaw aw memongo te menge pongo wedad keeminan, amon pengkey eden se kenyo pemoyoen te amay pineokit te kenak ngadan ibegay din kenyo. ¹⁷ Nayan seini se kenk sogo kenyo: megpedekelay kaw te pedowan.” ¹⁸ Minikagi pa heman si Jesus, “Aw pigkebensihan kaw te menge otaw te keneyonan, ikaw niyo egkepela tungod so netaga-taga kaw siak yan se mona dan pigkebensihan. ¹⁹ Aw iling kaw te menge otaw te keneyonan, kedekelan kaw dann te pedowan. Meneng pigkebensihan kaw dan tanda te kena kaw dan doma, awkena pinemalli ko sikeyo lekat kandan. ²⁰ Aneng-anengi niyo si kenak inikagi kenyo wedad sineligan melangkaw pa te kandin amo. Nayan aw gilutos a dan lutoson kaw dan heman. Aw toloen dans e kenak punu toloen dan heman se kenyo punu. ²¹ Seini kelala te negpeibing kenak. ²² Aw weda a dini te keneyonan aw megtolada kandan, wedad peden tulubagon dan, memeng seini eked den dan palos makapangulipas te kandan menge sala. ²³ Se nebensi kenakk, nebensi heman te kenak amay. ²⁴ Aw weda a peg-inang te menge kepelahan te kandan taliwala, nga wedad lain mekeinang, wedad peden tulubagon dan. Meneng pengkey kinita dan den onto se kenak menge ininang, nebensi dan pa heman kenak aw te kenak amay. ²⁵ Te kandan ininang netoman se nesolat te kandan kasuguan minikagi, “pigkebensihan a dan te wedad igong hinungdan.” ²⁶ Minikagi ayas si Jesus kandan, “Ipeibing ko kenyo se Espirito Santo lekat te amay. Sikandin yan se egpemegay te kelipay aw sikandin heman se egpenolada te kebenalan. Aw domateng den sikandin, mikagi sikandin tepad kenak. ²⁷ Aw sikeyo keilangan mikagi heman tepad kenak so duma ko sikeyo lekat pa kedengan.