¹ Migpedeleg dan si Pablo doton te Dirbi aw te listra. Doen egpemenal doton te listra nga si Timoteo. Se kandin inay Judio aw egpemenal heman, meneng se kandin amay Griego. ² Sumala te menge egpemenal doton te listra aw te Iconium, si Timoteo mepiya otaw. ³ Ebeg si Pablo nga ibingen si Timoteo nayan pegtoki din ini amon eked pekereklamo se menge Judio batok ki TImoteo, kay se kelahat menge Judio nga neg-ogpa te siyan ogpanan neketagataga nga Greigo se amay ni Timoteo. ⁴ Pegkepenga dimoton dan te menge longsod aw impekelabet dan se mge egpemenal te menge tolomanan nga pigkeoyonan te menge sogounun aw te menge kelangkawan te simbahan doton te Jerusalem. Pigkegihan dan se menge egpemenal nga tomanen dan ini nge menge tolomanon. ⁵ Nayan nelig-on pa onto se pegpemenal se menge egpemenal, aldaw-aldaw negkedita pa onto se menge egpemenal. ⁶ Penga niyan dimoton dan te menge ogpaanan nga sakopt te Frigya aw Galasya kay weda dan togoti te Espirito Santo nga megwali te kagi te Timanem doton te probinsya te Asya. ⁷ Pegdateng dan te pekitaan te Misya ebeg dan peden nga domoton te probinsya te Bitanya meneng se Espirito ni Jesus weda togot kandan. ⁸ Nayan minokit den dan olo te probinsya te Misya aw timopang te longsod te Troas. ⁹ Tedelen siyan doen impekita se Timanem ki Pablo. Kinita din se sbad ke otaw nga tege Macedonya nga timindeg aw negpeido-ido kandin. Minikagi se otaw, "Batas ka diya te Macedonya aaw tabangi kay." ¹⁰ Nayan nengandam kay te pegdoton te Macedonya tongod kay dinineg day nga pigtawal kay te Timanem te pegwali te mepiya indan te mge otaw doton. ¹¹ Simakay kay te balangay lekat te Troas aw dimeleg te Isla te Samotrasya, aw te sonod nga aldaw dimton kay doton te longsod te Neapolis. ¹² Lekat te Neapolis dimoton kay te Filipos nga yan se mona siyodad te ogpaan te Macedonya. Kedita te menge neg-ogpa doton aw bisan se kedekelan te siyodad mge tege Roman neg-ogpa kay te Filipos awop te pila si aldaw. ¹³ Pegdateng te aldaw nga ietod limowa kay te siyyodad aw dimoton te kilid te kaiwalan tongod kay neg-aneng-aneng kay nga doen ogpaanan doton nga tiponanan te menge Judio amon megtawaltawal. Doen menge bayiheman nga negtipon doton nayan nenuoo kay aw negbalawbalaw kandan. ¹⁴ Sebad te menge nenalan kenami yan si Lydya nga teg Tiatira. Negosyante sikandin te menge mahalon nge menge panapton nga melalag, aw negsimba heman te Timanem. Pigtandog te Timanem se kandin posong nga kinawaen se menge pig-ikagi ni Pablo. ¹⁵ Negpabautismo sikandin aw se kelahat nga neg-ogpa te kandin balay. Penga niyan pighangyo kay din dayon nga domoton te kandin balay. Minikagi sikandin, "kon nemenal kaw nga siak benal nga egpemenal te Timanem doton kow den peg-ogpa te kanak balay. "Eked sikandin pebelibad nayan timandu ka den olo. ¹⁶ Sebad ke aldaw dalem negpesalo kay doton te ogpaanay nge tinonanan amon te pegtawal tawal, pigtagbo kay te sebad ke allang nga dalagita. Pig-awopan sikandin te medaet Espirito nga negbegay kandin te kepanday te peg-etok te menge mahitabo te domatengay. Pineokit te seini kandin kepanday nekepanguwarta te dakel se kandin menge amo. ¹⁷ Penganiyan seini bayi gayed negsonodsonod kenami ni Pablo, aw seini sekandin pig-alongag," Seini menge otaw menge sogounun te Timanem metolos! Pigwali dan kenyo kon te eden pemeokit sikiyo melowas!" ¹⁸ Aldaw - aldaw yan sida sekandin ininang taman te wedad peketayod si Pablo. Nayan pigsinalo din se bayi aw pig-ikagihan din se medaet Espirito nga neg-ogpa kandin, "Te ngadan ni Jesu-Cristo yan ikegihan ko sikona nga lomowa likat kandin." aw kidoen dayon limowa likat kandin se medaet Espirito. ¹⁹ Te dihang nekemelikod sekandin menge amo nga wedaden peglaom dan nga komilo pa te kuwarta pineokit kandin pigdakep dan si Pablo aw si Silas aw piggoyod doton te plasa amon meatobang te kelangkawan te sida nga ogpananan. ²⁰ Minikagi dan te menge pengolo, "Menge otaw seini menge Judio aw nengibing dan te kesamok dini te kinitadon siyoda. ²¹ Negtolda dan te menge bet nga kontra te kinitadon punu. Menge Romanhon kidon ineked kinitadon se pegtoltol te kandan menge pagtolon-an." ²² Aw pigtelebanan pigbonug te menge otaw sikandan si Pablo. Pegkepenga, piggisi te menge pengolo si menge ekasen ni Pablo aw si Silas aw pigbonalan dan dayon. ²³ penga te onto da pegbonal, pigkeleboso dan sikandan. Pigsogo dan se guwardya nga gayed dan tonggo-an onto. ²⁴ Nayan pig-awop dan te guwardya doton te didaken te onto tetambi te keleboso aw pig-iketan se kandan menge benis. ²⁵ Pegketenga sidelem den negtawaltawal si Pablo aw si Silas aw kimanta te menge pegduyun te Timanem nenalan kandan se menge doma dan pigkeleboso. ²⁶ Penga niyan miglinog te kalit aw magsen aw nekuyong se pigkelebosohan. Neabli se menge titakep te kelebosahan aw mebadbad se menge kadina te kelahat menge pigkeleboso. ²⁷ Neloka se guwardya aw pegkita din nga neowang se mge telakep kelebosohan se kandin aneng-aneng nekekadas den se mge pigkeleboso. Nayan pig-ogot din se kandin Espada amon megpekematay. ²⁸ Meneng mig-olangag si Pablo, "ika eg-imatay te pegkeotawon no! Sekey kaman kelahat dini te didalem." ²⁹ Negpeabat te solo se guwardya aw negsaling sikandin dimoton te didalem aw limohod te sinulowan dan ni Pablo aw si Silas nga pigtagangtang. ³⁰ Penga niyan inibing din dan si Pablo te lowa aw pig-insan "Eden man si kanak inangen amon melowas?" ³¹ Timaba dan si Pablo, "Pemenal ka kit Timanem Jesus aw meluwas ka aw se kamno panimalay." ³² Peng niya pigtodlo dan ni Pablo se kagi te TImanem kandin aw te kelahat sakot te kandin panimalay. ³³ Dalem delem siyan pig-onawan te guwardya se kandin menge pali, aw negpabautismo dayon sikandin apil se tibook te kandin panimalay. ³⁴ Pengkepenga inibing din dan si Pablo te kandin balay aw pigpekaen. Se guwardya aw se kandin panimalay neluba onto nga doen den pegpemenal dan te Timanem. ³⁵ Pegkeiselem pigsogo te mege pengolo se menge pulis nga boloyan den dan si Pablo, ³⁶ aw pig-inda indan ini te guwardya ki Pablo. Minikagi sikandin se menge pengolo negsogo nga boloyan kaw den. Nayan lowa kaw den aw peden mepiya se kenyo panaw." ³⁷ Meneng minikagi si Pablo te menge polis nga insogo te menge pengolo, "Eked keinang nga ibolou dan olo se pegpelowa kanami piglapas dan se punu te Roma tongod kay menge Romanhon kay heman. Weda kay pa ona bistahi beling pigbonalbonalan dan sinolowan te publiko aw pegkepenga niya pigpepriso dan. Kailangan nga se menge pengolo mismo si domoto dini amon yan se megpelowa kenami." ³⁸ Peg-ikagi menge polis doton te menge pengolo te inikagi ni Pablo nga sikandan menge Romanhon heman pigkolbaan. ³⁹ Nayan dimoton se menge pengolo doton te prisohan, domoton te prisohan aw nemoyo te pasaylo kandan ni Pablo. Penga niyan impelowa dan si kandan si Pablo aw pighangyo nga mesaya den te siyodad siyan. ⁴⁰ Te dalem limowa den si Pablo aw si Silas te kelebosohan dimoton dan dayon te balay ni Lydya. Nekigtagbo dan te menge egpemenal doton aw pigdasig dan sikandan amon melig-on se kandan pegpemenal. Pegkepeng nesayo dan dayon.