¹ Sen negemakam doton te ikonyo onawa heman doton te Antokiya, dimoton dan si Pablo aw si Bernabes te Simbahan te mge Judio. Aw teped te kandan pegtelada madita menge Judio aw menge kana Judio sen nemenal ke Jesus. ² Meneng sen menge Judio nge wede pemenal, migdeliseg te menge kana Judio amon meopal sen ne nge nemenal. ³ Nenamay doton si Pablo aw si Bernabas weda dan pegketelaw te peg-ikagi tepad te Timanem. Impekita te Timanem nge benal sen kandan intolada tepad te kandin Grasya te kay pigbegayan din sikandan te tolos aw peg-inang te mge kepelahan aw ketingalahan ne menge butang. ⁴ Nayan, weda pegsebad sen menge otaw niadtong siyudana. Sen doma migpedigsel te menge Judio nge weda pemenal, aw se doma migpedigsel te menge apostoles. ⁵ Meglalang keman se menge Judio aw kana heman menge Judio doma dan sen kandan menge pangulo, nge negplano nge peelegen aw bontogan sen menge apostoles. ⁶ Pegketegatega te menge apostoles te maong plano, kimadas sikandan dan doton te listra aw derbe ,menge lonsod nge sakop te likeonya, aw te kilid nge menge ogpeanen. ⁷ Aw migtolada dan doton te mepiya indan. ⁸ Doton te listra doen heman sebad ke otaw kepig lekat pe te kandin pegtebaw. ⁹ Telobo nenenoo sikan din nemenalan te menge inikagi ni Pablo, pin-inoet sikan din i Pablo aw kinita din heman nge nemenal sen otaw kepig nge sen Timanem megpegoli kandin. ¹⁰ Nayan aw timawal te dekol se kagi din minikagi si Pablo kandin, "Tindeg ke aw tolid." timindeg sen otaw aw migpenawpenaw. ¹¹ Pegkita te menge otaw te ininang i Pablo. Migpegais sikadan te kandan kaugalingong pinulongan, 'sikandan se Timanem tadon migpekeotaw timena dini kenitadaon." ¹² Tinawal dan si Bernabas nge si Zeus, aw si Pable tinewal dan nge si Hermes teped kay sikandin yan man sen eg-ikagi. ¹³ Sen simbahan te kandan dios nge si Zeus medepag olo kidoen te lowa te lonsod. Nayan sen pengolo ne Zeus nengibing te toro nge baka nge pineningaan te bolak doton te lebangan te lonsod ibeg din aw te menge otaw nge megdogso doton te menge apostoles. ¹⁴ Pegketegatega ni Barnabas aw ni Pablo te kandan ininang, linisi dan sen kan dan saol aw kimeg nein dan te taliwa te menge otaw aw migpegais, ¹⁵ "menge amigo, ngelay megdogso kaw kenami? Menge otaw kay heman iling kenyo. Migtolada kay kenyo sen mepiya kagi amon lomenga kaw dan kani menge gamit nge wedad ontong aw megpedapag te Timanem nge neantay. Sikandin man sen mig-inang te langit te tana te dagat aw te kadita heman niyan gamit nge kidoen kandan. Kedengan mona pinebeyaan olo te Timanem sen menge otaw te pegtotondog te kandan pegkeotawon ibeg. ¹⁶ Kedengan mona pinebeyaan olo te Timanem sen menge otaw te pegtetondog te kandan pegkeotawon ibeg. ¹⁷ Meneng te tanang panahon impetagataga te Timanem sen kandin pegkeotawon doton te menge otaw pinaokit te kandin menge ininang nge mepiya. Pig-ibegayan daw din te odan aw menge amay te aldaw te eggani. Buhong onto te mekaen kandin imbegay kenyo amon meluba kaw. ¹⁸ "Pengkey pe te kagi dan siyan te menge apostoles, meneng onto dan pa nalimahan te pegsagda te menge otaw nge mengimatay aw menge baka amon idogso kandan. ¹⁹ Doen demateng nge mge Judio lekat te Antokiya nge sakop te pisidya aw sen doma lekat te ikonyo, pig-ekalan dan sen menge otaw nge modapig kandan. Pigtelbanen dan imontogan te bato si Pablo aw ginuyod lowa te lonsod, tepad te kandan peg-aneng-aneng namatay dan sikandin. ²⁰ Meneng piglibotan sikandin te menge otaw egpemenal, minenaw sikandin aw limiko doton te lonsod, keeldawan niyan nesayo dowa dan si Barnabas te Derbe. ²¹ Migtolada si Pablo aw si Barnabas sen mepiya indan kidoen te Derbe aw madita sen kandan naibing nge tomatondog ki Jesu-Cristo. Penga niyan limiko sikandan te histra, te ikonyo aw te Antokiya nge sakop te Pisidya. ²² Gipalig-on dan sen menge egpemenal aw melobos dan te pegsalig gayed te kandan pemenal. Minikagi heman sikadn=an te menge egpemenal "Madita kaimahan sen konitadon kailangan maokitan te peg-awop te lomawan te Timanem. ²³ "Te teg sebad-sebad lonson nge doen menge egpemenal nga igtepohon, sikandan si Pablo aw Barnabas pinemalli se mge otaw nge egsaligan daw te pengolo. Migpowasa dan aw migtawaltawal para te menge napili aw imbegay den dan te Timanem nge kan den egpmenal. ²⁴ Pengay niyan, minokit dan doton te menge lonsad te pisidya aw dimateng dan te pampilya. ²⁵ Migtolada dan doton te penga aw yan timegbeng dan te atalya. ²⁶ Lekat doton simakay dan liko te Antokiya nge sakop te Sirya, sen tepad kanan se linekatan dan aw migtawaltawal te menge egpemenal kedengan nge panalanginan dan te Timanem te kan den ininang nge seini nepenga den dan. ²⁷ Te pegdateng ni Pablo aw i Barnabas te Antokiya pigtipon dan sen kadita menge egpemenal aw mig-indan ayas sekandan sen kadita ininang te Timanem pineokit kan den aw bisan eden te pemaoket nge sen Timanem nemegay aw panahon amon memenal heman sen menge kana Judio. ²⁸ Aw nenamay dan mig-ogpa kedoen te Antyokiya doma te menge tometondog i Jesus.