¹ Te Antokiya doen mge propeta aw mge megtulada mimro te Iglesia kandan si Barnabas, si Simon tinawal dan Negro, si Lucio nga tege-Cyrene, si Manaen negkedakel ke penimalay ni Herodes nga Gobernador aw si Saulo. ² Se telobo dan pa nenimba te Timanem aw migpuasa, minikagi se Espirito Santo dandan, "Gehini niyo kenake si Barnabas aw si Saulo so doen ipeinang ko kandin." ³ Penga te kandan pegpuasa aw pegtawaltawal, pigtedongan dan se Barnabas aw si Saulo te kandan mge belad aw nayan pigpesayo dan. ⁴ Nayan egpeibing te Espirito dan si Barnabas aw si Saulo doton te Selevcia. Lekat doton simakay dan pesalo te Cyprey. ⁵ Pegdateng dan te lungsod te Salamina negwali dan te kagi te Timanem doton te mge simbahan te mge Judio. Si Juan Marcos doma dan amon te pegtalaban te kandan inangenan. ⁶ Piglibot dan se kelahat isla hantod dimateng dan te lungsod te pafos. Doton doen kenita dan madyikero nga egngadanan Bar-Jesus, Judio sikandin aw negpekaaron-ingnon propeta te Timanem. ⁷ Segalak sikandin i Sergio Paulo nga Gobernador te Isla, biyasa onto otaw tinawal din si Barnabas aw si Saulo kay ibeg din menalan te pulong te Timanem. ⁸ Meneng gibabagan dan te madyikero nga si Elimas yan se ngadan se governador te pegpemenal ki Jesus. ⁹ Meneng si Saulo tinawal den peman toda Pablo pigdetengan te Espirito Santo, neketengteng ki Elimas aw minikagi, ¹⁰ "Bata ka ni Satanas! Kebolaw ka te kelahat metolid! Peg-akal aw kebolalaw olo se kamno mge ininang gayed nikaw den tirwis se kebenala lekat te Timanem. ¹¹ Seini pelemenen ka te Timanem me bote ka aw eked ka den kita kanamayan te aldaw. "Aw nayan migkengitngit se penengteng i Elimas aw nebote sikanin negkawakawa den olo sikandin aw nengamaha te mengagak dandin. ¹² Te kinita te Gobernador se nagamakan i Elimas nemenal sikadnin, aw onto neleseb sikandin te kagi tepad te Timanem. ¹³ Paglekat dan i Pablo te pafos, dimeleg dan pesalo te pega simakay dan te balangay sakop te probinsya te Panfilia. Pegdateng dan pigtenanan dan doton i Juan Marcos. Limiko dan doton te Jerusalem. ¹⁴ Kandan si Pablo limaos doton te Antioquia sakop te probinsya te Pisidiaya. Pegdateng te aldaw nga peg-etod dimoton dan te Simbahan te meg Judio aw minonsad doton. ¹⁵ Doen migbasa te punu i Moises aw te mge sinulat te mge Propeta. Aw nayan doen sinogo se mge opisya te peg-ikagi kandan ki Pablo. " ¹⁶ Nayan timindeg se Pablo aw kinapay din se mge otaw nenalan kandin. Minikagi sikandin: " Mge kedowa ko mge Israelinhon, aw sikenyo kana mge Israelinhon meneng nenimba peman te Timanem penalan a niyo! ¹⁷ Se Timanem egsimba te mge Israelinhon yan se nepemali te keneta nge obanen aw egpedita din dan se teloba dan pa doton peg-ogpa te Ehipto. ¹⁸ Awop te kepatan siomay se telobo dan pa doton te kemingawn nagpailob se Timanem kandan. ¹⁹ Pegkepenga gilaglag din se pito ke mge nasod te Canaan aw binegay din se tana te kenita obanen. ²⁰ Se kelahat neinang te Timanem awop te epat gatos keliman si omay. "Aw binegayan din dan te mge maghuhukom amon piyalan kandan taman te penahon i Samuel nga propeta. ²¹ Te kemodihan nemoyo dan te hari, nayan binegayan te Timanem si Saulo bata i Kish aw sebad te mge keliwat ni Benjamin, neghari si Saulo kandan awop te kepatan siomay. ²² Te pnekadas den te Timanem si Saulo isip hari, si David den peman se kandin nepemalli maghari kandan soyan se ini se puri te Timanem, nelebahan ko si David bata i Jesse. Tomoman sikandin te kelahat insogo kandin. ²³ "Negpedeg migbalawbalaw si Pablo te meg otaw, se bowad-bowad i David limekat ki Jesus yan se megpelowa egsaad te Timanem te Israel. ²⁴ Te weda pa pegsugod si Jesus te kandin inangenen negwali si Juan te kelahat mge Israelinhon nge megselsel dan te kandan mge sala aw megpebawtismo. ²⁵ Te agpet den me penga si Juan te kandin inengenen, minikagi sikandin te meg otaw, besi neg aneng-aneng kaw kanak yan den se kenyo pigtagadan. Meneng eked, egpeuna adin olo. Timekon sikandin kanak, meneng bisan imangen adin sogoenen kana a takos. ²⁶ Aw minikagi si Pablo: "Mge kedowa ka kenyo mge bowad-bowad i Abraham aw sikenyo kena mge Judio meneg nemimba peman te Timanem, kenitadon se pineibingan te Timanem te mepiya belita petad te keluwasan. ²⁷ Meneng se mge Judio negogpa te Jerusalem aw sekandan mge egpengebing weda ketagataga nga si Jesus yan se egpelowa. Weda dan peman kelebeti te inikagi te mge propeta binasa dan te kelikit te aldaw nge peg-etod kidoen te kenyo mge simbahan, meneng kandan beling se timoman te mge penagna te mge propeta pineokit te kandan peg-okom ki Jesus nga imatayan. ²⁸ Bisan wedad dan lig-on nga keterongan amon imatayan sikandin, meneng se gihapon onto dan hinangyo ki Pilato nga ipaimatay si Jesus. ²⁹ Aw nayan neinang den dan se kelahat inikagi te kesulatan nga magamakan din, inibat dan sikandin te krus aw insawol te lebeng din. ³⁰ Meneng inantay sikandin te Tiamnem lekat te kemetayan. ³¹ Aw awop te kedita te aldaw negpekita sikandin te mge otaw timaking kandin lekat te Galilea pesalo doton te Jerusalem se mge otaw sidekey yan peman todo se mig-indan te mge Israelinhon tepad ki Jesus. ³² Aw siini kay den amon indanen kaw te mepiya balita nga pigsaad te Timanem te kenita mge keobenenan, ³³ tinoman den din kenitadon nga kandin mge bowad- bowad. Ininang din ini pineokit te peg-antay din ki Jesus, so yan inise insolat te ikedowa nga salmo nga egkegihin. ' Sikona kanak bata aw siini epikita ko nga siak se kamno amay.' ³⁴ Insaad den tapay te Timanem nga antayen din aw se kandin lawa eked keledak kay minikagi sikandin. ³⁵ Inikagi pa kidoen te sebad ke Salmo. ³⁶ Kana si David se kandin egpesabot ka se pegkepenga te pegpengalagad i David te mge otaw sumala te mge ininang te Timanem kandin, namatay sikandin aw piglebeng doton te kilid te lebeng te kandin mge obanen aw neledak se kandin lawa. ³⁷ Meneng si Jesus se pig-antay te Timanem lekat te kematayen weda keledak se kandin lawa. ³⁸ - ³⁹ Nayan mge keduwa ko, keilangan melagahan niyo nga peneokit ki Jesus indanan ko sikenyo se belita nga sikitadon nepesaylo te Timanem se kenitadon mge sala. Se bisan sine nga nemenal ke Jesus pinetolid den te Timanem. Siini eked kep kepakay pineokit te pegsunod te punu ni Moises. ⁴⁰ Nayan pengandam kaw amon eked niyo kagamaki se impunu te mge propeta. ⁴¹ Sikeyo mge egpunempuyus, nepela kaw te kanak inangene. Mematay kaw kay se kenyo penahon doen inangen ko nga eked niyo pemenal bisan kon doen megpesabot kenyo nini. ⁴² Te peglowa den ni Pablo aw ni Barnabas te simbahan te mge Judio, egkegihan dan te mge otaw nga lomiko te sunod aldaw nge peg-etod amon kagihan dan tepad te mge kedonan siini. ⁴³ Penga te pegtipon medita mge Judio aw mge kana Judio ng neibing te relihiyon te mge Judio se simonod ki Pablo aw ki Barnabas. Pigdasig dan i Pablo aw si Barnabas nga megdeleg dan te pegsalig te grasya te Timanem. ⁴⁴ Te pegke aldaw te peg-etod se kelahat mge otaw te Antokiya negtipon doton se simbahan te mge Judio amon menalan te puno te Timanem. ⁴⁵ Pegkita te kelengkawan te mge Judio te medita mge otaw ng timambong, nesina dan olo aw piglindoan dan te mge inikagi ni Pablo aw pigyaya din pa sikandin. ⁴⁶ Meneng negtimbolot beling si Pable aw si Barnabas, minikagi dan te mge Judio, "Keilangan iwali ona dini kenyo mge Judio se kagi te Timanem. Meneng egselikway niyo sikandin negpeila olo ini kenyo kana angayan bagayan te pedowan nga wedad tamanan. Nayan lekat siini te mge kana Judio sikami megwali te mepiya balita. ⁴⁷ Yan ini se insogo te Timanem kanami. Inangen ko sikona solo te mge kana Judio, amon pineokit kamno se kelowaan te sala tomaman te kebelad te keneyonan. ⁴⁸ Se dinineg ini te mge kana Judio neleba dan aw minikagi, "Dimeyen onto te punu te Timanem." Aw se kelahat mge nepemalli te pedowan nga wedad tamanan neinang memenal. ⁴⁹ Aw migkebelad se punu te Timanem doton te ogpaanan siyan. ⁵⁰ Meneng sinulsulan te mge Judio se mge pengolo te lonsod apil den se relihiyoso aw mge baye mga nengelaban ki Pablo. So nayan sinulata dan si Pablo aw si Barnabas aw pinekadas dan te ogpaanan siyan. ⁵¹ Tinaktak si Pablo aw si Barnabas se napo te kandin benis isip pesidaan batok kandan. So nayan dimoton dan te konyom. ⁵² Doton te Antokya neleba dan onto se mge simonud ki Jesus aw nepeno dan te Espirito Santo.