¹ Seini, siini se kenak taba tepat te menge insa insolat niyo kenak. Mepiya peden kidoen te sebad ke otaw aw eked pengognar. ² Meneng tanda te medita se egkeboyo te pegpelayokay gawas te pegpengognan pengognan kaw den beling amon mekelikay kaw nini. ³ Se meama keilangan meg-inang te kandin ketongod doton te kandin esawa, aw se esawa keilangan heman meg-inang te kandin ketongod doton te kandin bana. ⁴ So se lawa te esawa metig-apo den te bana din, aw se lawa te bana metig-apo den heman te esawa din. ⁵ Nayan ika niyo egbelibadi se kenyo esawa o bana aw ibeg din inangen se neandan din inangen te menegtiayon, gawas olo aw megsebad se kenyo pedowan te eked kaw ona peg-inang te neandan inangen tanda te ibeg niyo gemiten se kenyo aldaw amon megtawaltawal. Menenng pegkepenga te kenyo kesebotan, iliko niyo se kenyo neandan inangen te megpelayokay so basin aw te kemodihan eked kaw pekepogong te kenyo pagbati, aw boyohen kaw i Satanas. ⁶ Weda a penogo kenyo te mengognam aw kena pigtogotan ko sikeyo aw ibeg niyo. ⁷ Ibeg ko peden se kelahat meonawa kenak wedad esawa. Meneng kena kidon onawa tanda te lain-lain se hiyas imbegay kenita te Timanem. ⁸ Sikeyo menge weda pa pengognan aw diya te menge balo, onto mepiya aw domeleg kaw te pegkinabuhi te sebad olo onawa kenak. ⁹ Meneng aw eked kaw peketameng te kenyo ibeg, pengognan kaw dena beling. So onto pa mepiya iyan nongka meg-antos kaw te kenyo ibeg eked ketameng. ¹⁰ - ¹¹ Te menge doen esawa seini se kenak sogo lekat onto te Timanem. Kena mepiya te esawa tomanan te kandin bana, aw kena heman mepiya te bana tomanan te kandin esawa. Meneng aw doen esawa tomanan te kandin bana, keilangan megpetaman sikandin wedad lain bana o kaha lomiko den beling sikandin te kandin bana. ¹² Se kenak ikagihen doton te doma ya ini (siak olo ini, so wedad inikagi se Timanem tepad nini): aw se egpemenal doen esawa kena egpemenal meneng neibeg meg-ogpa gihapon doma kandin, eked din ini angay'ng sibwani. ¹³ Aw kon se egpemenal doen bana kena egpemenal meneng neibeg heman mogpa doma kandin, eded din heman kepakay sibwanen. ¹⁴ So se kena egpemenal bana dinawat den te Timanem tanda te egpemenal esawa aw se kena egpemenal esawa dinawat den heman te Timanem tanda te egpemenal se bana din. So aw kena iling kani, lamig pa se kandan menge bata eked heman dewati te Timanem. Meneng se benal, dinawat den dan te Timanem. ¹⁵ Meneng aw ibeg te esawa o kaha se bana eked pemenal nga megpetananay, ika egtameng kandin. Gawasnon sikandin tomanan kandin, so Tinawal kidon te Timanem pagkinabuhi nga malinawon. ¹⁶ So pengkey aw tamengen no se kamno esawa o bana te eked tanan kamno, masiguro no ba melowas no sikandin? Magkinabuhi kaw somala te pegtawal te Timanem kenyo. ¹⁷ Se teg sebad-sebad keilangan tomayod kidon te keogpa imbegay te Timanem kandin, aw te keogpa te siyan tinawal sikandin te Timanem. Yan ini se pagtulon-an kenak intolada te menge egpemenal te pengkey kenan ogpeanan. ¹⁸ Pananglitan aw doen meama netoli den tapay te siyan tinawal sikandin te Timanem, kena den angay paningohaon din sellinan ini aw sidekey weda pa ketoli te siyan tinawal sikandin te Timanem, kena den keilangan megpetoli pa. ¹⁹ So kena mahinongdanon aw se otaw netoli o weda. Se mahinongdanon yan se pegtoman te menge insogo te Timanem. ²⁰ Nayan domeleg se tegsebad-sebad kidoen te kandin kehimtang te siyan tinawal sikandin te Timanem. ²¹ Aw sikona sebad ka sogoenan te siyan tinawal ka te Timanem, kena iyan igsapayan. Meneng aw doen higayon mekelowa ka te pegkesogoenen, pahimusli iyan. ²² So se otaw sogoenen te siyan tinawal sikandin kidoen te Timanem, neinang den sikandin seini gawasnon te mata te Timanem. Aw se otaw kena sogoenan te siyan tinawal sikandin, sogoenan den i Cristo. ²³ Meelaga se pegbayad te Timanem kenitadon, nayan aw kena kidon sogoenen te siyan tinawal kidon te Timanem kena kidon angay neinang sogoenen te menge otaw. ²⁴ Nayan menge kedowa ko ki Cristo, angay se tegsebad-sebad kenyo domeleg te pegsebad te Timanem te onawa keopa te siyan tinawal kaw. ²⁵ Tepad te menge weda pengognan wedad sogo ko lekat te Timanem. Meneng seini se kenak tambag kagi otaw keseligan tanda te keido te Timanem. ²⁶ Tanda te menge kelimahan te penahon seini, onto mepiya aw megpetanan den olo kidon te kenitadon keogpa. ²⁷ Nayan aw doen esawa no den ika egtanan kandin aw kon wedad pa kamo esawa, ika den beling egpengognan. ²⁸ Meneng kon mengognan ka man onto, kena iyan sala. Aw kon se bata bayi mengognan kena heman iyan sala. Minikagi a te eked den beling olo sikeyo pengognan tanda te ibeg ko malikay kaw te menge kelimahan te keogpa te mengognan. ²⁹ - ³⁰ - ³¹ Meneng kon mengognan ka man onto, kena iyan sala. Aw kon se bata bayi mengognan kena heman iyan sala. Minikagi a te eked den beling olo sikey pengognan tanda te ibeg ko malikay kaw te menge kelimahan te keogpa te mengognan. Se ibeg ko ikagihen menge kedowa yan, mebaba den olo se penahon netenanan. Nayan tanda te kelahat menge sawol-sawol dini te keneyonan metalon, lekat seini sidekey doen esawa angay den neg-ogpa iling te wedad esawa. Se mege nepuluk angay den meg-ogpa iling weda kepuluk, aw se menge neleba angay den meg-ogpa iling te weda keleba. Se menge egpemayad kena den angay magsalig tomayed kandan se kandan menge pinemayad kena den angay magsalig tomayed kandan se kandan menge pinemayad. Aw se menge eggamit te menge kedonan dini te keneyonan eked angay'ng ketetana niyan. ³² Ibeg ko peden malikay kaw te menge kebelaka din te keneyonan. Se wedad esawa wedad lain pigkebelak-an aw kena se bolohaton te Timanem aw kon te eden peokit sikandin mekebegay te keleba kandin. ³³ Meneng se meama doen esawa egkepelek te menge sawol-sawol dini te keneyonan aw menohen din pegbegay te keleba te kandin esawa. ³⁴ Yan se metenga gayed se kanyo aneng-aneng. Aw yan heman se menge baye se baye wedad bana wedad lain pigkepelekan aw kena se peg-alagad te Timanem, aw ibeg din ibegay se kandin tibook pedowan te peg-alagad. Meneng se baye doen esawa nepelek te menge sawol-sawol dini te keneyonan aw menohen din pegbegay te keleba te kanin esawa. ³⁵ Inikagi ko ini alang te kenyo kepiyahan. Weda ko sikeyo pogongi te mengognan aw kena ibeg ko olo hapsay aw wedad babag te kenyo peg-alagad te Timanem. ³⁶ Seini, tepad te menge managtrato: aw te aneng-aneng te meama nekeinang sikandin te kena angay doton te kandin trato, aw eked den sikadnin pekepogong te kandin ibeg, aw te kandin aneng-aneng angay den mengogna dan, mepiya pa megpakasal den olo sikandin kena iyan sala. ³⁷ Meng aw disidido se sebad ke meama te eked pengognan te kandin trato, aw diya kandin weda kinahanglani se pegpengognan so mepogongan din olo se kandin keotawen, mepiya se kandin ininang. ³⁸ Nayan mepiya se ininang te mengognan te kandin trato, meneng onto mepiya se eked pengognan. ³⁹ Se baye neiket doton te kandin esawa dalem te bohi pa se kandin asawa. Aw mematay de se kandin esawa mepakay den sikandin mengognan toda. Meneng keilangan egpemenal se kandin pemellien. ⁴⁰ Meg aw siak pabut-on onto meleba sikandin aw eked den sikandin pengognan toda. Seini aneng-aneng ko olo, meneng nemenal a se Espirito te Timanem dini kenak yan se nenolada nini kenak.