1
Bisan mekeikagi a te negkelain-lain nga menge inekegihan te menge otaw aw te menge Anghel, meneng kon wedad a peduwan te kanak isig ke otaw, iling a olo te angong nga belisi o piyangpiyan nga negtegingting.
2
Aw bisan mekesaysay a te kagi te Timanem aw mekelabet te kelahat ineles nga menge kebenalan aw kelahat kapanday. Aw bisan mekealin se bontod tepad te kanak dakel pengintoo kon wedad pedowan dad polos ko.
3
Bisan iapod-apod ko pa te menge kabos se kelahat kedunan ko, aw bisan idogso ko se kanak lawa amon sonogen, kon wedad peduwan ko wedad gihapon polos ko.
4
Se otaw nehigugma, mepeilobon, mepiya te kandin isig ke otaw, kena mesinahon kena hambogira o garboso.
5
Kena bastoa kena hakog, kena ulitan, kena medinumtanon,
6
weda keluba te medaet kon kena te metinaw.
7
Te gayed mainantoson te gayed doen pegsalig aw peglaom, aw te gayed eglehotay.
8
Doen temanan se menge peg-ondanen te kagi te Timanem, aw se menge peg-ikagi te menge inikegihan nga weda mebansay aw se menge ketegahan. Meneng se peduewan wedad temanen.
9
Kay se menge kedu'nan hetegahan tadon aw te kenitadon pegkelahat te kagi te Timanem kena pa onto kompleto.
10
Meneng kon dumateng den se aldaw nga malobos den se kelahat metalon den se pegkena lobos.
11
Te bata apa se kanak peg-ikagi, se kanak pegkelabet, aw se kanak aneng-aneng mangod. Meneng te niyan te doen a den oldin, igtenanan ko sa mangod nga peg gawi.
12
Sini iling kidon te timengteng te ispiho nga hanap, meneng dumateng se aldaw nga meklaro onto se kelahat. Sini tipik olo te kenitadon netegahan, meneng domateng se aldaw nga metegahan tadon se kelahat iling te pegketagataga te Timanem kenitadon.
13
Telo ka kedu'nan se megpedeteg aw sini tedo yan se pegsalig, peglaom aw se gugma. Meneng se gugma yan onto se labing mehinongdanon.