¹ Mge kedowa, ibeg ko nga matagahan niyo se nagamakan te kanak mge keobenenan nga duma i Moises, tinoltolan dan te Timanem pineokit te labon aw tinelabanan din dan te kandan pegbatas te malalag dagat. ² Pineokit te labon aw dagat iling olo te nabautismohan se kalahat dan menge tinoladaan i Moises. ³ Se kelahat dan kimaen te balaan nga kanen lekat te Timanem. ⁴ Aw te kalahat dan mininom te balaang wayeg kandin binegay, so nayan mininem dan te weyeg lekat te bato nga pinetobod te Timanem. Se bata sidekey gayed migtaking-taking kandan so yan si Cristo mismo. ⁵ Meneng pengkey aw tinelebanan dan te TImanem, se keditaan kandan weda onto peg-inang te tama nga keleba te Timanem. Tepad nini mamatay dan aw te kandan mge nematay lawa nebilit doton te kemingawan. ⁶ Sidekey mge nagamakan dan nagapasidaan kinitadon amon eked ki keibeg te peg-inang te iling te kandan mge ininang. ⁷ Eka niyo egtoltol te ininang te doma kandan nga nememba te mge dios-dios kay minikagi se kesulatan, "Se mge otaw mig-inang te kesaya, mighubog aw simayaw te kandan pegsimba te dios-dios. ⁸ Aw eked ki toltol te doma kandan nga nengagaw te esaw te doma din otaw. Yan se pigsilutan dan te Timanem, aw kelowan teg telo malalan, se nematay te sebad si aldaw. ⁹ Eked ki peman toltol te duma kandan nga mig-inang te pegsulay te Timanem, so nayan pigpebanga din dan te mge mebolot ayam-ayam aw namatay dan. ¹⁰ Eka niyo egpenultol te ininang te doma dan nga negbegolbol. So nayan se egpeimatay dan te Timanem pineokit te Anghel te kematayen. ¹¹ Se kelahat nagamakan amon metagahan tadon weda idekey keleba te Timanem. Aw insolat idekey nga mge nagamakan amon te pegpesidaan kenitadon nga nenginebuhi te penahon apget den onto dumating se keteposan. ¹² So nayan aw meg-aneng-aneng kaw nga se kandin pegpemenal lig-onen den. Peg-inap kaw kay pengkey aw mekasala kaw peman. ¹³ Wedad pegsulay nga dumateng kenyo nga wedad peman migtagad te doma otaw. Meneng keseligan se Timanem te kandin saad nga eked din togoti nga sulayan kaw labaw den te kenyo peg-antos. Aw kon domateng se mge pegsulay kenyo memegay sikandin te pemeokit amon maantos niyo ini. ¹⁴ So nayan, mge hinigugma ko, eka niyo bag egpenimba te mge dios-dios. ¹⁵ Minikagi a kenyo ingon nga mge otaw nga doen selebotan. So nayan kilohi niyo se kanak inikagi kenyo. ¹⁶ Aw megtipon kidon amon te peghinumdom te kemetayen i Cristo, doen inemen ta don nga kenitadon egpeselamatan te Timanem, aw doen pan peman nga kenitadon tenga-tengaen aw kanen. Pengkey pineokit nini nakig-ambit kidon te depanog aw se lawa i Cristo? ¹⁷ Se kelahat tadon, pengkey medita sebad lang olo lawa so tepad te sebad olo ke pan se kenitadon tengaen. ¹⁸ Tengtengi niyo se mge otaw te Israel. Se menge kemaen te mge halad nakig-ambit te inengenen te haladanan. ¹⁹ Bout ko bang ipasabot na se mge enotaw aw se pegkeen nga eghalad doton kandan doen ontong? ²⁰ Kana! se pesabot yan se mge eghalat te mge otaw weda kilala te Timanem, eghalad doton to deotang Espirito aw eked doton te Timanem. So nayan kana ko ibeg ng makig-ambit kaw te deotan nga mge Espirito. ²¹ Eked kepakay nga minem kaw te tasa te Timanem aw tasa te daotan mge Espirito. Aw eked kepakay nga komaen kaw te kananan te Timanem aw te kananan de deotan mge Espirito. ²² Eden, ibeg tadon megkelag se Timanem? Nataghan tadon aw meopl den sikandin, eked kidon pekelikay te kandin silot. ²³ Pigtugotan kidon te peg-inang te bisan eden, meneng kana kalahat meketabang o mekepelig-on te doma. ²⁴ Eka niyo eg-aneng-aneng te pegkeotawen niyo olo nga kepiyaan, aw kana eneng-enengi heman niyo se kepiyaan te doma. ²⁵ Kani niyo se bisan eden beligya te padyanan nga pengelapen te wedad insayy aw siyan eghalat doton te mge inotaw aw weda, amon eked kaw kekonsensya. ²⁶ Kay se kesulatan minikagi, "Se kenayonan aw se kelahat Timanem se mig-inang." ²⁷ Aw doen eked pemenal nga mig-ambit kenyo nga domaen te kandan aw ibeg peman niyo domoton, kani niyo pengkey enden se inandam alang kenyo te wedad insaay aw eghalad ba iyan doton te mge inotaw aw weda ba amon eked kaw kekonsensya. ²⁸ Meneng aw doen meg-indan kenyo nga se pekaen eghalad doton te mge inotaw, eka niyo egkaen aw alang te otaw nga neg-indan kenyo, aw amon wadad konsensya nga meghasol. ²⁹ Kana se kenyo pegkeotawen se mekonsensya se kanak pesabot se konsensya nidely otaw mig-indan kenyo. Siini basi mikagi kaw, "Nenga pugongan ko se kanak ibeg so nekonsensya a te duma? ³⁰ Aw peselematan ko se TImanem te kanak kinaen, ngalay aneng-anengen ko man se kanak deotan tepad te kinaen nga egpasalamatan ko?" ³¹ Siini se kanak toba kenyo pengkey eden se kenyo inangen, pengkey kanen aw inemen ko, inangi niyo se kelahat te tugoamon medayeg se Timanem. ³² Eka niyo eg-inang te bisan eden nga meinang kapandolan te mge Judio o se mege ka Judio, aw se kana egpemenal te TImanem. ³³ Ilingi niyo se kanak ininang gayed a nangamata te pemaolit amon metebangan ko se kelahat mge otaw te kelahat neinang ko. Wedda a pemaha te kanak olo kepiyaan aw kepiyaan te doma amon makaluwa te sala.