¹ Enyaatja n'yo tjooreera wawaralyaa nsantalyani, mwaana amwene! Ekhalelo tjo tara tjaa tjiri toko ekhankni tjoreera, nteko wo m'matatani wa namahema. ² Ntokhu aa ori toko ekalice yorukureerya; ohin'halela aya okhala eviinyu. Nthukua naa niri toko wunkumanyiheriya wo tiriku yoorukureriya ni ethutu tjoonukhela. ³ Mapele ayo ari toko asaana eeli olikana ogazela. ⁴ Esiko aa yoorekama toko men'no othepo; Mentho aa ari toko ehime tjikhanle miphantti tjo nkhora wo Bath Rabbim. Ephula aa yoreera toko erekamelo yo Libano enoonia oDamasco. ⁵ Muru oyo onaweemela toko mwaako wo Carmelo; ni ekharari tjo m'muru waa tjovitjuwela. Mwene oyo ri otjiveliya wo manan'na tjinthavalyaa. ⁶ We ori oreera ni wokitjivela, mwaaraka, ni wootjivelatja. ⁷ Marekamelo aa ori toko nkonke ni mapele aa toko nivara tjo mihokorokho. ⁸ Kihuupuwela: ''Kinapheela owela nkonke; ni kinahala orukula mihokorokho tjaya''. Ni mapele aa akhale toko mavara ouuva, ni onukhela wo mumula waa toko maçã. ⁹ Malaku aa akhale toko eviinyu yootjiva'', ''enkhuma woorereene wa awan'nyaka, emwaryeelaka m'mattereni ni m'men'noni''. Nthiyana oole awuulumelaka awan'nyawe: ¹⁰ Kihaana awan'nyaka ni ayena anaakipheela. ¹¹ N'we, awan'nyaka, nirwe waawatjeke; wo wiira nirwe navire ohiyu woteene muinttetheni n'mwe. ¹² Nivuwe owitjisuru wiira nirwe omattani; noone wakhala wiira miri tjihantjera ophuwa, ni ethutu tjayan'yo tjo thukuwa, ni ettuva tjoopatjera okhuma. Kinkela wuuvaha nifento naka won'wo. ¹³ Miri tjo nukheliha; omakhumenloni wo vapuwani onkhaleehu, tjihaavo wa khuta enan'na tjo mihokorokho, tjophiyaaru ni tjokhalayi, tjo sunkelalyaaka, wan'nyaka''.