¹ Ntjipo omatjipo, wa nen'ne na Salomao. Wa nthiyana m'motja awulumaka amweettyaawe: ² Okivahe epeetjo ni peetjo yo wamalakuni wa, nifento naa nooreera wovirikana tho ni eviinyu. ³ Makhura aa owottihaniya anaanukhela saana; ntjinanaa noreera toko onukhela wo makhura owoottiya, vano athiyana oreeratja ayo anawufenta. ⁴ Okikuse! Nithyawe! ''Athiyana yuulumaka veekha: ''Mwene oyo hokiwana nkuarto wawe''. Athiyana awuulumanaka amweettiawe: Kiri otteeliya, ni wee kinaakhala otteeliya, okihiye koone nifento naa, wooreera vaava woovirikana tho ni eviinyu. Oteene yaale anufenta ari otjaaliya''. Athiyana ale yaahimeryaka athiyana akina: ⁵ Nttapala naka nooreera, nanlelo kiri oreera, assaana apinaatamu o Jerusalem, oriipa toko etenda tjo Quedar, tjooreera toko ekurtina tja Salomao. ⁶ N'hikiwehe kontha kooreera, kontha ntjuwa ninookipaha. Assaana anumwanaka ari orusiya ni mi, ayena akihiyale wo wiira kisunke evinyu, maasi evinyu aka, akinkhuitiri osunka''. Nthiyana ole ulumanaka amwettaawe: ⁷ Okihimeerye, wee kinufenta aka, onlihera vai epwittipwithi tja! Tjim'mumulaka vai epwittipwithi tjaa! Kontha kaakela okhala manaka nthu oneetteetta eriyari yo ntjitji asikhuaawe!''. Amweettya awe ahaakhula: ⁸ Waahitjuweleke, oreeresa tjinene eriyari waathiya, othare enya tjo pwittipwithi tjaka ni olihere epuri tja tjophiyaru n'yo wakhiviru wa etenda tjaamakamputji. ⁹ Kinawulikanihera, mwaaraka, toko mwan'nama owariheliya ekaroagem tja Faraó. ¹⁰ Ekhove aa yoreera ni tjowiiphwaneliha; esiko a, ni khankaani tjoorika. ¹¹ Kinkowuuphwaneliha ni wooru tjo wottiheriya eprata''. Nthiyana ole itjuulumanaka: ¹² Amwene wonkomalyaaya wa meesa, makhuura aka yeera enukhelaka. ¹³ Awan'nyaka awaka ari toko nrupa wo miira onkhala ohiyu m'mapeleni waka. ¹⁴ Awan'nyaka ala ari toko nritta wo thutu tjoonukhela tjom'mattani tjo En Gedi''. Amweettyaawe yuulumaka ni yena: ¹⁵ ''Wee ohoreera, nifento naka; manan'na tjireera lya; mentho aa ari toko ekhuntta''. Nthiyana ole awulumanaka amwette awe: ¹⁶ " Nkaweha manan'na tjireralya, awan'nyaka, manan'na tjireeralya. Miri tjikithi tjinphwanela nkoriihu. ¹⁷ Eviga tjonupa tjihu tjiri tjo cedro, mirittatja tjiri tjo cipreste.