¹ Pimana, ohimiakatjiya nuwaani, nihaana nrettele ni Muluku weeri wa Pwiyeehu Yesu Kristo. Mwahawawe, nihaana mphantti, nu waamini, wo mahala yaala niri olipa. ² Nitteliyeke nuwehen'nra Muluku on'nivahaawe yo hoollo, ororomela nkelehu okhalana nu waria wa Muluku. ³ Kahiiyo paahi, hata nitteliyeke muhawatjaniwihu, nitjuwelaka wira onwaana ovilela, ⁴ ovilela onawaana othanliya; nuthanliya onawaana ororomela wa hoolo. ⁵ Ororomela khunrusiha, kontha nfento wa Muluku ohomwariseliya wamirimaniwihu wariyari wo N'nepa Nttakattifu, ovahiyeehu. ⁶ Kontha, owakathi wariihu oololova, Kristo hakhwela maimpio owathi wekweli. ⁷ Kontha onaarikarika nthu onkhwela nasariya, iyo tiiyo, pooti owa nthu onkhwela nthu orera nrima. ⁸ Massi Muluku nalawiha Nfentoaawe wahivano, kontha Kristo honikhwela, wariihu anamtheka. ⁹ Ventji ventji n'nava, wahimiakatjiyeehu ni Phomeaawe, ninaahala wopoliya ni Yena wo tjatja wa Muluku. ¹⁰ Vano, wakhala hi, okathi warihu awanani , nihokhala owatanihiya ni Muluku mwaha wokhwa wa Mwanawe, ventji tjinene watanihiyeehu, ninapoliya nuu Kumiaawe. ¹¹ Kahiiyo passi, massi nihaana nitteliyaka mwa Muluku mwaha wa Pwiyeehu Yesu Kristo, wariya wa Yoole n'nava wakhelaleehu wataana. ¹² Pimaana, ntoko etampi tjikelaliaaya ntuniyani wa nlopwana m'motja, wo manan'na yaayo nookhwa wakelaliaawe mwaha wotampi. Ni nookhwa hmwarissela wa athu oteene , kontha otene nihotheka. ¹³ Mpaka Ekettelo, etampi yaari ntuniyani, massi etampi khinkhalihiyeethu yahikhaleke Ekettelo. ¹⁴ Pimaana, nookhwa hoholela okhuma wa Adao mapaka Moises, hata yaale ahithekale olikanatja nlattu wohinwelela wa Adao, wari ethonhero wa Yoole akeloowa. ¹⁵ Massi, hata tjitjam'mo, evaheriyo yomahala khiri ntoko ohinwelela. Kontha, wakhala wira oteene akhwaale mwaha wohinwelela wa nthu m'motja, ventji tjinene mahala a Muluku ni evaheriiyo wo mahala waanthu m'motja, Yesu Kristo, ohintjiva waathu entji. ¹⁶ Kontha evaheriyo kahi ntoko ohinwelela wetampi ya nthu. Kontha, womphantti m'motja, olamuliya wo thukiya ohowa mwaha wohinwelela wa nthu m'motja; massi, wompantti nkhwaawe, evaheriyo yomahala ewaale onakhumenlale ohinwelela, wira nihimiakatjiye. ¹⁷ Vano, nokhwa akelaka wa nthu m'motja mwaha wohinwelela wanthu m'motja, ventji yaale yakhenlale ventji mahala ni wevaheriiyo wo sariya ankela oholela mweekumi mwaha waanthu montja, Yesu Kristo. ¹⁸ Vano, ntoko athu oteene ahokhala othukeliya mwaha wohinwelela, hata mwaha wokhumenla wosariya ohowa ohimiakatjiya wo kumi wathu otene. ¹⁹ Vano, nlatto wohinwelela waanthu m'motja, entji ahopankiya anamatheka, womanan'na yaayo, mwaha wowinwelela waanthu m'motja, entji ahopankiya anassariya. ²⁰ Massi Ekettelo ohokela wo wira ohinwelela wintjive. Pimaana, nipuro wintjivaliaaya etampi, mahala ahintjiva tjinene. ²¹ Iyo ehirania wo wira, womanan'na yaayo weetampi wakhanliaaya mwa nookhwa, hata tjom'mo mahala akhale oholela, mwaha wosariya, para ekumi yohimala mwaha wa Yesu Kristo, Pwiyeehu.