¹ Vano efayitani erinaaya majudeu? Wala wuula on'vara ntekoni? ² Eri elamalelo weetthu tjooteene. Maana wuupatjeroni, moolumo amuluku yaahokhuluvelihiya. ³ Ni majudeu akhwaawe yaari ohaamini, ohaaminiwaya on'kookhala ekhweeli yamuluku yoohikhala? ⁴ Weenan'na emotja ohiyavaa, wiira muluku akhale eekhweeli, ni ntthu ooteene akhale owootha toko tjantikhiyaaya: Wiira n'khale ookohakohiya nimoolumweenhu, ni nkhale mwakohakohiya. ⁵ Massi ohinassariyeehu nan'thoonhihera muluku ossariya, ninkoohimyani? Maana muluku khanassariya owaana orussiyawawe? ⁶ khunpwanela! Weenan'na ekhwaawe, muluku nkoolamula tjani etuniya? ⁷ Massi wakhala wiira mwaha wowoothawaka, ekhweeli yamuluku yaari yuulupalessa ni waaryawawe, essiyani ohukhumwiyaka toko namatteka? ⁸ Ni essiyani ohiiraka: Nipankeke yootakhala, wiira eweeka yooreera, toko akhaawe tjin'niirelaaya, nin'naamini wiira nin'nooluma n'nho? ⁹ Ni, vano? Tihi ootjuweleessa? Mena, maana nihotjuwela wiira ooteene, okhuma majudeu, ni magrego, ari vathi watjootteka. ¹⁰ Toko tjantikhiyaaya, khaavo nassariya, hata vakaani. ¹¹ Khaavo ntjuwela, khaavo non'rweela muluku. ¹² Ooteene ahohapuwa, ni ahokhala oopwanela. Khaavo n'vara yooreera, hata n'motja. ¹³ Mimilitjaya mahiye ootthukuwa, ni malimyaaya anawaathepya; Eveneenu tjonwaa tjiri n'matterenimwaya. ¹⁴ Malakwaayaayo ahotakhalihiya nuuwaawa. ¹⁵ Enhaatjaya tjinaakuvenla omwaressa ephome. ¹⁶ N'mittalanimwaya ohaavo okwanhuwatja ni mahuviho. ¹⁷ Ni khaatjuwenle nttala won'rettele. ¹⁸ Ohoolo womeethwaaya khuuvo woova wamuluku. ¹⁹ Ninaatjuwela wiira ekettelo tjooteene tjin'himyaaya, tjin'himya wa yaale ari nketteloni, wiira malaku ooteene amaale, ni etuniya yooteene ekhale yoolamuliya ohoolo wamuluku. ²⁰ Tjitjon'mo khaavo n'hala ohimiya onassariya ohoolowawe n'mitekoni tjokettelo, kontha en'wa waketteloni otjuwelatja wokettelo. ²¹ Massi vano, enookhalaru ekettelo, essariya yamuluku yootjuwanyaa, akhalanaka namoona okettelo naarumeyi. ²² Yeela, essariya yamuluku eriyari yowaamini mwayesu kristu, wayaale an'mweettela, maana ovirikana khuuvo. ²⁴ Kontha ooteene ahotteka, ni ookwanhuwatja waarya wamuluku. ²³ Ni anlamuliya woohiitthu mwaha wo mahalaawe, eriyari wa yookhuluvela eri wakristu yesu. ²⁵ Muluku hon'vahenra okuttho mwaamwanawe yesu, mwaha wowaamini nphomeniwwe, wiira othoonhera onassariyaawe. Yena aahohiya etanpi tjaari tjiinaaya ovariya, nuuvilela wamuluku. ²⁶ Wiira athoonhere onassariyaawe owakathiyoola, wiira yena akhale nassariya, ni nassariya wayoole rina waamini wayesu. ²⁷ Vano wiihimyahimyera orivayi? Yoola ri oofutjiya. eketteloni? Yomiteko? Mena, massi aaye, wokettelo yowaamini. ²⁸ Nihomaliha, phimaana, pinaatamu n'himyakatjiya mowaaminini, womiteko tjokettelo. ³⁰ Phimana muluku taamajudeu paasi, khanakhala aamalapo? ²⁹ Weekhweeli naamalapo mulukwaaya. Nookhalaru muluku n'motja, n'hala wuulumela mowaamini, waatthu owuula, ni eriyari wowaamini oohuula. ³¹ Vano ninaafutja ekettelo mwaha wowaamini? Khawaniiranyaa. Woovirikanaaya, nihooneeha ekettelo.