¹ Vano hiivano, niri oolipa, nihaana nivilelaka ottetthia waathu ottetthia ni nihitjivihenreke yeehiru. ² Wakuta nthu ohaana ontjivihenra mwattamanuaawe, thimaana eyoo tiyorera wo ntekawawe. ³ Maana tjitjam'mo Kristo khitjivihenre; massi, ntoko tjantikhiyaya: "Maruwano wayaale yoruwan'neni ahokimorela min'nhaano. ⁴ "Kontha yeele yantikhiye wupatjeroni ehantikhiya wo winthutjihiya wihu, wophela wira, mwaha wovilela ni nulipiheriya tjowantikhiya, nihophwanha okuluveliya. ⁵ Muluku ovilela ni olipihera ovaheni ni mupuwelelo yaayo, yaayoru, wo manan'na ni Kristu Yesu, ⁶ wo wira nkhale mwinkokhorelaka ni ntju nimotjaru Muluku ni paapawe Pwiya Yesu Kristu. ⁷ Pimaana mwakhenlane yaayoru, ntoko Kristu tjiwakhenlaliaaweni, wo waria wa Muluku. ⁸ Kinaahimia wira Kristu hopankiya nanteko owuliha mukhweini wa Muluku, wira onihere makhuluveliho avahiye athu okhalayi, ⁹ ni wo wira amalaponi anvuwihe Muluku ni kiriritjawe. Ntoko tjantikhiyaya: "Vano kinalaphulula wariyariwinhu ni eriyari wamalapo, ni kinawipa etjipo mwantjinanaa. ¹⁰ Ni nawiratho: "Ntteeliye, amalaponi, nathuaawe". ¹¹ Ni tootho nawiira: "N'wipele aPwiya, oteenewinhu, amalaponi, N'wipele, athu oteene". ¹² Ni nanlelo Isaias nawiira: "Onahala ophuwa ntithari wa Jesse, ni nkhumela wo wira aholele wamalaponi. Wa yena, amalaponi ahonkhuluvela". ¹³ Vanova, Muluku ororomeliha utjariheleni otteliya woteene ni nrettele wa yeele enthunen'nhu, wo wira wintjive ororomela we kuru wo N'nepa Nttakattiu. ¹⁴ Hata mivano n'hokikupaliha, assun'naka, nrii otjaria emaani ni nutjuwelatja woteene. Kihokhala okupali wira n'nakhwitiri olipiherana yayoru. ¹⁵ Pimana koowantikhelani thoo wa tjithu tjikina kipheelaka owupuserani tootho, nlatto ethuvo evahiyaaka ni Muluku, ¹⁶ Wira kikhale nanteko a Kristo Yesu rumiye wamalaponi, wira akivahe ntoko namukutho ehapari ya Muluku. Kihaana opanka yeela, vano, wo wira tjoovaha tjamalaponi wira okhale wothuniya, wottakattifihiya ni N'nepa Nttakattifu. ¹⁷ Kihaana, vano, wikukhuliha mwa Kristo Yesu wo tjithu tjiri n'hina wa Muluku. ¹⁸ Tjoo, akinkela wuluma ethu, ehiya yeele epankaliaawe Kristo wariyariwaka wo winwelela wamalapo, wo molumo ni womiteko, ¹⁹ ni kuro tjethonhero ni miriria, ni kuro tjo N'nepa Nttakattifu; womanan'na, o Jerusalem ni mittethe tjowattamana, mivano kiholalia ehapari ya Kristo moteene. ²⁰ Niayaala manan'naala, yaphelaka olaliaa ehapari, massi kahi mapuro Kristo olalenyaawe, wo wira kiteke kahi nipuro nipatjeriye otekiya. ²¹ Tjoo, ntoko tjantikhiyaaya: "Yaale ahihimeriye Ankomoona, ni yaale ahimwinwale ankomwinweeha. ²² Pimana, tjitjam'mo kahokottihiya ekwaha tjintjiowa warin'nhu. ²³ Massi n'navaa, nlatto wohikhala nipuro nttetheoola ni kiheelaka n'hina womiakha tjiintji owotolani. ²⁴ Vano, karwaaka oSpanha, kinawehenra owoonani kiviraka ni kettihenriyaka ni nhuva, kinari nhuu owakathi vakani. ²⁵ Massi n'navaa, kinrwa oJerusalem wira kavarele nteko attakattiifu. ²⁶ Maana oMacedonia ni wAcaia yahopanka ntjanko yavahaka amasikhini eriyari attakattiifu oJerusalem. ²⁷ Yaholokelela tjom'mo, wekhweeli, ayena ankhala oolokiha, vano, yakhalaka wira amalaponi ahopankela mphantti wamotja ni tjithu tjo mwin'nepani naayena, ahanatho wavarela ni tjithu tjokhalana. ²⁸ Vano, kakhalaka omalihera ntekoola, ni khalaka osaahiti wira ayena ahaakhela ela yoovahiyeela, kiviraka orin'nhu, kinkoorwa oSpanha. ²⁹ Kinatjuwela wira, kawaaka mpaka orin'nhu, kinkoorwa mureerihiyani wa Kristu. ³⁰ Ni nhuuva, assun'naka, kinawulepelani, muaaPwiya Yesu Kristu, ni nlatto wonifento woN'nepa, wira nwane wamotja ni mii m'mavekeloniwinhu w Muluku mwa miivano. ³¹ Nvekele wo wira mi kikhale owopoliya wa yaale akhaanle ohinwelela oJudeia, ni wira ntekoaaka ni Jerusalem okhale woothuniya nattakattiifu, ³² wo wira kuphwanheni nuutteliya, nuuthuna wa Muluku, ni wowiira, wamotja ni nhuu , kiphwanhe omumula. ³³ Nrettele wa Muluku okhale ni nhuu. Amem!