¹ Athu otene akhale owinwenla aholeli onlaponi, kontha kiivo ekuru, wohikhala yeeyo yoowa wa Muluku, ni wala yaayo arivo athanliye ni Muluku, ² Pimana, otene yoole hinowinwenla aholeli onlaponi khanomwinwenla Muluku, n yaale ahininwela anahala ophwanha nttarusso. ³ Vano aholeli onlaponi ahikhaleke athu ohiloka ni tjithu tjoreera, massi tjithu tjohiloka. Khunphela owoova aholeli onlaponi? Opanke tjithu tjorera, onahala othanliya. ⁴ Kontha yaayo ananteko aMuluku wophela wukhaliha saana. Massi wapanka yohiloka, woove, kontha yaayo khankussa ekatana wo hisariya; kontha ananteko aMuluku, anattarussa yaale ampanka tjithu tjohiloka. ⁵ Pimana, ohana owinwelela, kahi mwaha wotjatja, massi mwaha womupuweleloaaya. ⁶ Pimana, n'hana nlivaka nsookho. Kontha aholeliaayo ari ananteko aMuluku, anivehenrera wa tjithun'ya tjoteene. ⁷ Nlive tjoteene tjinlokihiyen'nhu: nolokihani ntjanko, ntjanko, nolokihya nsokho, nsokho, anoviviya, nwoove, anttittimihiya, mwattittimihe. ⁸ N'hinlokihe nthu wakula ethu, ohikhanle mfento nthu nikhwaawe. Kontha yoole nonfenta nkhwaawe n'nettela ekettelo. ⁹ Malamulo: "N'hette oluva", "N'hinve", "N'hin'nhe", "N'hikhalele nttima", ni yakhala malamulo makhwaawe, otene ari ovukulatjiya: "Onfente nkhwa ntoko weyova". ¹⁰ Nfento khunompanka yonhala nkhwa, nfento ori wettela ekettelo. ¹¹ Mwaha wa yeeyo, we onatjuwela owakathi, wophiya owakathi wunwenla nkhoveni. Kontha wopoliya wihu ori wakhiviru wovirikanatho ntko tjikupanlihu wupatjeroni. ¹² Ohiyu onawakuva, ni ossa onera wattamenlaka. Thimaana, nttwe, nihiye miteko tjompiphini, ni niware ekaputhi tjomwinthukoni. ¹³ Nttwe neette wo manan'na ophwanela, ntoko nuuthana, kahi m'maphani, walani kahi muraruwani; kahi nuwanihana walani nttima. ¹⁴ Massi mwiwarihe mwa Pwiya Yesu Kristo, ni n'hilihere eruthu, wo tjirhu tjimphelaya.