Ekapiitulo 7
1
Nihuku Moises nimalihalyaawe enupa ya Muluku, yena honthapela ni honvahenra Pwiaya, nkhayi nikaruma tjooreerela. Yenani hopanka ni altar ni karumatjawe tjooteene. Yena haathapela ni haathoonyera waa Pwiya.
2
Nihuku nen'no, ahooleli oo Israel, ahooleli anam'mutjini okhalayi, ahovaha nkutho. Alopwanaayo yaahooleliya maloko. Yaari paayena yaawehaweha waalikeliya waa athu.
3
Ayena ahowaana tjoovahatjaya ohoolo wa Pwiya. Ayena ahowaana ekaaro sita tjookhuneelatjiya ni mope khuumi na piili. Ayena yaahowaana ekaaro emotja wakuta ahooleli eli, wakuta n'hooleli hoowaana emompe emotja. Ayena ahothoonyera tjithun'ya ohoolo wa enupa ya Muluku.
4
Vano Pwiya huuluma ni Moises. Yena hiira:
5
"Akhenle tjoovahatjaya ni evarele nteko etenda yonthukumano. Mwaavahe tjovaha maleviita, wa kuta nthu wo nayeeli ntekoaawe".
6
Moises hokussa ekaron'yo ni mopen'yo, ni haavaha maleviita.
7
Yena hovaha ekaro piili ni mompe tjesse nikhoto na Gerson, okhala wiira ntekoayooyo phapheelaaya.
8
Yena hovaha ekaro tjesse ni emompe naane nikhoto na Merari, akhuluveliye Itamar, mwaana aa Arao, namukutho. Yena apankele tjom'mo okhala wiira ntekoaayooyo phapheelaaya.
9
Massi, yena khaavahale nikhoto naa Coate, kontha waakhala nteko ni tjithu tjaari tja Muluku, ni tjen'yo yaakela okussa m'makhatani waya.
10
Ahooleli ahovaha mihakhutjaya wiira tjivahenriye waltaar, nihuku Moises nithapenliaawe altaar. Ahooleli ahovaha mikuthotjaya ohoolo waltaar.
11
Apwiya ahomwiirela Moises: "Wakuta n'hooleli, wakuta nihuku, haana ovaha nkuthoaawe wiira avahenre waltaar".
12
Nihuku nowantjera, Nasom, mwaana Aminadabe, nloko na Juda, aahovaha okuttho.
13
Okutthwaawe waari ethaalu yoparatha, olemelawaya waari ephimelo talaathiini napiili niipassiya yoparatha olemelawaya waari ephimelo ssapiini, wonayeeli wonipuro naaryaaya. Phimaana tjitthutjaya tjaari tjootjara nluwa wophepa yoonaanihiya, wootakanihiya nimakhura.
14
Yena aahovahatho nkhuki n´motja woparatha olemelawaya waarina ephimelo khuumi, wootjara elunpani.
15
Yena aahovaha okuttho woopahiya epwittipwitthi yankaani, niinama yoolopwana yomwaakha n´motja.
16
Yena aahovaha yoovaha mwaha wotanpi.
17
Yena aahovaha emoope piili, enama thanu, niipwittipwitthi thanu tjoolopwana tjomwaakha n´motja, toko tjoovaha tjooreerela. Waari okuttho wa Nasom, mwaana Aminadabe.
18
Nihuku nonayeeli, Natanael mwaana Zuar, n´hooleli aIssacar, aahovaha okutthwaawe.
19
Okuttho waavahalyaawe waari ethaalu emotja yoparatha niipassiya yoparatha, elemelelwaaya wonipuro ttakattiifu. Tjitthutjaya tjaari tjootjala nluwa wophepa woweethen´nha, wootakaniheriya makhura watjoovahiya tjooreerela.
20
Tootho yena aahovaha nkhuki n´motja wowooru, wootjara elunpani.
21
Yena aahovaha okuttho woopahiya epwittipwitthi emotja, enama, niikhontwaa yoolopwana yomwaaka n´motja weeyareelo.
22
Yena aahovahatho emotja yoovawaawe yotanpi.
23
Yena aahovaha emope piili, enama thanu, epwittipwitthi thanu niikhontwaa thanu tjoolopwana tjomwaakha n´motja, tjoovahiya tjooreerela. Waari okuttho wa Natanael, mwaana Zoar.
24
Nihuku noneeraru, Eliabe, mwaana Helom, n´hooleli onikhoto na Zebulom, aahovaha okutthwaawe.
25
Okutthwaawe waari ethaalu emotja yoparatha, niipassiya yoparatha, toko elemelelo wonipuro nomavekelo. Tjitjon´mo tjitthutjaya tjaari tjootjara nluwa wophepa yoonhattiya, yootakaniheriya makhura watjoovahiya.
26
Yena tootho aahovaha nkhuki n´motja wowooru, wootjara elumpani.
27
Yena aahovaha okuttho woopahiya wonama yankaani, enama emotja niipwittipwitthi yoolopwana yomwaakha n´motja weeyareelo.
28
Yena aahovaha yoovaha mwaha wotanpi.
29
Yena aahovaha emope piili, enama thanu, niipwittipwitthi thanu tjoolopwana tjomwaakha n´motja tjeeyareelo, toko okuttho wooreerela. Ola waari okuttho wa Elibe, mwaana Helom.
30
Nihuku noneetjesse, Elizur, mwaana Sedeur, n´hooleli onikhoto naRuben, aahovaha okutthwaawe.
31
Okutthwaawooyo waari ethaalu emotja yoparatha, niipassiya emotja yoparatha, toko elemelelo wonipuro nomavekelo. Tjitthutjaya tjaari tjootjara nluwa wophepa yoonhattiya nimakhura watjoovahiya tjooreerela.
32
Yena tootho aahovaha nkhuki n´motja wowooru, wootjara elunpani.
33
Yena aahovaha enama yankaani, niinama piili emotja yeelopwana yomwaakha n´motja yeeyareelo.
34
Yena aahovaha mwaha wotampi.
35
Yena aahovaha emope piili, enama thanu, niipwittipwitthi thanu tjoyaakha emotja tjeeyareelo, mwana okuttho woovahiya wooreerela. Oyo waari okuttho wa Elisur, mwaana Sedeur.
36
Nihuku noneethanu, Selumiel, mwaana Zurisadai, n´hooleli onloko naSimaeo, aahovaha okutthwaawe.
37
Okutthwaawe waari ethaalu emotja yoparatha, niipassiya emotja yoparatha, weelemelelo wonipuro nomavekelo. Tjitthu tjaari tjootjara nluwa wophepa wootakaniheriya makhura watjoovahiya tjooreerela.
38
Yena tootho aahovaha nkhuki n´motja wowooru, wootjara elunpani.
39
Yena aahovaha enama yankaani, niinama yomwaakha n´motja yeeyareelo.
40
Yena aahovaha mwaha wotanpi.
41
Yena aahovaha emope piili, enama thanu, niipwittipwitthi thanu tjayaakha emotja tjeeyareelo, toko tjoovahiya tjooreerela. Ola waari okuttho wa Selumiel, mwaana Zurisadai.
42
Nihuku nonasita, Eliasafe, mwaana Deuel, n´hooleli omaloko aGate, aahovaha okutthwaawe.
43
Okutthwaawe waari ethaalu emotja yoparatha, niipassiya emotja yoparatha, wonayeeli weelemelelo wonipuro nomavekelo. Tjitthu tjaari tjootjara nluwa wophepa wootakaniheriya makhura woovahiya tjooreerela.
44
Yena tootho aahovaha nkhuki n´motja wowooru, wootjara elunpani.
45
Yena aahovaha enama yankaani, niiama piili emotja yomwaakha n´motja yeeyareelo.
46
Yena aahovaha mwaha wotanpi.
47
Yena aahovaha emope piili, enama thanu, niipwittipwitthi thanu tjoyaakha emotja tjeeyareelo, toko tjoovahiya tjooreerela. Ola waari okuttho wa Eliasafe, mwaana Deuel.
49
Nihuku nonasaapa, Elisama, mwaana Amiude, n´hooleli omakhoto aEfraim, aahovaha okutthwaawe.
48
Okutthwaawe waariethaalu emotja yoparatha, niipassiya emotja yoparatha, wonayeeli weelemelelo wonipuro namavekelo. Tjitthu tjaari tjootjara nluwa wophepa yootakaniheriya makhura woovahiya tjooreerela.
50
Yena tootho aahovaha nkhuki n´motja wowooru, wootjara elunpani.
51
Yena aahovaha enama yankaani, niinama piili emotja yoolopwana yomwaakha n´motja yeeyareelo.
52
Yena aahovaha mwaha wotanpi.
53
Yena aahovaha emope piili, enama thanu niipwittipwitthi thanu tjeelopwana tjoyaakha emotja tjeeyareelo, toko yoovahiya yooreerela. . Oyo waari okuttho wa Elisama, mwaana Amiude.
54
Nihuku nonakhentta, Gamaliel, mwaana Pedazur, n´hooleli omaloko aManasses, aahovaha okutthwaawe.
55
Okuthwaawe wari ethaalu emotja yoparatha, niipassiya emotja yoparatha, wonayeeli weelemelelo wonipuro nomavekelo. Tjitthu tjaari tjootjara nluwa wootakaniheriya ephepa nimakhura watjoovahiya tjooreerela.
56
Yena tootho aahovaha nkhuki wowooru, wootjara elunpani.
57
Yena aahovaha enama yankaani, enama piili emotja yoolopwana yoyaakha emotja yeeyareelo.
58
Yena aahovaha mwaha wotampi.
59
Yena aahovaha emope piili, enama thanu niipwittipwitthi thanu tjoolopwana tjoyaakha emotja tjeeyareelo, watjoovaha tjooreerela. Oyo waari okuttho waGamaliel, mwaana Pedazur.
60
Nihuku nonanaane, Abida, mwaana Gideoni, n´hooleli omakhoto aBenjamim, aahovaha okutthwaawe.
61
Okutthwaawe waari ethaalu emotja yoparatha, niipassiya emotja yoparatha, wonayeeli weelemelelo wonipuro nomavekelo. Tjitthu tjaari tjootjara nluwa weephepa yootakaniheriya makhura watjoovahiya tjooreerela.
62
Yena aahovaha nkhuki wowooru, wootjara elunpani.
63
Yena aahovaha enama yankaani, niinama piili emotja yoolopwana yoyaakha emotja yeeyareelo.
64
Yena aahovaha mwaha wotampi.
65
Yena aahovaha emope piili, enama thanu niipwittipwitthi thanu tjoolopwana tjoyaakha emotja tjeeyareelo, toko tjoovahiya tjooreerela. Ola waari okuttho wa Abida, mwaana Gideoni.
66
Nihuku nonakhuumi, Aiezer, mwaana Amisadai, n´hooleli omakhoto aDa, aahovaha okutthwaawe.
67
Okutthwaawe waari ethaalu emotja yoparatha, niipassiya emotja yoparatha, wonayeeli weelemelelo wonipuro nomavekelo. Tjitthu tjaari tjootjara nluwa wophepa wootakaniheriya makhura woovaha tjooreerela.
68
Yena tootho aahovaha nkhuki wowooru, wootjara elunpani.
69
Yena aahovaha enama yankaani, enama piili emotja yoolopwana yoyaakha emotja yeeyareelo.
70
Yena aahovaha mwaha wotanpi.
71
Yena aahovaha emope piili, enama thanu niipwittipwitthi thanu tjoolopwana tjoyaakha emotja tjeeyareelo, watjoovahiya tjooreerela. Ola waari okuttho wa Aiezer, mwaana amisadai.
72
Nihuku nonakhuumi namotja, Pagiel, mwaana Ocra, n´hooleli omakhoto aAser, aahovaha okutthwaawe.
73
Okutthwaawe waari ethaalu emotja yoparatha niipassiya emotja yoparatha, wonayeeli weelemelelo wonipuro nomavekelo. Tjitthu tjaari tjootjara nluwa wophepa yootakaniheriya makhura watjoovahiya tjooreerela.
74
Yena tootho aahovaha nkhuki wowooru, wootjara elunpani.
75
Yena aahovaha enama yankaani, niinama piili emotja yoolopwana yoyaakha emotja yeeyareelo.
76
Yena aahovaha mwaha wotanpi.
77
Yena aahovaha emope piili, enama thanu, niipwittipwitthi thanu tjoolopwana tjoyaakha emotja tjeeyareelo, toko tjoovahiya tjonrettele. Ola waari okuttho wa Pagiel, mwaana Ocra.
78
Nihuku nonakhuumi nameeli, Aira, mwaana Ena, n´hooleli omaloko aNaftali, aahovaha okutthwaawe.
79
Okutthwaawe waari ethaalu emotja yoparatha, niipassiya emotja yoparatha, wonayeeli weelemelelo wonipuro nomavekelo. Tjitthu tjaari tjootjara nluwa wophepa wootakaneela makhura watjoovahiya tjooreerela.
80
Yena tootho aahovaha nkhuki wowooru, wootjara elunpani.
81
Yena aahovaha enama yankaani, enama piili emotja yoolopwana yoyaakha emotja yeeyareelo.
82
Yena aahovaha mwaha wotanpi.
83
Yena aahovaha emope piili, enama thanu nnipwittipwitthi thanu tjoolopwana tjoyaakha ehakha emotja tjeeyareelo. Ola waari okuttho wa Aira, mwaana Ena.
84
Ahooleli owiisrael yaahokawaniha tjitthu tjooteene Moises naatthapenlyaawe altaare. Ayenatja yaahokawanihatja ethaalu khuumi napiili tjoparatha, epassiya khuumi napiili nimikhuki tjowooru.
85
Khula ethaalu yaarina elemelelwaaya niipassiya elemelelwaaya. Mitiita tjooteene tjoparata tjaarina elemelelwaaya, wonayeeli elemelelo wonipuro nomavekelo.
86
Wakhula nkhuki tjookhuumi nimiili wowooru, tjootjra elunpani, tjaahaana elemelelwaaya wonayeeli wonipuro nomavekelo. Mikhuki tjooteene tjowooru tjaahaana elemelelwaaya.
87
Ayenatja ahokawanihatja okuttho woopahiya, enama khuumi napiili, niipwittipwitthi khuumi napiili tjoolopwana tjoyaakha emotja tjeeyareelo. Yaahovahatja tjoovaha tjotthaka. Yaahovaha tjoovahatjaya mwaha wotanpi.
88
Mihuwotjaya tjooteene, ssiriini natjesse, enama ssapiini, niipwittipwitthi ssapiini tjoolopwana tjoyaakha emotja tjeeyareelo. Tjaarina orweehiya waaltaare, waatthapeliyaawe.
89
Moises wakelalyaawe n´heemani wonthukumano wiira uulume ni Pwia, yena aahiiwa ntjuunawe amuulumanaka. Pwiya aahomuulumana watjulu wonkhuneelo, wonivuku wonamoona. Yena aahomuulumana.