¹ Esdras weeraawe avekelaka ni alaphululaka, yena aanawunla ni aakokhorale nkapela mwaNluku. Atthu entji owiisrael, athiyana naanamwane yaahotakaneela ni yena, yunlaka ventji. ² Secanias, mwaana Jeiel, yanttharenla Elao, aahomwiirela Esdras: Khanaamwaaminale Nlukweehu ni naathela athiyana olapo tjoottayi naatthu olapo tjikhwaawe. Massi n'nava, wanookhalaru tjon'mo, ohaavo wanriiha wiisrael. ³ Vano, onihiye nipanke waataana ninlukweehu wiira akhume athiyana ooteene naassaanaaya phanka wootthunela Apwiya ni tjoohimiya tjayaale anoova tjooruma tjaNlukweehu, ni apanke phanka ekettelo tjihimyalyaaya. ⁴ Ovuwe kontha ntekwaa, nihi niri niwe. Okhale oolipa ni opanke yeeyo! ⁵ Vano, Esdras aahovuwa ni aahowiirela anankuttho, alevita naatthu ooteene owiisrael akhuluvelihe woopheela opanka tjitjon'mo. Ooteene yaaholuphela. ⁶ Esdras aahovuwa nkapela mwaNluku ni aahorwaa npaani mwa Joana, mwaana Eliasibe. Yena khaakhuurale ephaawu wala khaavuryale maatji kontha aanaatjukulatja mwaha wookolyaa yaatthukiye. ⁷ Yaaholalyaatja oJuda ni oJerusalem, waatthu ooteene ahokolyaale, wiira athukumane oJerusalem. ⁸ Wayoole hinkoowa womahuku mararu, phanka tjihimyalyaaya akhulupale ni mahumu, naahala ohaleela mihakhutjawe ni naahala woomoliya mwaatthui ahokolyaale. ⁹ Vano, alopwana ooteene oJuda ni oJerusalem, womahuku mararu, yaathukumana oJerusalem. Waari mweeri wonakhentta nimahuku yeettaka hanssiini womweeri yooyo. Atthu ooteene yaanoweemela, ohoolo wokapela yaNluku, naayenatja yaahovatja mwaha wonuulumo niipula. ¹⁰ Esdras, nankuttho, aahovuwa ni aahiira: Nhuuvaatja n'hokossatja. Mwaakhalatja naatjiyana oottayi, ni tjitjon'mo okossa wa Israel ohintjenryaa. ¹¹ Nlaphulule tjootthekatjinhu waaPwiya, Nluku aatthweenhu okhalayi, ni npanke otthunawawe. Mwiikumihe mwaatthuni naathiyana oottayi. ¹² Atthu ooteene yaahaakhula yiiraka: Ninaahala opanka phanaka tjihimyaleenhu. ¹³ Kontha ahaavo atthu entji ni owakathi wopula. Khaninoolela okhala ota, ni khaanakhala mahuku meeli wala nimotja nonteko, kontha entji wahi ninaapankaka tjitjon'mo. ¹⁴ Vano waahiye ahooleliihu akhalele nthukumano wooteene. Yaale an'hala watthuniha athiyana oottayi wiira awe nlaponiwihu anaahala owa, owakathi woophwanela nimahumu naanamaphuka milattu onpooma, npaka orussiya waNlukweehu wanviraaya. ¹⁵ Jonatas, mwaana Asael, ni Jazeias, mwaana Tivca, yaakhaviheriya ni Misulao ni Sabetai, yaahotakaneelatja. ¹⁶ Aapankale tjo atthu yaahokolyaale. Esdras, nankuttho, aahaathanla alopwana, ahooleli omoomutjini, wonayeeli etthoko tjaatthwaaya okhalayi, ooteene nimatjinaaya, ayenatja yaahowehaweha nwahoole nihuku nowantjera womweeri wonakhuumi. ¹⁷ Nihuku nowantjera womweeri woopatjera, ayenatja yaahomalihera owehawehatja milattu tjaalopwana yaakhala naathiyana oottayi ¹⁸ Wayaale yaattharenla anankuttho yaakhala naathiyana oottayi: Ni anonttharenla Jesua, mwaana Jozadaque, naassihimaawe yaari naatthu, Eliezer, Jaribe ni Gedalias. ¹⁹ Vano yaahowoomolatja assithiyanaale. Kontha yaahokossa, ayenatja yaahovahatja enama enotja mwaha wookossawaya. ²⁰ Wayaale anonttharenla Imer: Hanani ni Zebadias. ²¹ Wayaale anonttharenla Harim: Maaseias, Elias, Semaias, Jeiel ni Uzias. ²² Wayaale anonttharenla Pasur: Elioenai, Maaseias, Ismael, Netanel, Josabade ni Eleasa. ²³ Wavirenle alevita: Jozabade, Simei, Quelaias, iihaniyaka tootho Quelita, Petaias, Juda ni Eliezer. ²⁴ Wavirenle anawiipa: Eliasibe. Wanamakhalenla mikhora: Salum, Telem ni Uri. ²⁵ Waatthu yaahanle owiisrael, , ni yanttharenla Paros: Ramais, Jezias, Malquias, Miamim, Eleazar, Hasabias ni Benaia. ²⁶ Wayaale yanttharenla Elao: Matanias, Zacarias, Jeiel, Abdi, Jerimote ni Elias. ²⁷ Wayaale yanttharenla Zatu: Elioenai, Eliasibe, Matanias, Jerimote, Zabade ni Aziza. ²⁸ Wayaale yanttharenla Bebai: Jeoana, Hananias, Zabai ni Atlai. ²⁹ Wayaale yanttharenla Bani: Mesulao, Maluque, Adaias, Jasube, Seal ni Jerimote. ³⁰ Wayaale yanttharenla Paate- Moabe: Adna, Quelal, Benaia, Maaseias, Matanias, Bezaleel, Binui ni Manasses. ³¹ Wayaale yanttharenla Harim: Eliezer, Issias, Malquias, Semaias, Simeao, ³² Benjamim, Maluque ni Semarias. ³³ Wayaale yanttharenla Hasum: Matenai, Matata, Zabade, Elifelete, Jeremai, Manasses ni Simei. ³⁴ Wayaale tanttharenla Bani: Maadai, Anrao, Uel, ³⁵ Benaia, Bedias, Quelui, ³⁶ Vanias, Meremote, Eliasibe, ³⁷ Matanias, Matenai ni Jaasai. ³⁸ Wayaale yanttharenla Binui: Simei, ³⁹ Selemias, Nata, Adaias, ⁴⁰ Macnadbai, Sasai, Sarai, ⁴¹ Azareel, Selemias, ⁴² Salum, Amarias ni Jose. ⁴³ Wayaale yanttharenla Nebo: Jeiel, Matitias, Zabade, Jadai, Joel ni Benaias. ⁴⁴ Alopwanaala ooteene yaahaakussa athiyana oottayi ni yaahaayarihatja assaana.