¹ Nvyo voponwehu numala yahivyuwela wira elika yele naithaniwa Malta. ² Nvyo atthu yakhala weiwe yahinoniherya niphento nulupale; okhala wira yahipathiha moro kunikusa othenahu, mwaha wa epula yarupa, nvyo mwaha wa orirya. ³ Nvyo numala Paulo ahithukumanya ikuni sinthene, nvyo aphehaka vaikho yahikuma enowa mwaha wa oviha nvyo yahimuluma n'tata na paulo. ⁴ Nvyo numala atthu yakhala weiwe yahona enowa ephareliwe m'matatani wa paulo yahilotha mukina ni mukwawe: vekekhayi mulophana ole mutakhali, owerya okhala mukumi n'limani, esariya kininhiya okhala. ⁵ Numala , owo ahirihela enowa vaikho, kuhona owereya nnakhala vakhani. ⁶ Nvyo awo yanilipelela wira owo arowa wipa, nari arowa okwa nananoru. Masi numala olipelela vanthene nvyo yanaka wira kiyavo yankumelela yonsankiha nlelo arine mukumi, yahirukunusa mupuwelo aya, nvyo analotha wira owo ari Muluku. ⁷ Nvyo vakiviru wa nipuro nenle mulopwana othithimiheya akhala velikani, aithaniwa Publio, ahikalano mihakhu sawe, owo ahinakela nvyo nahikhala aletho awe mpwakha mahiku mararu voniphenta. ⁸ Nvyo yahiraneya apapawe Publio yira ewereiwaka, eretha ya kamasi ni ovaluwa; numala paulo ahivolowa, nvyo numala ovekela, ahiwisatherya matata kwavoniha. ⁹ numala okumelela yahurya akinaku nipuro aryawe paulo yarino iretha, nvyo yahivonihiwa. ¹⁰ Awo yahinithithimiha vanthene, nvyo okathi nakelahu mukalawani, yahinivaha ittu sorerela. ¹¹ Nvyo numala miyeri miraru, hiyo nahirowa ni ekalawa ya Alexandriya yavirinhe eyita velikani; elo yahikhalano ethonyero ya maphapho Castor ni Polux. ¹² Nvyo niphiyaka Osiracusa, nahikhala weiwo mahiku mararu. ¹³ Numala okma nahivira osisi wa epwareya, nahiphiya oregio; nvyo umeloni mwaya yahopa epheyo yakuma okusini novira mahiku manli nahiphiya oputeoli. ¹⁴ Weiwo nahaphanya asinna, awo nahikhalano mphakha mahiku mathanu ni maili, nvyo numala nahirowa Oroma. ¹⁵ Nvyo asinna, novyuwela mwaha wa hiyo, yahivinya eryaka okumana ni hiyo mpwakha mpwaro wa Apio ni mapuro mararu yatumihiwa, nvyo Paulo numala owona ahimuxukuru Muluku, nvyo ahiphanya ikuru. ¹⁶ Nvyo ewora naphinyahu oroma, Paulo ahithuniheriwa okhala mekhawe opuro mukina, vamovya ni nakhotho ankontorlari. ¹⁷ Nvyo yahikumelela numala mahiku mararu, Paulo ahiwithana vamovya makulupale ayuda; nvyo nothukumana ahalela wira: alopwana asirikhaka, numala miyo kihirale ettu yonarara variyari watthu nnakhala ittu solimalela sa asithithi, onamwi ori vyivyo kirule othukiwa ovinya Oyerusalemu, kuvahereriwa mmatatani wa aroma. ¹⁸ Yawo numala okikohakoha yathuna okitapula, mwaha wohipwanyiwano mulathu wapwanela wiviwa. ¹⁹ Masi Ayuda yanilotha evanyaka, miyo kahikhanyereriwa orowaniwa wa csari, masi miyo nkarino ettu yowotherya atthu anloko naka. ²⁰ Numala mwaha wa mulathu yowo miyo kahiwithana orya wa miyo, wira kiwone yalothaka; okhala wira mwaha wa oweheryerya wa isirayeli miyo kothukiwa ni okorenti. ²¹ Masi awo wira: hiyo khanakenle ewarakha enkuma oyudeya enlotha mwaha wa nyuwo, n'nakhala anna arule wenno, eryelaka onihimerya nari onilela sa nyuwo sonanara. ²² Masi hiyo nathuna owiwani nyuwo eseni nyuwo munupuwelanyu; okhala wira mwaha wa itini novyuwela wira mapuro othene akhala anvanya. ²³ Nvyo awo yiwananaka nihiku nothukumana, atthu anthene ahurya nipuro nakhalawe; numala owo anathapulela nvyo anavaha onamona wa omwene wa Muluku, nvyo yanavya oleliwa sana mwaha wa Yesu, variyari wa ikano sa Moise, ni sa maprofeta, opatherya ohihiyu mphakha othana. ²⁴ Nvyo akinaku yanithuna ittu owo alothawe, masi akinaku kiyathuna. ²⁵ Nvyo okhala wira kiyaiwanana yaworu, yahilaihana, Paulo ahahimerya mavyu ala. eroho yorera yahilotha ekekhayi ni asipapihu variyari wa profeta Yesaya, ²⁶ Elothaka wira: murowe wa atthu, nvyo mwalele: Vekekhayi animwiwa sanene masi kanrowa ovyuwela, nvyo anoweha sanene masi kanrowa wona. ²⁷ Okhala wira atthu awo ahumiha mirima saya, maru aya anniwa ni okathamiheya, nvyo maitho aya athukeya, wira ehiwerye wona ni maitho, nnakhala wiwa ni maru, nnakhala ovyuwela ni murima, nvyo wira yitutuwe miyo kavonihe. ²⁸ Numala mukhale ovyuwela wa nyuwo wopola wa Muluku avaheryeryiwa amalapo, nvyo awo ahiwelela. ²⁹ Nvyo numala olotha mavyu ale ayuda yahivinyavo evanyihanaka yaworu vanthene. ³⁰ Nvyo Paulo ahikhala iyakha pili somalelela wa empa alukanryawe, nvyo aniwakhela othene yarya okumana ni yowo, ³¹ Alaleryaka omwene wa Muluku, nvyo anahivyiha sanene ekethelo ya Apwiya Yesu Kristu, ehikhale n'nakhala ettu yamukhothiherya.