¹ Vano Yeso vawonalyawe atthu intjene, ahiwena vamwako; anakilathalene, yahimwathamela yowo arumeyawe. ² Vano yena ahithukula eyanoawe khinassomiha, iraka: ³ "Oreriya tale owiyeviha n'munepani, okhala wira omwene wawirimo tiwawaya. ⁴ Oreriya tale anun'la, okhala wira awo anamalihiya. ^{5 6 7 8} Oreriya tale owimaliha, okhala wira anahalana elapo. Oreriya tale arina etala nin'thona ekhweli, okhala wira awo anarowa ovona. Oreriya tale anono othunku, okhala wira nayiyena nayena anamoneliya othunku. Oreria tale tale orera n'rima, vowir ⁹ Oreriya tale an~rethele, wira ayo anamwatzimiya mwana Anluku. ¹⁰ Oreriya tale an'hawa etharathariyaka mwaha wekhweli, wira yawaya omwene wa wirimo. ¹¹ Mwinreriya tinyu, mwaruwaniyaka, ntharathariyaka, ni motheriyaka, n'lavuliyaka nyu wa tzonanara tzotene mwaha wa miyano. ¹² Thapani ni ntheliye nrima, wira yulupale othuveliyawinyu wirimo; tzttzan'mo atharathariya anamiririmo avirale nyu n'hinakhale. ¹³ Nyu mwa makha elapo; vano makha yahiya otzivawaya, en'rowa olukiya nixene? khanfai-tho ethu, wohikhala witheliya otakhwani, ni khiyanyakelatziya natthu. ¹⁴ Nyu mwanthuko welapo, khunvithiya mwenke opathihiye vamwako; ¹⁵ Walani khum'pathihiya mwenke khuheliya n'muapuni, yowo khawarowa woneliya, ni onamwalela othene yale ari vathokoni. ¹⁶ Tzitzan'mo warye mwenkinyu variyari vatthu, wira yone mitekotzinyu tzorera, ni envuwihe papen'nyu ori wirimo. ¹⁷ N'hupuwelini wira kiwale ohonona ekano walani maprofeta; Akiwelale othipiha, vano kiwelale othara. ¹⁸ Tzitzan'mo kinawuhimeryani wira, mpaka elapo nirimo tzivire, walani napheni hata thothonki khinvira wakano mpaka tzotene wiraneya. ¹⁹ Vavotho yole ohin'thuna winwelela wa n'motza waiya tzikhani tzekano, ni tzitzan'mo kwassomiha atthu, on'rowa watzimiya mwamwane omwene wawirimo; vano yole onrowa othara ni khussomiha, owo on'rowa watzimiya mulupale omwene wawirimo. ²⁰ Miyano kinawuhimeryani wira exariyenyu kuhikhala yulupale wavikana anamaphuka ni assomi walani mafaritzi, hata vakhani nyu khimwin'volowa wirimo. ²¹ Muhin'wa tzihimiye natthun akalai: "N'hinveni, Vano yole wanyu onthuna win'va onakhala athukumaneliyaka vamilathuni". ²² Vano miyano kinawuhimeryani wira yole on'rowa on'viruwela n'himawe onarowa aphukiye. Walani yole on'rowa omwirela n'himawe: "Nan'vahuwa!" onarowa okilatheliya vamilathuni. Walani on'rowa wira: "Nanepa!" On'rowa okhalana n'lathu omoroni. ²³ Tzitan'mo mwawana yova oholo wankutho, vavo khupuwela n'himao ohana n'lathu niweyano, ²⁴ ohiye vo yovelelao oholo wan'kutho ni orowe watanane niyena, ni vano oweke ovaheke yovelelao. ²⁵ Win'wanane wowakhuveya ni'wananao, onari niyena ephiro emotza, yihiphwanyaneye yena wuvahererya wanaphuka, ni namaphwuka wan'khulupale, ni wuthikhele n'kalaposo. ²⁶ Ekhweli kinawuhimeryani wira khimwin'khuma n'kalaposo mwilivale n'tzuruku womaliha oyeva. ²⁷ Nhinwa tzohimiya inyo: "N'hiraruwe". ²⁸ Vano kinawuhimeryani wira yole onrowa onweha n'thiyana ni rohowawe vavo yowo oraruwa niýowo. ²⁹ Vano nithonao mono welopwana nothekiha; ossotole ni orihele ota, okhala wira yorera wawe ephanthe ao ya eruthu erimele wohikhala eruthuao yotene orowa ovonyeriya omoroni. ³⁰ Walani monao welopwana on'nuthekiha, othikile ni ovonyere otakwani, yorera wa weyano mionoao orimele wohikhala eruthuao yotene orowa omoroni. ³¹ Yohimiyatho: "Wakhula ntthu on'mwalana ni mwarawe; an'vahe etalakha". ³² Wira miyano kinawuhimeryani wira yole onmwalana ni mwarawe; wohikhala mwaha wa mararuwo; owo on'nira wira yena araruwe; ni yole onin'thela nthiyana omwalaniya niyena on'niraruwa. ³³ Vavotho n'hinwa ehimiye nathu akhalai: "" N'hilaphe mothaka", "Vano n'vale yekheli yolaphen'nyu". ³⁴ Tzitzn'mo kinawuhimeryuani wira n'hilapheleni, wirmo, wira omwene Wanluku, ³⁵ walani wethaya, yeyo tilipelaya metho tzan'Luku, walani Oyerusalem, okhala wira epona ya Mwene mulupale. ³⁸ N'hiwa ethu ehimiye: "Nitho khwa nitho, ni nin'no khwa nin'no". ³⁹ Vano mi kinawuhimeryani wira n'hitupeni wale onanara n'rima; wohikhala tzo, yole on'thuna wumanani ephanthe emotza, mwin'vahe ephanthe ekina. ⁴⁰ Ni ale anphela onyakulihana ni nyu, ni ephelaka okuxa n'khuminyu, mwahiyere n'leyaninyu. ⁴¹ Ni khukhumelela on'rowa wukhanyererani wetha nkwaha, n'rowane mikwaha mili. Mwin'vahe onuvekelani; ⁴² walani n'hithaweni n'tthu onphela wukophelani. ⁴³ N'hinwa iyo tzihimiye: "Mwin'phente mwathamaninyu", "" ni mwim'nyokhe nwananinyu". ⁴⁴ Vano mi kinawuhimeryani: "Mwaphente awananinyu ni mwavekelele ale anutharatharani, wira nkhale mwana apapen'nyu ori wirimo; ⁴⁵ Okhala wira yena on'nikumiha ntzuwa khiyonela atthu otakhala ni orera, ni epula wale otakhala ni orera ni otakhala.. ⁴⁶ Vano mwaphenta anuphen'tani, Mwinphwanya exeni? Khanira ale anakhela n'sokho tzitzan'mo? ⁴⁷ Vano mwakhomatza axihimenyu pahi, exeni eniren'nyu yovikana ekhwya exeni? Khanira alipa atam'pi tzitzan'mo? ⁴⁸ Tivo, khalani athu orerela, n'toko tzirawe papen'nyu ori wirimo orerela.