¹ Vano omwene wa wirimo on'rowa olikana ni eharussi n'loko, yakuxale mwen'ketzaya, khukhuma wira yakumane ni'theli, ² Ni athanu wa'yawo yari ohitzuwanyeya, ni athanu an'khiliu. ³ Ale othowa an'khiliu vakuxalyaya mithuko'tzaya, kiyan'kuxale pataroya. ⁴ Vano ale an'khili yahin'kuxa pataroya n'potilini waya, ni mithuko'tzaya. ⁵ N'possi ahipitza, tivo otene yahihitzila ni yahirupa. ⁶ Vano ohiyu eriyari wahikhala okhuwela: "N'theli ola! Rowani mwakumanane!". ⁷ Vano emwali nýe tzotene tzahivenya, ni yahireriha xaminiya tzaya. ⁸ Ni ale othowa akhili yahiwirwla ale akhili: "Nimeleni pataroyen'nyu, okhala wira axaminiyehu anathipha". ⁹ Vano ale an'khili yahira: "N'nari wira nihiyano ehinimalele; wohikhala tzon'mo, rowani wale antumiha, ni mwathumeke wira n'rumele nyuwano". ¹⁰ Okathi ale varalyaya othuma, ahiwa n'theli. Ale yethen'katzale yahikela niyena wanirani na harussi, ni wahitthukiya n'khora. ¹¹ Okathi n'khwawe yahiwa emwali tzikina, kinera"Pwiya, pwiya, nitthukuleleni! ¹² Vano yena ahakhula: "Wekhweli kinawuhimeryani wira akinutzuwelani". ¹³ Tzitzan'mo, wehawehani, okhala wira kimwin'tzuwela nihiku walani okathi. ¹⁴ Vano en'khala mwana n'lopwana n'motza, ayakhumalene arowaka okhopela wa elapo ekina, ahiwatzima anan'tekoáwe, ni ahavaha mihakhu tzawe. ¹⁵ Ni n'motza ahin'vaha elivura thanu, wan'kina pili, ni aneraru emotza, wakhula n'mottza tzaweryawe, numala khupakaka n'kwahawe. ¹⁶ Oholo waya, ole akhelale thanu ahirowa khumwetha nakosso ninýole, ni ahiphwanya thanu. ¹⁷ Ni tzitzan'mo, ole akhelale pili ahiphwanya pin'li tzikina. ¹⁸ Vano ole akhelale emotza ahithipa vathi, ni ahivitha n'tzurukhu ole wamweniawe. ¹⁹ Vaviralyaya okathi mwin'tjene, mweniawe nan'teko ahiwa, ni ahivekela ehissapu nayena. ²⁰ Ole akhelale thanu ahiwana tho elivura thanu, ni ahira, elivura thanu mwakivahalin'nyu, vano kothawali tho thanu". ²¹ Ni mweniawe ahira: "Tiyorera, nan'teko afaita ni ororomeleya! Wavakhani wowerya okhaliherya sanene, vano watzun'tjene kinawuvaha; okele wotheliya n'rima wa pwiyao". ²² Ni anawale ole akhelelale livura pili, ahira: Mwenye, Elivura pili mwahikivaha, ni kophwanyatho n'ya pili". ²³ Mwenyawe ahira: Tiyorera sana, nan'teko ekhweli! Wa vakhani wororomeleya, wa itthu tzintjene kinawuvaha; kela morera mwa mwene'ao". ²⁴ Vano, anawale ole akhelelale elivura emotza, ahira: "Mwenye, miyano kanutzuwelani, wira mwan'tthu olipa, wira n'nurula nipuro mwihalalin'nyu, ni mwin'kwetzera nipuro mwimwaryalinyu; ²⁵ Ni miyano, kovaka, kahirowa khuvitha n'tzuru'ínyu vathayani; eni, kuvaheni eri yawinyu". ²⁶ Vano mwenyawe ahimwakhula: "Nan'teko otakhala ni awopiha! Wanitzuwela wira kin'hepa nipuro kihalalyaka, ni kintakaniha nipuro kimwaryalyaka. ²⁷ N'nakhale, hata, Waruwa wintjathi nipuro n'tzurukhwakowo wira kahokolowa vale, kanawakhelela wawaka ni juru tzaya. ²⁸ Tzitzan'mo, mwakheni yena elivura'tzakan'yo, ni mwin'vahe owo orina n'loko". ²⁹ Wira yole otene orina, onavahiyatho, ni onakhalana yin'tjene; vano yole ohirina, hata yele orinawe onamwakhiya. Ni ³⁰ mwin'tthikhele nan'teko owo ohifai ota (vale onakhala okhuwa ni okhuriha men'no". ³¹ Ni mwana an'tthu awavale mowarya wawue, ni malaikha otene niyena, vano yena onakilatthi vehitjeni vomwene'awe. ³² Ni anrowa otthukumanyiya maloko otene vano ni on'rowa wakawanyiha n'motza nin'motzamwana tzitzan'mo makan'putzi on'kawawe pwitthipwitthi ni apeperu. ³³ ni on'rowa ehela epwithipwithi monwawe welopwana ni amakhoro monwawe wetthiyana. ³⁴ Vano mwene onamwirela mwene yale arivavale ale ari mono welopwana: "Wani oreriya a'Papa! Rithini omwene ori worerihiya wa nyu okhuma wupathuxiyzni welapo. ³⁵ Okhala wira kahivoliya, ni mwahikivaha yotja; nahikivila n'thona , ni mwahikivaha matzi owurya, Kahixan'ka ni mwahikakhela; ³⁶ kari ohikuwu, ni mwahikiwariha; kahiwerenýa, ni mwahikikhaliha; kahithukeliya, ni mwahikixukurya". ³⁷ Vano orera n'rima anarowa yakohe: "Mwene, okathi xeni niwonalyahuni nitala, ni khuvahani yitja, walani nin'thona, ni khuvahani khwvahani owurya? ³⁸ Walani niwonaleni vaini ni'kwaha, ni khuvahani opuro, walani wohikuwo, khuwarihani? ³⁹ Niwonaleni vaini n'werenýaka, walani n'khatheya, ni khuwa wuthotolani? ⁴⁰ Ni Mwene onawakhula"Ekhweli kinawuhimeryani wira, okathi wotene wawirelin'nyu n'motza wanamwane ale wa'xihimaka, mwakirela miyano. ⁴¹ Ni onawirela ale ari mono wethiyana: "Khumani wa mi, anan'takhaliya, wamoro wohimala, othen'kiye wa n'tzatzerya ni malaikha'we. ⁴² Okhala wira kahivoliya, khimwakivahale yolya, nahikivola n'thona, ni khimwakivahale matzi owurya. ⁴³ Kari ni'khwaha, ni khimwakivahale opuro; n'kawarale etthu, ni khimwakiwarihale; kahiwerenýa, ni m'khatheya,ni khimwakotolale. ⁴⁴ Vano nayena yahin'koha: Mwene, niwonaleni okathi xeni nitala, walani nin'thona, walani nin'kwaha, walani ohikuwo, walani n'werenyaka, walani n'khatheya, ni kuhurumelani? ⁴⁵ Vano yena onawakhula, eraka: Vekhwelikinawuhimeryani wira, okathi wotene mwivaralin'nyu wan'yala axikhani, khin'nkivarelale minyano". ⁴⁶ Ni ala an'rowa wuhawani wohimala, vano orera n'rima okumi wohimala.