¹ Ni yakhumelelale tila, vamalihalyawe ohimya molumoála, ahikhuma arowaka okalileya, ni ahiwa n'tthethe woYudeiya, ekhopela yo Yordani. ² Ni atthu intjene yaninýharela ni yena ahavoniha vavale. ³ Vano Mafaritzi makina yahimwathamela Yena ni , emwehereryaka, yahin'koha: Tiyorera n'tthu omwalana ni mwarawe wa etthu? ⁴ Vano Yena ahakhwula: Khimwin'soomaka wa yole okhalin'heni opathun'xeni, n'lopwana nin'thiyana ohapaka, ⁵ ni ahira: Okhala wira n'lopwana onamwahiya apapawe, ni amamawe, ni khutakanihana mwarawe, ni opilia'ya an'khala enama emotza? ⁶ Tzitzan'mo ayo khankhalatho en'li ayo enama emotza; vano, etakanihalyawe N'luku, pinatamu khan'mwarya. ⁷ Awo yahin'himerya: exeni tho, Mosi aharuma ovahana ewarakha ya talakha, ni omwalana? ⁸ Yeso ahahimerya: Mwaha wa olipa eroho tzinyu Mosi ahutthuniyani omwalana naxarinyu; vano wupatjerani khiyaritzitzan'mo. ⁹ Vano miyano kinawuhimeryani wira yoile on'mwalana ni mwarawe, wohikhala wira on'phwanyale araruwaka, ni khunthela n'kina, on'niraruwa. ¹⁰ Arumei yahin'himerya: Yakhala wira eyo tiri namuna yan'lopwana nin'thiyana, khin'rera othela. ¹¹ vano yena ahahimerya: Kahi atthu otene anakhela molumo yala, ehikhalale ale avahiye; ¹² okhala wira ahavo ayariye ahiniwerya ayariye tzitzan'mo n'mirimani mwamamaya; walani ahavo ale aphwanyihiye napinatamo akhwaya; walani ahavo wipaken'le n'mentzayaru mwaha wa omwene wawirimo. Orina wakhelela tzen'nyo, akheleleke ¹³ Vano ahiwaneliya anamwane, wira ahelele matata ni avekelele, vano arumei yanawakothiha. ¹⁴ Vano Yeso ahira: Mwahiyeni anamwane, ni n'hakothiheni owa wamiyano, okhala wira omwene wa wirimo tiwawaya. ¹⁵ Yena ahahelela matata, numaliha ahikhuma nipuron'ne. ¹⁶ Ni vavale n'tthu n'motza ahimwathamela Yena, ni ahin'koha: Funti orera, yorera xeni kintthunaka opaka wira kikele omwene wawirimo? ¹⁷ Ni Yena ahimwirela: Exeni okikohaka wetthu yorera? N'motza pahi tari orera: N'luku. Vano waphelaka okela mwikumini, win'tjathi ekethelo. ¹⁸ Ahin'koha Yena: Taavi? Ni Yeso ahimwakhul: Mwihin'veni, mwiraruweni, mwihinýeni, mwihiwothereni atthu; ¹⁹ Mwathithimihe apapinyu namaminyu; ni mwin'phente n'khwinyu mana n'niphentinyu. ²⁰ Nan'thon'pe ahimwirela: Kin'niyathi tzotene n'yo. vano enkihalela exeni? ²¹ Yeso ahimwirela: Yakhala wira mwin'phela omalela, n'rowe mwatumihe tzotene tzirinen'nyu, ni mwavahe amassikhini. Voo n'nakhalana yoxun'kiya wirimo. Vano oowe, okithare. ²² Vano mwan'xilopwana vin'walyawe molumo ale, ahikhumavo anaripiyene n'rima, okhala wira kharerane etthu. ²³ Yeso, vano, khuwirela areumeiyawe: Ekhweli kinawuhimeryani wira tiyorika thatjiri okela wirimo. ²⁴ Vanotho, mi kinawuhimeryani wira tiyokhweya en'kamiya ovira vamuitheni va sinkano ovirikana ni thatjiri okela wirimo. ²⁵ Vano arumei vin'walyaya iyoo, yahixanka muintjene, ni yahira: Tipani, ekhweli on'rowa wopowa? ²⁶ Yeso ahawehatza, ni ahiwakhula: Wapinatamu, eyo tiyolipa; wan'luku khivo yolipa. ²⁷ Vano Peturu ahipatjera olavula, ni ahin'koha: Hiyano nohiya tzotene, ni ninawuthara; exeni hiyano entthunihu ophwanya? ²⁸ Ni Yeso ahahimery: "Ekweli kinawuhimeryani wira nyu mwin'kithara, okathi wowupululeya, okathi mwana an'tthu on'rowawe okilathi vahitjeni vawarya, nyuwano mwin'rowa okilathi vavo, wira mwaphukemilokonýe n'loko napili tza wis'rael. ²⁹ Ni yole on'tthuna ohiya enupatzawe, axihimawe, walani axirokorawe, walani papawe, walani mamawe, walani axanawe, walani elapwawe , mwaha wan'tzinanaka miyano, onawakhelela vovikana, ni onaphwanya okumi wohimala. ³⁰ Tzuwelani in'tjene opatjera an'rowa okhala omaliha; ni omaliha an'rowa okhala opatjera.