¹ Okathi yole Yesu era arowaka n'xauni mwa tzotja esapato. Arumei'yawe yari ni tala, ni yahipatjera wunta miwariu ni yanikhura. ² Mafaritzi vonalyaya, yahimwirela: "Arumein'nyu an'vara ethu yohirerela ovara sapatu. ³ Yena, vavale ahahimeryia: "Khanssomale ethu iralyawe Davi wavoliyawe etala, yena nale yarinawe, ⁴ Omota xeni yena akelalyawe m'pani mwa'nluku, ni khukhura mikathe tza rupani, yahamphwanela olya, hata nale yarinawe, wohikhala pahi anamukutho"? ⁵ Walani khinssomale n'kanoni wira, sapatu, ana'kutho an'nihonona en'pa yan'luku, walani yawo ehotheriye? ⁶ Miyano, tzitzan'mo kinawuhimeryani wira mulupale ovikana enupa yan'luku ori vava. ⁷ Vano mwatzuwelale ethu enthonyeraya: "Kim'phela othun'ku, ni ohiya yihoxa", n'haphukeni ahirale. ⁸ Okhala wira mwana an'tthu ti mwene a sapatu. ⁹ Ni vakhumalyawe vale, Yesu ahikela en'paya ya n'luku. ¹⁰ Ni ahavo vale n'lopwana n'motza arina ntatanawe nopophorowa; Ni ayena, wira en'vahe kisswa, yahin'koha: "Tiyorera ovoniha sapatu? ¹¹ Ni Yena ahiwakhula: Tipani wanyu pinatamu onira, anarina pwithipwithya'we, ni eyo khumorela n'lithini sapatu, ohin'kuxa ekuru tzawe wira akumihe? ¹² Vano ehisapu xeni erinawe n'tthu ovirikana ni pwithipwithi! Tzitzan'mo, vo, tiyorera ovara ethu sapatu. ¹³ Vano ahimwirela n'lopwana'ole: "Wokole n'tatanao. Ni yena ahokola, ni nahivona, khurera mana nikina. ¹⁴ Vano afatitzi yahikhuma khuthukumana khinavahana akhili mwaha wayena, mota xeni womwin'va ¹⁵ Tzitzan'mo Yesu, anatzuwelalene, ahikhuma nipuron'ne. Intjene yahinthara, ¹⁶ Ni Yena ahavoniha otene. Ni yena anatumererya wira ehintzuwelihe n'tthu; ¹⁷ Wira yiraneye inýe yahimiye ni profeta Iezaiya: ¹⁸ Ola va n'rumeyiaka kinthan'lalyaka, m'phentoáka yole erohoaka en'hakalalanaya; Wayena kinahela n'nepaka, ni yena onahima ekhweli n'laponi. ¹⁹ Yena khan'rowa okumiha manyakunyaku, walani n'khuwo; hata n'tzunawe n'phironi. ²⁰ Ekopo yawunteya Yena khanrowa onyanya, nikutha nin'thuwa Yena khantipiha, m'paka othara ekweli on'xinthaya. ²¹ Ni wan'tzinanawe miloko tzinamwalitha. ²² Vano yahin'wanela khona ni ahalavula; ni Yena ahin'voniha hata ahipatjera olavula ni wona. ²³ Ni atthu otene yanixanka ni yanira: Kahiyena yola mwana a Davi? ²⁴ Vano mafaritzi vin'walyaya in'yo, yanira: "Yena khaniwomola axethwani, wohikhala ni nakuru, n'holeli axethwani. ²⁵ Vano Yesu anatzuwelalene wupuwela waya, ahahimerya: "Omwene wotene wowawanyeia mekhayaru on'nimala; walani epoma hata enupa yokawanyeya khin'lokela. ²⁶ N'rowe, Xetwuani amomolaka Xetwuani, mekhaweru ori okawanyeya; vavo, onalokela o'mweneiawe? ²⁷ Ni vo miyano kawikaraka axethwani ni nakuru, vano axanem'nyu aniwomola nixeni? Tzitzan'mo, ayena an'rowa okhala anamaphuken'nyu. ²⁸ Yakhala wira miyano Nin'nepa wan'luku kin'niwomola axethwani, ekweli omwene wawirimo wophiya wanyu. ²⁹ Walani, omota xeni n'tthu akele enupa yanamalipa, ni akuxe ethu tzotene, wohikhala wira onun'thuka namalipole? Numala vano khinakuxa ethutzawe m'pani. ³⁰ Yole ohiri ni miyano n'wananiaka; ni ohintakaniha niminyano on'nimwarya. ³¹ Tivavo minyano kinuhimeryakani: "Etam'pi tzotene oveha analeveleliya apinatamo, vano oveha n'nepa wowarya khwun'rowa oleveleliya. ³² Ni ole on'rowa olavula yonanara wa Mwana an'Luku onarowa oleveleliya; vano on'rowa olavula vonanara wa n'nepa wowaria, khan'rowa oleveleliya, okhuma nen'nano vava, hata okathi onrwa. ³³ Walani n'nira mwiri worera, ni mihokorokhotzaya tzorera; walani n'nira mwiri wonanara, ni mihokorokho tzaya tzonanara; tzitzan'mo wa mihokorokho tun'zuwaneyaya mwiri. ³⁴ Motje evili, mwin'rowa olavula tzai nyuwano etthu tzorera, nyuwano n'nari otakhala? Vano eyano en'lavula etthu tzihalale varohoni. ³⁵ N'tthu orera on'kumiherya etthu tzorera vatathani vorera, ni n'tthu otakhala on'kumihera etthu tzotakhala vatathani votakhala. ³⁶ Miyano, vaa, kinuhimeryani wira molumo otene onanara atthu an'lavulaya, yawo anamwakhulela nihiku nophukiya. okhala wira wa molumwen'nyu mwin'rowa. ³⁷ okhalela namona, ni mwamolumwen'nyu yayo mwinarowa ohukhumwiya. ³⁸ Vano yahimwakhula assomi ni anamalepa, yiraka: "Funti, nim'phela wanyu wona n'tikiniho. ³⁹ Vano yena ahiwakhula: N'loko nonanara ni noraruwa nin'veka n'thonyero; Vano khinin'vahiya, vahikhan'le n'thonyero na namiririmo Yonasi. ⁴⁰ N'toko tzitzan'mo Yonasi tzakhalalyawe ohiyu miraru ni othana miraru n'mirimani mwana'kumi, tzitzan'mo Mwana an'tthu onakhala othana miraru ni ohiyu miraru varohoni vathaya. ⁴¹ Aninive anarowa ovenya omilathuni ni n'loko n'na, ni anaphukiya, okhala wira ahituthuwa mwaha wa olaleya wa Yonasi. Ni tipani mulupale on'vikana Yonasi> ⁴² Nunu o'kussini onarowa ovenya omilathuni ni n'loko'n'na, ni othukiya; Okhala wira owale wumalihani walapo wira in'we otzuwela wa Salomau. Ni vano tipani mulupale on'vikana Salomao. ⁴³ Vano n'nepa wonanara wakhuma wan'tthu, onawethakatz mapuro owun'ma ophelaka nipuro, ni kuhiphwanya. ⁴⁴ Vano tuniraya: "Kinahokolowela owan'nyaka okhumalyaka". Ni aphiya vale, tam'phwanyawe yothamiya, yoveliya, ni yorerihiya. ⁴⁵ Vano tin'rowaya, ni kwakuxa akina thanu'nen'li axethuani otepa on'vikana yena; Ayena an'nikela, ni khukalaka mwen'mwe; ni omaliha wan'tthu yowo kutepaka ovikana wupatjerani. Ni tzitzan'mo enakhumelela nin'loko n'na. ⁴⁶ Vano Yena n'nanlelo alavulaka vatthuni, amamawe ni axihimawe yari óta, ephelaka olavula niyena. ⁴⁷ Ni ohavo an'himeryale: Nyu amamen'nyu naxihime'nyu ari óta, an'phela olavula ninyu. ⁴⁸ Vano yena ahira amwakhulaka ole ahimeryale: Tapani amamaka? Ni tapani axihimaka? ⁴⁹ Vano ahatala monoawe variyari vawixuthiáwe, ni ahira: Mwawehe va amamaka naxihimaka; ⁵⁰ Okhala wira yole onira othuna wa Papa ari wirimu, owo tin'himaka ni timamaka.