¹ Vamalalyawe Yesu wavaha yothara arumei'ýawe, ahikhuma vale wira arowe ossomiha ni olaleya n'muthetheni mwaya. ² Ni Yohani, vi'walyawe n'khatheya miteko tza Yesu, ahiveleliha n'hupi wa'rumei'yawe, ³ an'kohaka: Tinyuwano yole athuna owa, walani nin'lipeleleke n'kina? ⁴ Yesu ahiwakhula: "Rowani mwan'himerye Yohany ethu muinone'nyu ni tziniwen'nyu: ⁵ ohona animona, opophorowa animwetha; anamakokho anavona, ohiwa anamwin'wa; okhwa anahihimuwa, ni assikhine an'nilaleriya ehapari; ⁶ Ni oreriya tule o'hinhiya okikupali miyano. ⁷ Vamalaliaya orowa ale, Yesu ahipatjera ohimia watthuále intjene mon'koni wa Yohani: Wi, morowa on'thupini orowa wona? Essapi ethikinyiyaka ni epheyo? ⁸ Vano mwawelale wona exeni? N'lopwana owara ikuwo tzorera? Ale anwara ekuwo tzorera ari vate vamwene. ⁹ Vano n'wale oweha exeni? Profeta n'motza? Ayoni, miyano kinawuhimeryani, ni on'vikana profeta; ¹⁰ ola tule olepiye: "Aiyoni owin'tho wao kin'nuveleleha nan'hupi'aka, onrowa oreriha ephiro'aka oholowao". ¹¹ Ekhweli kinawuhimeryani wira, wan'yale oyariya nin'thiyana, Khavenyhiye n'kina on'vikana Yohani n'patitzi; Tzitzan'mo mwan'khani wirimo timulupale wa'yena. ¹² Ni okhuma wa Yohani N'patitzi m'paka va, omwene wawirio tiwekuru, ni ale arina ekuru tan'kela. ¹³ Okala wira maprofeta otene ni ikano tzokhumelela n'paka Yohani. ¹⁴ Ni yakhala wira mwin'nikhupali, ola ti Elia eriye wira awe. ¹⁵ Ole orina maru, in'we. ¹⁶ Vano mwin'rowa olathaniha ni exeni nihimon'na? olathana anamwane an'kilathi m'phironi, khiyatzimana, ¹⁷ Ni khiyira: "Nihopa ephivi wa'nyu, vano khimwinale; Nopwexera ekutho nyu kimu'nlale". ¹⁸ Exeni yawelalyawe Yohani, wohilya ethu walani owurya, ni kineriya: "Yena ohana xetuani". ¹⁹ Ohowa mwana a Mutthu, olya ni on'wurya, ni khineriya: N'kawehene namalya ni namawurya, m'pathani alipa anakhela n'tzoko ni anatam'pi"! Vano otzuwela on'niweheya mwaha tza miteko tzawe. ²⁰ Vano Yena ahipatjera ohimia epoma tzotene mwaviralyawe apan'kaka mitikinihi tzawe, mwaha wohirukunuxa eroho'tzaya: ²¹ N'kewehe we Koratzim! N'kewehe we Betsaita! Yari wira o'tiru ni Osidom tzahiraneya mitikiniho tziraneyane mwa'nyu, khalairu n'nahiyale tam'pitzinyu ni n'nawarale sakhu ni tura! ²² Vano miyano kinawuhimeryani wira enawoneliya othun'ku otiru ni o'sidom, nihiku nahukhumo wuvikanani nyuwano ²³ Ni weyano Kafarnaum, n'nakhala nyu ovuwa m'paka wirimo? Wa elapo yana'khwi mwin'rowa oxinthiya! Vano yakhala wira Osotoma tzahiraneya mitikiniho tziraneyale wa weyano, n'wo wanakhala m'paka elelo. ²⁴ Vano kinawuhimeryani wira anawoneliya othu'nku n'thethe wo sodoma, nihiku na milathu, wovikana weyano. ²⁵ Okathi yole Yesu ahilavula: "Kinuxukhuruni, papa, Mwanene wirimo ni ethaya, okhala wira movitha ethu'nya wanamatzuwela ni anakhili, ni n'hatzuweliha anamwane. ²⁶ Ayoni, papa, tzitzan'mo varera wa nyuwano. ²⁷ Ithu tzotene kovahiya na'papaka. Ni khavo onintzuwela Mwana, wohikhala apapawe; walani khavo onin'tzuwela papa, wohikhala Mwana, ni yole Mwana onthunawe on'tzuweliha. ²⁸ Wani wamiyano otene in'ri owotjeya ni olemeliya, ni miyano kinawuvahani omumula. ²⁹ Kuxani nyu nifuta'naka ni mwixuthe wa miyano, okhala wira korera n'rima ni awiyeviha varohoni; ni m'phwanye omumuliha minepa'tzinyu. ³⁰ okhala wira nifuta'naka tinoveyuwa, ni n'rinthiaka wophyuwa.