¹ Yesu ahiwatzima varyawe awixuthia'we n'loko ne'nli, ni ahavaha owerya wa minepa tzotene tzonanara, wira yomoleke, ni evoniheke maretha otene ni iretha. ² Ni matzinaya ala n'loko nen'nli tala: Opatjera Simon, atzimiya Peturu, ni n'himawe Andere; Tiago, mwana a Zebeteu, ni n'himawe Iohani; ³ Filipi ni Bartolomeu; Tome, ni Mateu ole akhelelaka n'tzoko; Tiago, mwana a Alfeu,; ni Tadeu; ⁴ Simao nothun'ku, ne Yudasi Sikariote, yole an'varinhe ⁵ Yesu aharuma ale n'loko nen'nli, ni aharuma eraka: Mwiroweni ephiro yale ahin'kupali, walani mwihikeleni epoma ya maSamaritano. ⁶ Yohi tzitzan'mo, rowani wa epwithipwithi tzorimele wenupa yo'Israel. ⁷ Ni mwakelavale, laleyani, mwiraka: "Omwene wa wirimo ori vakhiviru". ⁸ Mwavonihe aretha, mwahihimuxe ókhwa, mwakuthe anamakokho, n'womole axethuani; Mwakhelale mahala, ni n'vahe mahala. ⁹ Mwihikuxene ewero, walani eparatha, walani ekopiri n'yununi mwinyu; ¹⁰ Walani n'fukho m'phironi, walani khilempa pili, walani erastakha, walani n'leya nikina; Okhala wira nanteko on'niphwanela oliviya. ¹¹ Ni epoma yotene, walani n'tethe mwithuni'nyu okela, n'kohe tipani ori ophwanelela wira nkhalane, ni n'khale vavo m'pakha okhuma. ¹² Ni mwakhela m'pani mwawe, mwi'nkhomatze. ¹³ Yakhala wira enupeyo en'niphwanela, n'retheli'nyu okhale vavo; Vano eyo yahiphwanelele, wuhokoleleni n'rethelin'nyu. ¹⁴ Ni ole ohin'thuna owakhelani, walani win'welela molumwin'nyu, mwakhumaka enupele walani epoma'éle, tathani n'thupi m'methonimwinyu. ¹⁵ Ekhweli kinawuhimeryani nihikhu nophukiya enawoneliya othunku nthethe wosodoma ni Gomora wovikana epoma'éle. ¹⁶ Vano miyano kinurumani mana epwithipwithi variyari vamitji; tzitzan'mo, khalani omaleleya mana epoma ni okhweya mana ekhuntha. ¹⁷ Vano mwikassope natthu; wira anarowa wuvahereryani mwin'phukiya milathu, ni anarowa wuthukani mwin'vekelin'nyu; ¹⁸ Hata nipuro ari akhulupale elapo ni mamwene mwin'rowa okuxiya mwaha wamiyano, wira akhale xahiti awaya ayena variari valipa otheka. ¹⁹ Vano awo yovahereryani, n'hikhaleni oxanka nithu yohimya; ²⁰ okhala wira okathi yowo kahiyena nyuwano mwin'rowa olavula, wohikhala n'nepa wapapen'nyu tun'rowa wulavulelani. ²¹ Tatawe on'rowa on'vahaka n'himawe wira akhwe, ni papa mwanawe, ni mwana on'rowa wavenyeraka axipapatzaya ni ewiveke. ²² Ni mwin'rowa onyokhiyaka natthu otene mwaha wamiyano; vano yole on'rowa ovilela m'paka wumalani, owo onawopowa. ²³ Khukala wira n'natharathariya epoma'ela, nthiawele wikina; Vekhweli kinawuhimeryani wira khimwin'rowa omaliha omaliha othara epoma tzo Israel, m'pakha owa Mwana an'tthu. ²⁴ Nawixuthi kanakhale on'vikana funti, walani nan'teko wapadarau'áwe. ²⁵ Ekhale vakani wamwixuthi okhala n'toko funti, walani nan'teko on'vikana patarau; Vano mwanene ethoko atzimiya xetwani, vano anamwane avate arowa okhala exeni? ²⁶ Tzitzan'mo, mwihiwoveni; Okhala wira khivo yovithiya enrowa ohupululiya, walani ehinoneya en'rowa ohoniya. ²⁷ Miyano Enuhimeryiakani vepiphini, himyani vawonela; ni enin'wenyu n'maruni, laleyani vatzulu'vam'pa. ²⁸ Ni n'hiwoveni atthu aniva eruthu, ahin'werya wiva n'nepa; N'move ole on'werya ohonona n'nepa hata eruthu omothoni. ²⁹ Khantumihiya n'pelele nintzurukhu vakani? Vano khavo n'motzaya on'rowa omorela vthi wohithuna Papinyu. ³⁰ Ni ikharari tziri n'muruni mwinyu tizowalakia tzotene. ³¹ Tzitzan'mo, mwihoveni; Mwiniphwanela nyu wavikana am'pelele. ³² Vano, yole otene on'rowa okupuwela variari vatthu, ni miyano kinamupuwela oholo wapapa, ari wirimo. ³³ Vano yole on'rowa okikhotha vatthuni, tzitzan'mo nimiyano kinan'khotha oholo wapapaka, ari wirimo. ³⁴ Mwihupuweleni wira kiwanale n'rethele valaponi. Akiwanale n'rethele, massi etukuthi. ³⁵ Okhala wira miyano kiwanale ovanyihana "n'lopwana napapawe, n'thiyana namamawe, ni mwanthiyana namathi'awe. ³⁶ Ni awanani a pinatamu an'rowa okhala a vapuwani vavo". ³⁷ Onaphen'ta apapawe walani amamawe wokivikana miyano owo khan'phwanelela wa miyano; ni onin'phetha mwanawe wokivikaniha miyano khan'phwanelela wamiyano; ³⁸ Walani ole ohinin'kuxa mwikimanyo'awe khinakithara owo kham'phwanelela wamiyano. ³⁹ Walani ole ophwanya okumi'awe enam'pweteya; ni ole mwaha wamiyano on'rowa onphweteya okumi'awe mwaha wamiyano , onaphwanya. ⁴⁰ Ole oniwakhelani, on'nikakhela miyano; ni ole onikakhela, on'nimwakhela ole okirumale. ⁴¹ Ole onimwakhela Namiririmo mwaha won'kupali n'toko namiririmo onamwakhela ethuvo ya Namiririmo; Walani ole onimwakhela naxaria mwaha wontzuwela wira naxaria onamwakhela ethuvo ya'naxaria. ⁴² Ni yole onthuna on'vaha hata ekhalaka n'kahini matzi oriririya wan'thu n'motza mwan'khani an'kupaliki n'toko arumei , ekweli kinawuhimeryani wira khimwin'rowa ohalela ethuvo'ínyu.