¹ Yesu vamalalyawe ohimya molumo ala, ahirowa ni arumeiyawe n'phanthe n'kina wa muro wo Cetron, wen'nwo waryaya n'thapo wen'wo akelalyawe narumeiyawe. ² Ni Yutasi yole arowa on'tumiha, yowo azuwela nipuron'no, Yena Yesu anirowa narumeiyawe. ³ Yutasi ahiwana nikhuru nanakhotho, ni amaholeli an'thethe ni mafarizi; ni yahiphiya wen'wo ni mwen'ke zaya, ni akapwithi. ⁴ Vano Yesu, azuwelaka etthu zotene zarowa okhumelela Niyena, Ahaholela ni Kwhakoha: "N'nin'phela pani?". ⁵ Awo yahimwakhula: "Yesu, O'Nazare". Yesu ahiwirela: "Timiyano". Yutasi namatumiha, ari vavo anemelale natoropa. ⁶ Vano, okathi owirelalyawe: "Timiyano", awo yahitherekuya ni yahimorela vathi. ⁷ ahakohatho vazya: "N'nin'phela pani?". Yahihokolela wira: "Yesu Onazare". ⁸ Yesu ahiwakhula: "Miyano kihuhimeryani wira Timiyano; yakhala wira mwin'kithola Miyano, mwahiye akinala erowee". ⁹ Wira yonihereye molumo yerale: "Khakipweteyale hata n'moza wayale Nyu n'kivahalinyu". ¹⁰ Ni Simoni Peturu, arina etukuthi, ahikumiha ni kun'vulaliha niyaru na nan'teko an'holeli khuthikila niyaru nawe phanthe n'tjelo. N'zinanawe nan'tekola azimiya Malku. ¹¹ Vano, Yesu ahimwirela Peturu: "Wintjathi tukuthiyo nipuronaya. Yoyano on'kupali wira, n'kinwurya n'kahini Apapa akivahalyaya"? ¹² Vano n'xovole wanakhotho, akhulupale ni maholeli amayuta yahin'vara Yesu, ni Yahin'tthuka. ¹³ Awo yahin'rana wopatjera wa Anas, okhala wira yena ari n'thepa a Kaifas, n'khulupale a yakha yele. ¹⁴ Ari Kaifas alakale mayuta eraka yahiphwalelena wira n'lopwana akhwele atthu. ¹⁵ Simoni Peturu ahin~thara Yesu, ni zizan'mo n'rumei n'kina. N'rumei ole anizuweliya nin'khulupale a tini, ni ahikela ni Yesu n'kin'tali mwan'khulupale ole; ¹⁶ masii Peturu ahalale anemelale m'phanthiaweru oota wan'khora. Vano, n'rumei n'kina, azuweliya nin'khulupale a tini, ahikhuma ni khulavula ni mwanxithiyana avara wen'we alipelelaka n'khora, ni ahin'kuxa Peturu khun'keliya n'pani. ¹⁷ Mwanxithiyana ole alipelela nkhora ahimwirela Peturu: "Weyano kahiyena n'rumei an'lopwana ole?". Yena ahira: "Kahiyena Miyano". ¹⁸ Anan'teko ni maholeli yari vavalene; awo yahipathiyaza moro, okhala wira waniririya, ni yera yoraka. Peturu niyena ahemela vavalene, khinora nayena. ¹⁹ Vano, n;khulupale ole ahin'koha Yesu mwaha wa arumeiyawe ni namuna ya molumo azomihawe. ²⁰ Yesu ahimwakhula: "Miyano kin'lavulaka wohivithera olumwen'ku; Miyano kera kisoomihaka mapuro amavekelo ni n'pani mwan'luku mapuro mayuta athukumanakaya. Khivo elavulalyaka wa sirii. ²¹ Mwin'kikohera exenii? Mwakoheni ale atokale win'wa Miyano en'himalyaka. Atthu awo an'nizuwela exeni Miyano ehimalyaka" ²² Okathi Yesu ohimalyawe n'yo, n'holeli n'moza ari vavale ahin'vaha pafitau Yesu, ni khwira: "Tizizan'mo We onimwakhulao n'khulupale?" ²³ Yesu ahimwakhula: Yakhala wira kilavulale vonanara, vahani oxahiti vonanara. "Vano, yakhala wira kilavulale wamana, exeni okimanaka?". ²⁴ Vano, Anas Ahinveleliha anatthukiyena wa Kaifaxi, N'khulupale a tini. ²⁵ Simon Peturu anuwemela khinora, ni khukohiya: "Wayako kuhiyena wan'moza warumeiyawe?". Yena ahikhotha iraka: "N'kihiyo Miyano". ²⁶ Nan'teko n'moza an'khulupale an'kutho, ari n'muzi an'lopwana ole Peturu an'thikilalyawe niyaru, ahira: Miyano akuwehale othaponi (jardim) ni Yena?". ²⁷ Peturu ahikhotha tho, ni nin'nanoru n'thupi ahipa. ²⁸ Numala, ahikuxiya Yesu waryawe Kaifa owan'nyawe kovernatoro. Warii wixizuu, ni khiyakelale opalasiu wira ehithapule, ni ewerye elha epaska. ²⁹ Vano Pilatu ahikhuma wira awakhelele, ni ahiwirela: "Mwaha wa exeni nyu n'niwaninyu n'lopwana ola?". ³⁰ Awo yahakhula: "N'lopwana olaa ahari n'takhali, khinowanelani nyu". ³¹ Zizan'mo Pilatu ahiwirela: "Mwin'kuxe nyu, ni Mwin'phuke zin'tharihaya ekano zinyu". Yahimwirela mayuta: "Khinintthuniheriya on'kuxa n'lopwana on'rowana wukhwani". ³² N'yo zahimiye wira yoniheriye molumo Yesu ahimalyawe, athonyeraka namuna zatthunawe okhwa. ³³ Vano Pilato ahikela n'pani vazia, ahimwazima Yesu khumwirela: "We wamwene ayuta?". ³⁴ Yesu ahakhula: "Weyano on'nihimia n'yo wamwaneniao, walani akina ahuhimera makhaleluaka?". ³⁵ Pilatu ahakhula: "Walani onanyihera wira miyano kanýuteu? N'loko nao ni maholeli anan'kutho takiwihelale miyano. Wirale xeni?". ³⁶ Yesu ahakhula: Omwenaaka kahiyena welapo yela. Omwene aka wari welapo yela, anan'teko aka yanawana wira Miyano kikuxiyeni na mayuta. Masii omweneaka kahiyena wa vaa". ³⁷ Pilato ahimwirela: "Vano Weyano wa mwene?". Yesu ahakhula: "We wohimia wira kamwene. Mwaha wanýeyo koyariya ni kiwalyaka olumwen'ku, wira kirele oxahiti exariya. Otene yole ori a xariya on'niwa esotiaka". ³⁸ Pilato ahimwirela: "Exariya xenii?". Vahialyawe zoo, ahikhuma vazia wamayuta, ni khuwirela: "Akiphwanyale n'latthu wan'lopwana ola. ³⁹ Masii nyu n'hana yolamalela wira miyano kimopole n'lopwana n'moza vapaskani. Vano, mwin'niphela nyu kintaphule Mwene a Yuta?". ⁴⁰ Vano ayena yahikhuwela, yiraka: N'nari n'Lopwana owo, Masii Paraaapa". Paraapa ari n'takhali.