¹ Mahiku mathanu na nimoza ninaphiye epaska, Yesu ahiwa Obetaniya, waryawe Lazaru, yole wan'hihimuxalyawe mukhwani. ² Vano, wen'we yahitja eyotja yohiyu, ni Marta anin'kawa, ni Lazaru ari wayale yakilathale vameza ni Yesu. ³ Vano Maria ahikumiha nifuraha na perfume yopakiya nitthu yawun'khelaxa, yorera vintjene, ahihela n'methoni mwa Yesu ninýeyo, ni ahimumiha methozawe ni kharari zawe; n'pele yahizareya wunkhela wa perfume. ⁴ Yutasi Siikariote, n'moza awixuthi awe, yole arowa ontumiha, ahira: ⁵ "Exeni perfumela ohitumihiya emiya tharu khuvahiya amasiikhini?". ⁶ Yena ahimyale zoo, kahiyena wira yena anawatjali amasiikhini'awo, masii yena ari latarau; yela ten'yathi n'fukho wan'zurukhu, ni aninýaka etthu yathikheliya mwen'mo. ⁷ Yesu ahira: "Mwin'hiye, yena oxunka eyo wa nihiku kin'rowaka ovithiya". ⁸ Amasiikhine khula nihiku anakhala ni nyu, kahiyena mahiku othene mwin'rowinyu okhala ni Miyano. ⁹ Ni nikhuru nin'tjene natthu nahizuwela wira Yesu ari vavale, ni ahiwa, khinari pahi wira nimone Yesu, masii tho wira emonee Lazaru, yole Yesu ahihimuxalyawe mukhwani. ¹⁰ Maholeli akhulupalyale yahatumererya wira Lazaru wira en'viye; ¹¹ okhala wira wari mwahawe yena yakhumalyaya ni khun'kupali Yesu ¹² N'meloniwaya, atthu intjene yahiwa okhalela nira. Vin'walyaya wira Yesu onwa oyerusalem, ¹³ yahiwanaza erintha ya renthe, ni khiyarowa esiitjeraka wira en'khomaze, ekhuwelaka: "Mahala! Oreriya ole on'wa mwapwiya, mwene o Israel". ¹⁴ Yesu ahin'phwanya mwapuru, ni khuwela, mwana zilepiyaya: ¹⁵ "Ohoveni, mwana osiau; voo Mweniao on'niwa, anan'phanthale mwapuru". ¹⁶ Arumeyawe khiyazuwelale etthun'yo zipatjalyaya, masii, okathi Yesu ovuwihiyawe, vano yahupuwela wira etthun'ye zahilepiya mwaha wa Yena, ni zizan'mo ahirihiya yena. ¹⁷ Vano, n'jovole wakhalale ni Yesu okathi Yena amwazimalyawe Lazaru wira akhume n'mahiyeni ni khun'hihimuxa walipa okhwa, ahira oxahiti wakinaku. ¹⁸ Yari mwaha wan'yela n'jovole wawalyaya wira on'zuwele, okhala wira ayena yahin'wa wira Yena ahipaka n'thonyiheron'na. ¹⁹ Zizan'mo, mafarizi yahihimya zariziaya: "N'kawehani, Nyu khimwin'panka etthu va; mone wira olumwen'ku on'nitharela othuli Wawe". ²⁰ Variyari vale yawale wira yalon'pe, yahavo Akreko. ²¹ Awo yahirowa wa Filipe, ari opetsaita yo Kalileya, ni yahin'koha yiraka: "Mwenye, hiyano ni'phela omona Yesu". ²² Filipe ahirowa olavula ni Antere; Antere ahirowa ni Filipe, ni yahin'himerya Yesu. ²³ Yesu ahiwakhula, Iraha: "Wophiya okathi wa Mwana antthu ovuwihiya. ²⁴ Vekhweli, vekhweli, kinawuhimeryani wira, othaka ya tiriku yamorela vathayani yahikhweru, eyo en'khala zizan'mo, masii eyo wakhwa, enawin'ma ethaka zin'tjene. ²⁵ Yole on'pheta ekumiawe enan'pweteya, masii ole on'nyokha okumiawe olumwen'ku yola onawintjthe wa okumi wohimala. ²⁶ Akhala n'tthu on'phela okirumela, akithare, ni wen'wo onthunaka okhala, wen'we n'rumeiyaka onakhala. Akhala n'tthu on'kirumela, Papaka onan;thithimiha. ²⁷ Vano n'nepaka ori woripiya. Ni kirowa ohimya exeni? Papaa., Ko[poleni okathi olaa'?'Mwaha wanýeyo kiihowa, wira okathi yola. ²⁸ Paapa, vuwihani n'zinanenyu". Vano n'zu nahikhuma wirimu, ni kwira: "Kihuthithimihane ni vazia kinawuthithimihani". ²⁹ Okathi n'xovole wari vavale, vin'walyaya n'yo, wahira wira eyo etarii. Akina yahira: "N'laikha tinin'lavulihale". ³⁰ Yesu ahakhula iraka: "N'zun'no khiniwale mwaha wamiyano, masii mwaha wanyuwano. ³¹ Vano ophukiya wolumwen'ku, ni n'holeli olumwen'ku on'rowa womoliya. ³² Ni Miyano okathi on'rowaka ovenyihiya vathi, kinawawana othene wamiyano". ³³ Yena ahimyale zoo wa namuna'We zin'rowawe okhwa. ³⁴ N'xovo wahimwakhula: "Hiyano nin'niwaka n'kanoni wirari Kristo onakhala okathi wotene. Namuna xeni We oniraoo: 'Mwana an'tthu onrowa ovenyihiya?'. Ola mwana xeni an'tthu?.' ³⁵ Ahahimerya, vano Yesu: "N'nan'lelo okathi vakhani mwenke ori variari vinyu. Mwethe n'narina warya, wira epiphi ehututuxereni. Ole onetha vepiphini khan'zuwela on'rowawe. ³⁶ N;narina mwen'ke, kupalini mwen'ke, wira n'khale axana a mwen'ke". Yesu ahihimya etthgun'iya vano ahikhuma, ni ahiwipitha ayena. ³⁷ N'nakhale Yesu anapan'kalene mitikiniho zin'tjene variyari vaya, awo n'nan'lelo khiyan'kupali Yena, ³⁸ wira zilikane molumo ahimyalyawe Profeta Iesaiya, Yirale: "Pwiya tipani akupalale zalaleyalihu? Ni tipani athonyiheriye ntata Napwiya?". ³⁹ Mwaha wanýeyo, ayena khiyakhala ekuupaliki, Okhala wira Iesaiya yowo ahira: ⁴⁰ "Akhunelaziya men'tho, ni irohozaya zowun'ma; wira ehone nimen'tho, walani ehizuwele ni rohozaya, ni erukunuxe mirima zaya, ni evoone". ⁴¹ Iesaiya ahihimya nýo mwaha wira ahona Warya, ni ahilavula mwaha Wayena. ⁴² Ohiya zotene, maholeli in'tjene yahin'kupali Yesu; masii mwaha wafarizi, awo kiyathuniherale n'yo, wira ehimaniye m'pani mwan'luku. ⁴³ Awo yaniphenta warya wakhuma watthu ovikana warya wakhuma Wan'luku. ⁴⁴ Yesu ahikhuwela iraka: "Tipani okiphavela Miyano, oniphavela wohikhala miyano pahi, masii aletho akirumale, ⁴⁵ ni ole On'kona, on'nimona ole okirumale. ⁴⁶ Miyano kiwale mwana mwen'ke mulumwen;kuni, wira yole otene on'kikupali Miyano ahitikitherye moripela. ⁴⁷ Akhala wira ohavo onin'wa molumwaka, vano kihininýathi, Miyano akinin'phuka, wira kiwale, kahi wira kiphuke olumwen'ku, masii wira kopole olumwenku. ⁴⁸ Yole okikhotha ni kuhakhela molumwaka, ohavo ontthuna ophuka: "Molumo alaleyalyaka Miyano, awo anan'phuka nihiku nomaliha. ⁴⁹ Okhala wira Miyano akilavulale waMiyano; ovirikaniha, Apapaa takirumale, exeni yolavula walani yohimya. ⁵⁰ Miyano kozuwela wira ekano zawe okumi wohimala; vano ele en'himyaka Miyano en'himyaka tinýele Apapa akirumalyaya ohimya".