¹ Wa m'motja a malaikha ale arina ikopho yahiwa olavula ni miyano: ''Nwe, miyano kinawoniherya olamuliya wa puta mulupale ni akilanthi eriyari ya matji mentji, ² ni yowo mamwene a nlaponi araruwanalyaya ni, ni evinyu ya enimittompe awe, atthu ahapaliya''. ³ Nlaikha nahikikuxa m'munepani okiranaka wothakoni, ni kahinweha nthiana akilanthene vansenani noxerya ootjareya matjina oven'ha. Nsena naarina miru mithanu napili ni manyaka muloko. ⁴ Nthiyana owo awanre ikuwo tjowarya ni tjoxerya, ni aphwaneliyene ni ewero, maluku owarya ni iperola; avarenle m'matatani mwawe ekalice yoripa yotjareya tjonanara ni tjohiloka tja onamittomepe awe. ⁵ Vayutji vawe nahilepiya ntjina, yotikiniha: ''BABILONIYA MULUPALE, AMAYAWE ANAMITTOMPE NI TJOTAKHALA TJA NLAPONI''. ⁶ Ni kahiweha wira nthiyana ole ahihapaliya ni ephome ya atthu owarya ni ephome ya ohawa wa Yesu. Okathi miyano kimonalyaka, miyano kahanle oxanka. ⁷ Vano nlaikha nahikihimerya: ''Mwaha wa xeni nrinyu oxanka? Miyano kinamotaphulelani yotikiniha ya nthiyana ni nsena okilathenlyawe, nsena inrina miru mithanu napili ni manyaka muloko. ⁸ Nsena niwehale-nyu, khanikhalale-tho, vano nintthuna owa vathi woripeloni ni n'netta nrowa okwakwanyula. Ni ale ankhala elapo ya vathi, yawo matjina aya ahilepiye Nlivuruni mwa Ekumi okhuma opattuxiya wa elapo, anarowa ohala ooxanka numala oweha nsena wira nookhala, khanikhanle wananano, masi nin'nawa. ⁹ Va van'nirerela muru orina otjuwela. Miru mithanu napili miyako tjen'yo nthiyana akilanthawe. ¹⁰ Awo-tho mamwene athanu napili. Mamwene athanu aamora, m'motja ookhala, ni nkina nlelo khowale; okathi owo onrowawe owa, owo onakhala okathi vakhini. ¹¹ Nsena nikhanle, vano khanikhanle wananano, ti nenlo mwene a nethanu nattharu, ni m'motja a athanu napili, ni n'neetta nirowa okwakwanyula. ¹² Manyaka muloko nyuwano awehale-nyu mamwene nlelo ahakhenle omwene, vano awo anamwakhela owerya ntoko mamwene, vamotja ni nsena, ewora emotja. ¹³ Awo arina mupuwelo m'motja ni anavaha owerya waya nsena. ¹⁴ Anaapaka ekhotto ni Mwapwittipwitthi, vano Mwapwittipwitthi onamwaxiintta okhala wira Owo Apwiya a mapwiya ni Mwene a mamwene, ni Yowo ori na ale owihaniya, othanliya, eekekhayi''. ¹⁵ Ni nlaikha nahikihimerya: ''Matji nyuwano awehale-nyu, vavale puta akilathalyawe, aatthu, muttitthi wa atthu, ilapo ni mattava. ¹⁶ Manyaka muloko awehale-nyu ni nsena anarowa on'nyokha puta ni anrowa on'hiya vekhawe ni ohiwara etthu. Awo anaakhura enama awe ni anampaha otene vamoroni. ¹⁷ Vano Muluku ohavaha vamirimani vaya wiraneya Yotthunawe, awirelaka otthuna ovahererya nsena owerya waya wowettiherya mpakha mathu a Muluku wiraneya. ¹⁸ Nthiyana awen'hale-nyu epoma yulupale enawehaweha mamwene a elapo ya vathi''.